Baby Bag

,,თუ ამ ერთ თვეში ვერ შეჩერდა ვირუსის გავრცელება და გაგრძელდება საგანგებო მდგომარეობა, რამდენი დადგება სიკვდილ-სიცოცხლის ზღვარზე?''

,,თუ ამ ერთ თვეში ვერ შეჩერდა ვირუსის გავრცელება და გაგრძელდება საგანგებო მდგომარეობა, რამდენი დადგება სიკვდილ-სიცოცხლის ზღვარზე?''

,,მეგონა, საგანგებო მდგომარეობის გამოცხადება ბევრ სათუო საკითხს მკაფიობას შესძენდა. ორაზროვანი რეკომენდაციები, მიკიბ-მოკიბული საუბრები სიტუაციას არ შველის!

საქმე მარტივადაა, რამდენი ოჯახი გაუძლებს ამ ერთ თვიან იზოლაციას? ჩემს ირგვლივ არაერთი უკვე უშემოსავლოდ დარჩა. თუ ამ ერთ თვეში ვერ შეჩერდა ვირუსის გავრცელება და გაგრძელდება საგანგებო, რამდენი დადგება სიკვდილ-სიცოცხლის ზღვარზე?

თითოეულის მოვალეობაა მხოლოდ საკუთარ სულიერ სიმშვიდეზე არ იფიქროს. ბავშვები, მოხუცები საკუთარ თავზე ვერ ზრუნავენ, ისინი ჩვენზე არიან დამოკიდებულები. ჩვენი უგონო საქციელით მათ ვიმეტებთ ავადმყოფობისთვის, შიმშილისთვის, სიკვდილისთვის.

ჩემი თავისუფლება მთავრდება იქ, სადაც თქვენი თავისუფლება იწყება და პირიქით. ჰოდა, დარჩით სახლში, ვიზრუნოთ ერთმანეთზე!''


მასწავლებლის სახლის დირექტორის მოადგილე მანანა რატიანი

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წყარო“.

შეიძლება დაინტერესდეთ

,,AstraZeneca-ს და Pfizer-ის შერევით უფრო მძაფრი იმუნიტეტის წარმოქმნის ალბათობასაც ვარაუდობენ''

,,AstraZeneca-ს და Pfizer-ის შერევით უფრო მძაფრი იმუნიტეტის წარმოქმნის ალბათობასაც ვარაუდობენ''

ამერიკაში მოღვაწე ქართველი ექიმი ნანა გეგეჭკორი სოციალურ ქსელში ორი ვაქცინის - AstraZeneca-სა და Pfizer-ის შერევის თემაზე საუბრობს. MomsEdu.ge მის ნათქვამს უცვლელად გთავაზობთ:

,,არ წყდება კითხვები ჩემს ინბოქსში, ვაქცინების შერევასთან დაკავშირებით. ვადევნებ თვალს, საქართველოში, ვაქცინაციასთან დაკავშირებულ პრობლემებს. სამწუხაროდ, ეს მოსალოდნელი იყო, გამომდინარე იქიდან როგორ მიდიოდა პროცესი დასაწყისიდანვე. ალბათ, ბევრს გაგახსენდებათ ჩემი პასუხი კითხვაზე, როდისაა AstraZeneca-ს მეორე დოზა რეკომენდირებული? ხშირად მითქვამს, კვლევებში ნაჩვენები იდეალური ინტერვალი 12 კვირაა თუმცა, გაითვალისწინეთ, საქართველოში ცხოვრობთ და სანამ ინტერვალს კვლევის მიხედვით შეარჩევთ დარწმუნდით რომ იმ დროისთვის მეორე დოზა იქნება... სამწუხაროა რაც ახლა ხდება, მაგრამ გამოუვალი მდგომარეობა ნამდვილად არ არის. ამ დროისთვის უკვე არასებობს ვაქცინების შერევის პრაქტიკა რანდომიზირებულ კვლევაში და კვლევის წინასწარი შედეგიც საიმედოდ გამოიყურება. AstraZeneca-ს და Pfizer-ის შერევით, უფრო მძაფრი იმუნიტეტის წარმოქმნის ალბათობასაც ვარაუდობენ.

მთავარია, ყველას გვესმოდეს პრევენციის წესების დაცვის აუცილებლობა. თუ ვერ ვისწავლით ამ ვირუსთან თანაცხოვრებას, უსაფრთხოების წესების დაცვით, სამწუხაროდ, მხოლოდ ვაქინაცია არ არის გამოსავალი. მუტაცია ვირუსს აძლევს საშუალებას თავი ნაწილობრივ მაინც დაიცვას ჩვენი იმუნიტეტისგან. მითუმეტეს იმ გარემოში სადაც 2%-ზე ნაკლებია აცრილი, უსაფრთხოების არანაირი გარანტია არ არსებობს. სახელმწიფოსთვის კი დღეში 20-30 ადამიანის სიკვდილი მხოლოდ სტატისტიკაა და არა ცალკეული ადამიანების ტრაგედია.

ნუ იქნებით ჩინოვნიკების პასუხისმგებლობის იმედად.

პასუხისმგებლობით მოვეკიდოთ საკუთარ და სხვების ჯანმრთელობის და სიცოცხლის უფლებას,'' - აღნიშნავს ნანა გეგეჭკორი. 


წაიკითხეთ სრულად