საქართველოში კორონავირუსის უკვე ცხრა შემთხვევაა დადასტურებული. ამის შესახებ საქართველოს მთავრობის მიერ შექმნილ სპეციალურ ვებგვერდზე წერია.
ამავე ვებგვერდის მონაცემებით, კარანტინის რეჟიმშია - 162 ; სტაციონარში მეთვალყურეობის ქვეშ კი - 45.
„წინასწარ უნდა ვიყოთ შემზადებული, რომ შესაძლოა, მთავრობამ დიდი თავყრილობები აკრძალოს,“ - ამის შესახებ დაავადებათა კონტროლის ეროვნული ცენტრის უფროსის მოადგილემ, პაატა იმნაძემ მთავრობის ადმინისტრაციაში ჟურნალისტებს განუცხადა.
მისივე თქმით მოსახლეობა უნდა მოემზადოს, რომ შეზღუდვები რაღაც ეტაპზე გახდება მეტი. როგორც პაატა იმნაძემ აღნიშნა, ყველაფერი დამოკიდებული იქნება ეპიდემიოლოგიური სიტუაციის განვითარებაზე.
„მოსახლეობა უნდა მოემზადოს, რომ შეზღუდვები რაღაც ეტაპზე გახდება მეტი, ეს იყო ჩვენი რეკომენდაცია მთავრობისათვის. მაგალითად, ეს არის პირველ რიგში, 100-კაციანი ქორწილები, ქელეხები. ეს არის შეზღუდვა ჩვეულებრივი ცხოვრების წესის, მაგრამ დადგება მომენტი, როცა ეს, შესაძლოა, გასაკეთებელი გახდეს. ამიტომ ამისათვის ყველა წინასწარ უნდა ვიყოთ შემზადებული, რომ შესაძლოა, მთავრობამ დიდი თავყრილობები აკრძალოს. ჩვენ არ გვინდა მივიდეთ ისეთ სიტუაციამდე, როგორზეც მივიდა ზოგიერთი ევროპული ქვეყანა და შემდეგ გამოაცხადეს ასეთი ღონისძიებები. ყველაფერი დამოკიდებული იქნება ეპიდემიოლოგიური სიტუაციის განვითარებაზე“, - განაცხადა პაატა იმნაძემ.
წაიკითხეთ სრულად
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
