Baby Bag

1500 ტიტა გურჯაანელი კაკო პაპას ბაღიდან ექიმებს აჩუქეს - ფოტოები

1500 ტიტა გურჯაანელი კაკო პაპას ბაღიდან ექიმებს აჩუქეს - ფოტოები
სიახლეები

1500 ტიტა გურჯაანელი კაკო პაპას ბაღიდან მოქალაქეებმა მადლიერების ნიშნად თბილისის სხვადასხვა საავადმყოფოს ექიმებს აჩუქეს. 

იდეის ერთ-ერთი ავტორია სოფო ახალაია, რომელმაც მეგობრებთან ერთად ტიტები კახეთში შეიძინა და კლინიკის ქალბატონებს მიუძღვნა.

გურჯაანელი კაკო ჯეირანაშვილის ისტორია, რომელიც პანდემიის გამო ტიტებს ვეღარ ყიდდა, რამდენიმე დღის წინ ​რადიო თავისუფლებამ გაავრცელა. 63 წლის მეყვავილეს ასეულობით უცნობი ადამიანი დაეხმარა. მეყვავილემ ტიტები ერთ დღეში სრულად გაყიდა. მას მოქალაქეებმა და კომპანიებმა იმაზე მეტი თანხა ჩაურიცხეს, ვიდრე იზარალა.


#კორონავირუსი

შეიძლება დაინტერესდეთ

წიგნები

ნოდარ დუმბაძის ეს ორი წიგნი კორონავირუსით გამოწვეული სტრესის დაძლევაში დაგეხმარებათ

ნოდარ დუმბაძის ეს ორი წიგნი კორონავირუსით გამოწვეული სტრესის დაძლევაში დაგეხმარებათ
​MomsEdu.ge გთავაზობთ კარანტინის დროს წასაკითხ ორ წიგნს - ნოდარ დუმბაძის პირველ და ბოლო რომანს. 

მწერლის პირველი რომანია ყველასათვის ნაცნობი და საყვარელი ,,მე, ბებია, ილიკო და ილარიონი", უკანასკნელი კი ,,მარადისობის კანონი'' . 

1. ,,მე, ბებია, ილიკო და ილარიონი" - ნოდარ დუმბაძის პირველი და ყველაზე პოპულარული რომანი. ნაწარმოების მთავარი გმირი, მთხრობელი ზურიკელა ვაშალომიძე გურიის სოფელ ხიდისთავში ცხოვრობს ბებიასთან ერთად. ბებიას შვილიშვილის აღზრდაში მეზობლები, ილიკო და ილარიონი ეხმარებიან. ნაწარმოების მოქმედება დიდი სამამულო ომის დროს ვითარდება. რომანის მიხედვით გადაღებულია ამავე სახელწოდების ფილმი. 

2. ,,მარადისობის კანონი'' -  ნოდარ დუმბაძის ბოლო რომანია. სიკეთისა და ბოროტების მუდმივი ბრძოლის თემა მწერლის არც ამ ნაწარმოებს ტოვებს. რომანის მთავარი გმირის, საავადმყოფოში მძიმე მდგომარეობაში მყოფი ბაჩანას აზრით, მხოლოდ ხელოვნური გულის მქონე ადამიანს შეუძლია ბოროტებას მშიდად უცქიროს. ის საკუთარ ექიმს ეუბნება:,,სანამ ცოცხლები ვართ, ერთმანეთს ხელი უნდა გავუწოდოთ, რათა დავეხმაროთ ჩვენს სულებს უკვდავების მოპოვებაში ...".

წაიკითხეთ წიგნები და არ დაგავიწყდეთ!!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
წაიკითხეთ სრულად
გასათიშად დააჭირეთ ESC.