Baby Bag

200-ლარიან კომპენსაციას 17 წლის ჩათვლით ბავშვები მიიღებენ და თანხები 1-15 სექტემბრამდე ანაზღაურდება - ეკატერინე ტიკარაძე

ჯანდაცვის მინისტრის, ეკატერინე ტიკარაძის განცხადებით, 200-ლარიან კომპენსაციას 17 წლის ჩათვლით ბავშვებიც მიიღებენ. მისივე თქმით, დახმარების მისაღებად ამოქმედდება პორტალი, სადაც შესაბამისი დოკუმენტაციის ატვირთვა იქნება შესაძლებელი.

„პირველ რიგში, შევიტან შესწორებას - 17 წლის ჩათვლით ბავშვები მიიღებენ ამ კომპენსაციას. განცხადებების შევსებაზე და კონკრეტულ დოკუმენტაციაზე ჯანდაცვის სამინისტროს აქვს დაწყებული მუშაობა. ჩვენ ამ შემთხვევაშიც ვფიქრობთ, რომ დოკუმენტების ნუსხა უნდა იყოს მაქსიმალურად მარტივი, რათა ოპერატიულად მოხდეს თანხების ანაზღაურება ჩვენი ბავშვების კეთილდღეობისთვის. შემდეგ კვირაში მოგაწვდით დეტალურ ინფორმაციას, ასევე ხელმისაწვდომს გავხდით პორტალს, სადაც მოხდება დოკუმენტაციის ატვირთვა და დარწმუნებული ვარ, რომ სწავლის დაწყებამდე, 1-15 სექტემბრამდე სრულად იქნება ანაზღაურებული თანხები“, - განაცხადა ეკატერინე ტიკარაძემ.

არ დაგავიწყდეთ !!!

Momsedu.ge-მ თქვენთვის, დედებისთვის შექმნა ახალი სივრცე. მოიწონეთ გვერდი მცოდნე დედე​ბი

თუ აქამდე ერთ ოთახში 20 ადამიანი იჯდა, ახლა ასე ვეღარ იქნება - ამირან გამყრელიძე სასწავლო...
„თუ აქამდე ერთ საკლასო ოთახსა და აუდიტორიაში 20 ადამიანი იჯდა, ახლა ასე ვეღარ იქნება,“ - ამის შესახებ საქართველოს დაავადებათა კონტროლის ეროვნული ცენტრის დირექტორმა, ამირან გამყრელიძემ მ...
17 წლამდე ბავშვები ერთჯერადად 200-ლარიან დახმარებას მიიღებენ
საქართველოს 17 წლამდე მოქალაქეები სახელმწიფოს მხრიდან ერთჯერადად 200 ლარის ოდენობის დახმარებას მიიღებენ, - ამის შესახებ პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა.„...

შეიძლება დაინტერესდეთ

ვინ მიიღებს საქართველოში შემოტანილ კორონავირუსის საწინააღმდეგო პრეპარატს? - ჯანდაცვის მინისტრის მოადგილის განმარტება

ვინ მიიღებს საქართველოში შემოტანილ კორონავირუსის საწინააღმდეგო პრეპარატს?  - ჯანდაცვის მინისტრის მოადგილის განმარტება

ჯანდაცვის მინისტრის მოადგილემ თამარ გაბუნიამ საქართველოში შემოტანილი კორონავირუსის საწინააღმდეგო პრეპარატის პაქსლოვიდის შესახებ ისაუბრა და განმარტა, თუ ვისთვის იქნება მისი გამოყენება რეკომენდებული:

„პაქსლოვიდი არის პირველი პრეპარატი, რომელმაც დაადასტურა ძალიან მაღალი ეფექტიანობა უშუალოდ კორონავირუსის წინააღმდეგ. 88-89%-ია ეფექტიანობა ჰოსპიტალიზაციისა და ლეტალობის შემცირების კუთხით კოვიდინფიცირებულ პირებში. ის გამრავლების უნარს უკარგავს ვირუსს. დასაწყისშივე, დადასტურებიდან პირველი 5 დღე არის თერაპიული ფანჯარა, როდესაც უნდა დაიწყოს პაციენტმა პრეპარატის მიღება, რათა ვირუსის გავრცელება არ მოხდეს და რა თქმა უნდა, სიმპტომებიც აღარ განვითარდება.“

თამარ გაბუნიას თქმით, პრეპარატი იმ ადამიანებისთვის იქნება განკუთვნილი, ვისაც გართულების მაღალი რისკი აქვთ:

„აქცენტი კეთდება იმ ადამიანებზე, ვისაც აქვს გართულების მაღალი რისკი. მსოფლიოში ძალიან დიდია ამ წამალზე მოთხოვნა. სწორედ ამიტომ ხდება მისი რაციონალურად გამოყენება. მკურნალობის მიმართვა ხდება მაღალი რისკის მქონე, მათ შორის, არავაქცინირებულ, ხანდაზმულ, მძიმე კლინიკური მიმდინარეობის ადამიანებზე. ჰოსპიტალიზებულ, მძიმე, კრიტიკულ პაციენტებში მის გამოყენებას უკვე აზრი არ აქვს. ეს უნდა იყოს თავიდანვე, მაშინვე, რომ მდგომარეობა არ დამძიმდეს.“

„მედიკამენტი არ გაიყიდება, რა თქმა უნდა. მისი განაწილება მოხდება. მედიკამენტს მიიტანენ იმ პაციენტებთან, ვინც ბინაზე მკურნალობს და სჭირდება პრეპარატი. ოჯახის ექიმი შეაფასებს მდგომარეობას, გადაწყვეტს, რომ მას სჭირდება პაქსლოვიდი. სამინისტროს შესაბამისი ქვედანაყოფი უზრუნველყოფს პრეპარატის ბინაზე მიტანას. ექიმი გააკონტროლებს მკურნალობის მიმდინარეობას. მთავარია დამყოლობა მკურნალობაზე, რომ ადამიანმა წამალი დალიოს, არ დაავიწყდეს მიღება. ეს არის ძალიან მნიშვნელოვანი,“- აღნიშნულ საკითხზე თამარ გაბუნიამ ტელეკომპანია „იმედის“ გადაცემაში „იმედის დილა“ ისაუბრა.

წყარო:​ „იმედის დილა“

წაიკითხეთ სრულად