Baby Bag

506 განკურნებული და 362 გარდაცვლილი - უახლესი მონაცემები კორონავირუსის შესახებ

506 განკურნებული და 362 გარდაცვლილი - უახლესი მონაცემები კორონავირუსის შესახებ
სიახლეები

​ბოლო მონაცემებით (03.02.2020, 15:45), ახალი კორონავირუსისგან მსოფლიოს მასშტაბით 506 ადამიანი განიკურნა, გარდაცვლილია 362, დაინფიცირებულთა რიცხვმა კი 17 485-ს მიაღწია. ამ დროისთვის კორონავირუსის შემთხვევა 25-ზე მეტ ქვეყანაშია დადასტურებული.

ჩინეთის საზღვრებს გარეთ ვირუსით გარდაცვალების პირველი შემთხვევა გუშინ ფილიპინებში დაფიქსირდა. 44 წლის ჩინელი კაცი ფილიპინებში უხანიდან ჩავიდა. იგი ფილიპინებში ჩასვლამდე იყო კორონავირუსით დაავადებული.

ჯანდაცვის მსოფლიო ორგანიზაციამ კორონავირუსის გამო საერთაშორისო საგანგებო მდგომარეობა გამოაცხადა, რის მთავარ მიზეზად იმ ქვეყნების დაცვა დასახელდა, რომლებმაც შეიძლება კორონავირუსთან გამკლავება თავად ვერ შეძლონ.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში პანიკის საფუძველი არ არსებობს. მისი თქმით, ამ ეტაპზე კორონავირუსით ინფიცირებული ადამიანის არცერთი შემთხვევა არ დაფიქსირებულა.

#კორონავირუსი

შეიძლება დაინტერესდეთ

სიახლეები

შესაძლებელია თუ არა კოვიდ 19-ის გადატანის შემდგომ თავიდან დაინფიცირება

შესაძლებელია თუ არა კოვიდ 19-ის გადატანის შემდგომ თავიდან დაინფიცირება

შესაძლებელია თუ არა კოვიდ 19-ის გადატანის შემდგომ თავიდან დაინფიცირება, - ამ თემაზე საფრანგეთში მცხოვრები ქართველი ექიმი რევაზ ბოჭორიშვილი​ სოციალურ ქსელში წერს. გთავაზობთ მის პოსტს:

„სავსებით ბუნებრივია, რომ ყველას აინტერესებს, შესაძლებელია თუ არა კოვიდ 19-ის გადატანის შემდგომ თავიდან დაინფიცირება. საკითხში გასარკვევად ცოტაოდენი ციფრები გავიხსენოთ.

დღევანდელი მონაცემებით, მსოფლიოში კოვიდ 19-ის 66 698 498 შემთხვევაა დაფიქსირებული და რეინფიცირების მხოლოდ 15 დადასტურებული შემთხვევაა. ანუ 0.000000224892621%, რაც სტატისტიკურად უკიდურესად უმნიშვნელო მაჩვენებლად ითვლება და შეიძლება უბრალოდ დავივიწყოთ. შედარებისათვის, საფრანგეთის ანესთეზიოლოგთა საზოგადოების მონაცემებით, ზოგადი ნარკოზის დროს საერთო სიკვდილიანობის მაჩვენებელი შვიდია მილიონზე... პაციენტებს აცნობენ ამ ციფრს და არ მახსოვს, ჯერ ვინმეს ამის გამო ნარკოზზე უარი ეთქვას.
​
კოვიდს რაც შეეხება, ძალიან ცოტა სანდო მონაცემია თავად უიშვიათესი ფენომენის გამო. ​ბოლო პუბლიკაცია ამ საკითხზე 19 ნოემბრით თარიღდება.
​
ეს კვლევა ეხება ოქსფორდის საუნივერსტეტო საავადმყოფოს თანამშრომლებს, რომლებსაც სისხლის ანალიზი ჩაუტარდათ და იმუნოლოგიური სტატუსი იქნა შესწავლილი 27 მარტიდან დაწყებული 6 თვის განმავლობაში. 1246 თანამშრომელს SARS Cov-2-ის მიმართ ანტისხეულები დაუდგინდა. ეს გადატანილი დაავადების შესახებ მიუთითებდა. დეტალებში რომ არ შევიდეთ, 6 თვის თავზეც ორგანიზმის იმუნური რეაქცია შენარჩუნებული აღმოჩნდა და 6 თვის შემდგომ, არც ერთს არ აღენიშნა ახალი ინფექცია (რეინფექცია), მხოლოდ სამს დაუდგინდა კოვიდ-19-ის დადებითი PCR ტესტი ყოველგვარი სიმპტომების გარეშე.

​ეს კვლევა ასკვნის:
კოვიდ 19-ის გადატანის შემდეგ მინიმუმ 6 თვის განმავლობაში კოვიდ 19-ის საწინააღმდეგო იმუნიტეტი შენარჩუნებულია. ამავე პერიოდის განმავლობაში კლინიკურად გამოხატულ რეინფიცირებას ადგილი არ აქვს.
​
მდგრად იმუნიტეტზეა ასევე საუბარი საფრანგეთის ჯანდაცვის უმაღლესი ორგანოს (HAS) ​ტექსტში, რომელიც 25 ნოემბრით თარიღდება.
​„THE LANCET“-ში მოყვანილია 4 შემთხვევა რეინფიცირებისა.
​
ზუსტი ახსნა ამ ფენომენისა არ არსებობს, ამასთან არცერთ პაციენტს რაიმე იმუნური დეფიციტი არ აღენიშნებოდა.

​რაც შეეხება აცრის საჭიროებას ინფექციის გადატანის შემდგომ, ამის შესახებ ჯერჯერობით არანაირი სამეცნიერო მონაცემი არ არსებობს და ცალსახად პასუხის გაცემა შეუძლებელია.

​რაც მთვარია, დღევანდელი მონაცემების მიხედვით, კოვიდ-19 ის გადატანის შემდგომ მინიმუმ 6 თვის განმავლობაში ნარჩუნდება მდგრადი იმუნიტეტი და თავიდან დაინფიცირების რისკი პრაქტიკულად 0-ის ტოლია,“ - წერს ექიმი რევაზ ბოჭორიშვილი.

წაიკითხეთ სრულად
გასათიშად დააჭირეთ ESC.