Baby Bag

,,სტატისტიკურად ამერიკაში, ევროპაში იმატა ბავშვებში covid-19-ის უცნაურმა გამოვლინებებმა'' - პედიატრის გაფრთხილება

,,სტატისტიკურად ამერიკაში, ევროპაში იმატა ბავშვებში covid-19-ის უცნაურმა გამოვლინებებმა'' - პედიატრის გაფრთხილება

,,ჩემო ძვირფასო მეგობრებო! მესმის,რომ ძალიან დაიღალეთ, მესმის, რომ თავისუფლებაზე ოცნებობთ!!! გაზაფხულის თბილი დღეები ძალიან მომხიბვლელია და სურვილს გიჩენთ განავარდების, ურთიერთობების, სავსეა ქალაქის ქუჩები ადამიანებით, მოზარდებით, ბავშვებით, ყოველგვარი სოციალური დისტანცირების,ნიღბების გარეშე,უფრო მეტიც,ხელის ჩამორთმევით და გადაკოცნის ფაქტებით!!!უცებ დაგვავიწყდა რა საშიში ვირუსი გვეომებოდა, ისიც არ გვახსოვს, რომ ის ბოლომდე არ არის დამარცხებული და განაგრძობს ომს ჩვენთან!!! გთხოვთ, ნუ გაგათამამებთ შეზღუდვების გაფართოვება, არ ვიცით ჯერ ბევრი რამ, არ გვაქვს ვირუსთან დაკავშირებული კვლევების შედეგები ბოლომდე(მრავალი მიმართულებით ტარდება კვლევა) არ გვაქვს წამალი და სპეციფიური ვაქცინა!!! სტატისტიკურად ამერიკაში, ევროპაში იმატა ბავშვებში covid-19-ის უცნაურმა გამოვლინებებმა, სისტემური ანთებითი პროცესებით და ცრუ, არასრული კავასაკის დაავადების ნიშნებით მიმდინარე, მძიმე შედეგები დაიდო, ლეტალური გამოსავალიც მათ შორის! ამიტომ სიფრთხილეა ჯერ კდევ საჭირო!!! ბავშვთა დაწესებულებებში სწავლა გადაიდო სექტემბრამდე,ეს იმას ნიშნავს,რომ ვერიდებით მათ კომუნიკაციას დაავადების პრევენციის მიზნით,მაგრამ რა აზრი აქვს, თუ ვივლით სიფრთხილის ზომების გარეშე,ვეწვევით ერთმანეთს სტუმრად!!! შეიკავეთ ჯერჯერობით თავი მასიური თავყრილობებისგან! მტერს არ ძინავს, ის ჩასაფრებულია,არსად არ წასულა!!!არ გაშინებთ,უბრალოდ გაფრთხილებთ!! მოგვიწევს ვირუსთან თანაცხოვრება და ჩვენი უნარ-ჩვევების შეცვლა, სანამ საბოლოოდ არ დავამარცხებთ მტერს! გავიყვანოთ ბავშვები, ვასეირნოთ, მაგრამ დავიცვათ მოწოდებული რეკომენდაციები!!! გავუფრთხილდეთ ერთმანეთს!!!'' - აღნიშნულის შესახებ პოსტს სოციალურ ქსელში პედიატრი ინგა მამუჩიშვილი აქვეყნებს. 


შეიძლება დაინტერესდეთ

„ბუნებრივი იმუნიტეტი არსებობს, ის იცავს, მაგრამ ეს ვერაფრით ვერ გამოგვადგება ვაქცინის საწინააღმდეგო არგუმენტად,“ - მაია ბუწაშვილი

„ბუნებრივი იმუნიტეტი არსებობს, ის იცავს, მაგრამ  ეს ვერაფრით ვერ გამოგვადგება ვაქცინის საწინააღმდეგო არგუმენტად,“ - მაია ბუწაშვილი

ინფექციონისტმა მაია ბუწაშვილმა კოვიდის წინააღმდეგ ბუნებრივი იმუნიტეტის ეფექტიანობისა და ვაქცინაციის აუცილებლობის შესახებ ისაუბრა:

„რა თქმა უნდა, ​ბუნებრივი იმუნიტეტი არსებობს, ის იცავს, მაგრამ ეს ვერაფრით ვერ გამოგვადგება ვაქცინის საწინააღმდეგო არგუმენტად. ბუნებრივი იმუნიტეტი და ვაქცინა ერთად არის საუკეთესო დაცვა და რისკების შემცირების გარანტირებული მეთოდი. ზოგიერთი კვლევა ამბობს, რომ კოვიდ გადატანილებისთვის მეორე აცრას აზრი არ აქვს და ერთი შეიძლება იყოს საკმარისი. ევროპის მთელი რიგი ქვეყნები კოვიდ გადატანილ მოზრდილებს მოერეჯერ არ ცრიან. ის, რომ კოვიდ გადატანილმა აღარ აიცრას, დღის წესრიგში საერთოდ არ დგას.“

მაია ბუწაშვილის თქმით, პირველი დოზის გაკეთების შემდეგ ვაქცინები საშუალოდ 30%-ით გვიცავს:

„ვაქცინის პირველი დოზის შემდეგ საშუალოდ 30%-ია დაცვა. მეორე დოზიდან ორი კვირის შემდეგ დაცვა აღწევს იმ მაქსიმუმს, რაც ამ ვაქცინისთვის არის შესაბამისი. ვისაც არ აქვს ანტისხეულები, ეს ავტომატურად არ ნიშნავს, რომ მათ იმუნიტეტი არ აქვთ.“

„რეინფიცირების შემთხვევაში უფრო მსუბუქად უნდა მიდიოდეს დაავადება, მაგრამ ზოგჯერ ეს კანონზომიერება ირღვევა. რეინფექციის დროს პირიქით, უფრო მძიმედ გამოხატული შემთხვევებიც ყოფილა. კოვიდ გადატანილს აცრა როდესაც ემატება, ის ორ-ნახევარჯერ მეტად დაცული ხდება. კოვიდის გადატანიდან ერთ თვეში ადამიანს შეუძლია აიცრას. ჩვენთან ადამიანებს, რომლებსაც ქრონიკული დაავადებები აქვთ, უფრო მეტად რატომღაც აქვთ ფაიზერის ვაქცინის შიში. პირველი სამი დღის განმავლობაში ვიზუალურად ფაიზერის ვაქცინას შეიძლება მეტად ჰქონდეს გამოხატული გვერდითი მოვლენები. ამის ნუ შეეშინდებათ. ​ფაიზერის ვაქცინის პრობლემა ის არის, რომ რამდენიმე თვის შემდეგ შედარებით მკვეთრად შემცირდა იმუნიტეტი და დასჭირდა ბუსტერი, რაც აჩვენა ზოგიერთი ქვეყნის მაგალითმა,“- აღნიშნულ საკითხზე მაია ბუწაშვილმა „რადიო თავისუფლების“ ეთერში ისაუბრა.

წყარო: ​„რადიო თავისუფლება“

წაიკითხეთ სრულად