სამტრედიაში ქმარმა 26 წლის ცოლს განქორწინებამდე რამდენიმე წუთით ადრე, იუსტიციის სახლში ყელის არეში ჭრილობები მიაყენა, რის შედეგადაც ქალი გარდაიცვალა. მკვლელი ცხელ კვალზე დააკავეს.
მომხდარ ტრაგედიას ტელეწამყვანი ნათია ლაზაშვილი გამოეხმაურა.
როდის აღარ არიან გადამდები კორონავირუსით ინფიცირებული პაციენტები? - აღნიშნულ კითხვას თბილისის ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ საქართველოს პირველი არხის ეთერში, მარი მალაზონიას გადაცემაში „პირადი ექიმი – „კოვიდ-19“ საგანგებო“ უპასუხა.
„თუ პაციენტი უსიმპტომოა, მაგრამ მას დაუდასტურდა კოვიდინფექცია, დადასტურებიდან 10 დღის შემდეგ ის უკვე აღარ არის გადამდები, მას ტესტირება არ სჭირდება, უკვე შეუძლია, გავიდეს საზოგადოებაში და ჩათვალოს, რომ არავის დააინფიცირებს. რაც შეეხება სიმპტომიან პაციენტებს, მსუბუქი და საშუალო სიმძიმის სიმპტომებით, მსუბუქ და საშუალო სიმძიმის პაციენტებს 10 დღეზე მეტი არ გაუგრძელდებათ სიმპტომები, შესაბამისად, კიდევ სამი უსიმპტომო დღე და 13 დღის შემდეგ ისინი აღარ არიან გადამდები, ითვლებიან გამოჯანმრთელებულად, შეუძლიათ, შეუერთდნენ საზოგადოებას,'' - აღნიშნა მარინა ენდელაძემ.
