Baby Bag

ქუთაისში, სამეცნიერო პიკნიკზე, 5 ბავშვი კოლბის აფეთქების შედეგად დაშავდა

ქუთაისში, სამეცნიერო პიკნიკზე, 5 ბავშვი კოლბის აფეთქების შედეგად დაშავდა

ქუთაისში, სამეცნიერო პიკნიკზე, 5 ბავშვი კოლბის აფეთქების შედეგად დაშავდა - ინფორმაციას ​მეგა TV ავრცელებს. 

აღნიშული ფაქტი ქუთაისის 33-ე საჯარო სკოლის კარავში ქიმიური ცდების ჩვენებების დროს მოხდა. როგორც თვითმხილველები აცხადებენ, მათ ექსპერიმენტის დროს კოლბა აუფეთქდათ. მოსწავლეებმა ნაკაწრების სახით დაზიანებები მიიღეს. 

გამოძიება სისხლის სამართლის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.

დაშავებული ბავშვების დასახმარებლად ადგილზე მობილიზებული იყო სასწრაფო სამედიცინო ბრიგადა.

სამეცნიერო პიკნიკი ქუთაისის ცენტრალურ ბაღში დღეს 13:00 საათზე დაიწყო.

შეიძლება დაინტერესდეთ

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო

პოპულარული აპლიკაციის „TikTok“-ის მიმართ ახალგაზრდების ფსიქიკური ჯანმრთელობისთვის სავარაუდო ზიანის მიყენების გამო გამოძიება დაიწყო. სოციალური მედია და ტექნოლოგიები ახალგაზრდების განვითარებისთვის ძალიან მნიშვნელოვანია. მიუხედავად იმისა, რომ ინტერნეტსა და სოციალურ მედიას განათლებისა და კომუნიკაციის სახით ბავშვებისთვის სარგებელი მოაქვს, მას ისეთი ნეგატიური ასპექტებიც აქვს, რომელიც მშობლებში შეშფოთებას იწვევს.

„TikTok“-ის პოპულარობა პანდემიის პერიოდში განსაკუთრებით გაიზარდა, როდესაც ადამიანები სახლებში იყვნენ ჩაკეტილები. ის ახალგაზრდებსა და მოზარდებში ამჟამად ყველაზე პოპულარული აპლიკაციაა. აშშ-ის რამოდენიმე შტატმა აპლიკაციის მიმართ გამოძიება დაიწყო მოზარდებისა და ახალგაზრდების ფსიქიკური ჯანმრთელობისთვის მიყენებული სავარაუდო ზიანის გამო.

შტატები იმ მავნე ზეგავლენის გამოკვლევას გეგმავენ, რომელსაც „TikTok“ მოზარდებსა და ახალგაზრდებზე ახდენს. ცნობილი აპლიკაცია აშშ-ის მთავრობის კრიტიკის ობიექტი მანამდეც ყოფილა. გამოძიების დაწყება კი მის მიმართ ნეგატიურ დამოკიდებულებას კიდევ უფრო ამძაფრებს. პოპულარულ აპლიკაციას ბავშვების დიდი ნაწილი აქტიურად იყენებს, ამიტომ მნიშვნელოვანია, მშობლები კარგად იყვნენ ინფორმირებული მისი დადებითი და ნეგატიური მხარეების შესახებ. შტატები, რომლებიც „TikTok“-ის მიმართ გამოძიებას აწარმოებენ შემდეგია: კალიფორნია, ფლორიდა, კენტუკი, მასაჩუსეტსი, ნებრასკა, ნიუ-ჯერსი, ვერმონტი და ტენესი.

გამოძიება აპლიკაციას ალგორითმის გამოყენებით მოზარდებისა და ახალგაზრდებისთვის ისეთი ვიდეოების შეთავაზებას ედავება, რომლებიც კვებითი აშლილობების, თვითდამაზიანებელი და სხვა სახის სახიფათო ქცევების წახალისებას უწყობს ხელს.

„TikTok“-მა საზოგადოების მრისხანება მანამდეც დაიმსახურა, როდესაც ცნობილი გახდა აპლიკაციაში არსებული სახიფათო გამოწვევებისა და ტენდენციების შესახებ. „TikTok“ გამოწვევებში მონაწილეობა ზოგიერთი მოზარდისთვის ფატალური აღმოჩნდა. მნიშვნელოვანია, რომ მშობლებმა შვილებისგან მიიღონ ინფორმაცია, თუ რას აკეთებენ ისინი აპლიკაციაში და რა ზიანი შეიძლება მიაყენოს მათ „TikTok“-ის გამოყენებამ.

წყარო: ​Moms.com

წაიკითხეთ სრულად