Baby Bag

,,სად გაგონილა, რომელ ეთიკაში წერია, გამოხვიდე და ადამიანს, რომელსაც დედა უკვდება, თავზე წამოაძახო შენი დაუდევრობის ბრალიაო, შენგან გადაედოო''

,,სად გაგონილა, რომელ ეთიკაში წერია, გამოხვიდე და ადამიანს, რომელსაც დედა უკვდება, თავზე წამოაძახო შენი დაუდევრობის ბრალიაო, შენგან გადაედოო''

,,მამაჩემი მოქმედი ექიმია.


მთელი ცხოვრება ჩემი თვალით ვუყურებ რას ნიშნავს პროფესიონალიზმი და პაციენტისთვის თავდადება. ჩემი ღრმა პატივისცემა თითოეულ იმ ექიმს, ექთანს, საავადმყოფოს თანამშრომელს, ვინც ახლა იბრძვის, მაგრამ...


სად გაგონილა, რომელ ეთიკაში წერია, გამოხვიდე და ადამიანს, რომელსაც დედა უკვდება, თავზე წამოაძახო შენი დაუდევრობის ბრალიაო, შენგან გადაედოო. 


განა თვითონ ვერ აცნობიერებს ამას? განა დამატებით სჭირდება იმის თქმა, რომ დედა სიკვდილს მის გამო ებრძვის?

საკუთარ თავს რამე რომ დამართოს, სად მივდივართ მერე?


რთული დრო გვიდგას. საკუთარ სიტყვებს უნდა დაუკვირდეს ის, ვის სიტყვებსაც ახლა იმედით და გულის კანკალით ვუსმენთ.'' - ასე გამოეხმაურა მწერალი დათო გორგილაძე ლევან რატიანის ნათქვამს. 




„თვი­თონ რომ ესიამოვნა, იყო სა­დღაც, თავად გა­ე­წე­რა კლი­ნი­კი­დან და მისი ოჯა­ხის წევ­რი...
„ჩვენ­თან არის ოჯა­ხი, ოჯა­ხის წევ­რმა, იმი­ტომ, რომ თვი­თონ ესიამოვნა, იყო სა­დღაც, თვი­თონ გა­ე­წე­რა კლი­ნი­კი­დან და მისი ოჯა­ხის წევ­რი, დედა ამ წუ­თას კვდე­ბა რე­ა­ნი­მა­ცი­ა­ში. ესაა უპასუხისმგ...

შეიძლება დაინტერესდეთ

„თუ ტემპერატურა ორი-სამი დღის განმავლობაში მაღალ ციფრებზეა, მაშინ უნდა იფიქროთ, რომ ეს არის კორონავირუსი,“ - ივანე ჩხაიძე

„თუ ტემპერატურა ორი-სამი დღის განმავლობაში მაღალ ციფრებზეა, მაშინ უნდა იფიქროთ, რომ ეს არის კორონავირუსი,“ - ივანე ჩხაიძე

პედიატრმა ივანე ჩხაიძემ ბავშვებში კოვიდ-19-ის მიმდინარეობის თავისებურებებზე ისაუბრა. მან აღნიშნა, რომ ვირუსი ყველაზე საშიშია წლამდე ასაკის პატარებისთვის:

„ყველაზე საშიში არის წლამდე ასაკი. წლამდე ასაკის ბავშვი, ​თუ კორონავირუსი დაფიქსირდა და ცხელება არის, აუცილებლად უნდა იყოს საავადმყოფოში. იქ გართულებების რისკი გაცილებით მაღალია. ამ ასაკობრივ ჯგუფში ჩვენ ყოველთვის უფრო ფრთხილად ვართ. იმუნური სისტემის მზაობა გაცილებით უფრო სუსტია, ვიდრე მოზრდილ ასაკობრივ ჯგუფში. ჩვენ ყოველთვის გვეშინია წლამდე ასაკობრივ ჯგუფში ნებისმიერი ვირუსული ინფექციის.“

ივანე ჩხაიძის თქმით, მაისში გრიპის არცერთი შემთხვევა საქართველოში არ ფიქსირდება და გრიპის სეზონი აპრილში დასრულდა:

„მაისის თვეში არცერთი შემთხვევა არ არის გრიპი. გრიპის სეზონი საქართველოში იწყება ნოემბერში და მთავრდება ყველაზე გვიან აპრილში. წელს ქვეყანაში ორი შემთხვევაა დაფიქსირებული გრიპის. ის, რომ ახლა სეზონური ვირუსების მატება აღინიშნება, ეს ფაქტია, მაგრამ ეს არ არის გრიპი. გრიპის დროს აუცილებლად არის მაღალი ტემპერატურა, თავის ტკივილი, ყელის ტკივილი, სახსრების, კუნთების ტკივილი, ზოგადი მდგომარეობა მძიმეა. ეს არის გრიპი. ის ვირუსები, რომლებიც ახლაა, ძირითადად სასუნთქ სისტემაზე მოქმედებენ.​ არის ხველა, ცხვირიდან გამონადენი, შეიძლება იყოს მსუბუქი ყელის ტკივილი, მაგრამ არავითარ შემთხვევაში მაღალი ტემპერატურა, არავითარ შემთხვევაში ძლიერი დაღლილობის, სხეულის ტკივილის, საერთო სისუსტის შეგრძნება. ეს უფრო გრიპისთვის არის დამახასიათებელი.“

„თუ ტემპერატურა ორი-სამი დღის განმავლობაში მაღალ ციფრებზეა, მაშინ ​უნდა იფიქროთ, რომ ეს არის კორონავირუსი. არცერთ იმ ტიპის ვირუსს არ ახასიათებს გახანგრძლივებული ტემპერატურა 38-ზე მაღალი. ყველაზე მარტივი რჩევა ეს იქნება. თუ თქვენი შვილი არ ჭამს, ძილიანია, უხასიათოდ არის, იფიქრეთ, რომ ეს შეიძლება იყოს კორონავირუსი. აუცილებლად მიმართეთ ექიმს,“ - აღნიშნულ საკითხებზე ივანე ჩხაიძემ ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

წაიკითხეთ სრულად