Baby Bag

ნამიბიის ხელისუფლება მოსახლეობას მოუწოდებს, კორონავირუსის სამკურნალოდ სპილოს ფუნა არ გამოიყენოს

ნამიბიის ხელისუფლება მოსახლეობას მოუწოდებს, კორონავირუსის სამკურნალოდ სპილოს ფუნა არ გამოიყენოს
სიახლეები

ნამიბიის ხელისუფლება მოსახლეობას მოუწოდებს, კორონავირუსის სამკურნალოდ სპილოს ფუნა არ ​გამოიყენოს. 

ნამიბიის მოსახლეობამ სპილოს ფუნის გამოყენება კორონავირუსის სამკურნალოდ მას შემდეგ დაიწყო, რაც სოციალურ მედიაში მისი სამკურნალო თვისებების შესახებ ინფორმაცია გავრცელდა. 

გარემოს დაცვისა და ტურიზმის სამინისტროს სპიკერი, რომეო მუუნდა აცხადებს, რომ სოციალურ მედიაში სპილოს ფუნას უამრავი ადამიანი, საკმაოდ ძვირად ყიდის. 

ჯანდაცვის მინისტრის თქმით, ჯერ არ არსებობს მტკიცებულება, რომ სპილოს ფუნას კორონავირუსის განკურნება შეუძლია. ამიტომ ეს ინფორმაცია შეიძლება, შეფასდეს როგორც ყალბი განაცხადი. 

ნამიბიაში არაერთი ექიმბაში ამტკიცებს, რომ სპილოს ფუნა სხვადასხვა, მათ შორის, თავისა და კბილის ტკივილსაც აყუჩებს, თუმცა ეს პირველი შემთხვევაა, როცა მათ მსოფლიო პანდემიასთან ბრძოლა ამ საშუალებით გადაწყვიტეს.

ოფიციალური ინფორმაციით, ნამიბიაში ახალი კორონავირუსით ინფიცირების 4 344 შემთხვევაა დადასტურებული და 36 ადამიანი კი გარდაცვლილი. 

წყარო: reuters

სიახლეები #კორონავირუსი

შეიძლება დაინტერესდეთ

სიახლეები

2 775 დაინფიცირებული და 3 560 გამოჯანმრთელებული - ბოლო 24 საათის სტატისტიკა

2 775 დაინფიცირებული და 3 560 გამოჯანმრთელებული - ბოლო 24 საათის სტატისტიკა

დღეის მდგომარეობით, 24 საათის განმავლობაში გამოვლენილია ინფიცირების 2 775 ახალი დადასტურებული შემთხვევა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა ალექსანდრე ხოჯევანიშვილმა გამართულ ბრიფინგზე განაცხადა.

​მან კორონავირუსთან დაკავშირებით უახლეს სტატისტიკურ მონაცემებსა და ბოლო 24 საათში მთავრობის მიერ გატარებული ღონისძიებების შესახებ ისაუბრა.

​„დღეის მდგომარეობით, 24 საათის განმავლობაში გამოვლენილია ინფიცირების 2 775 ახალი დადასტურებული შემთხვევა. პირველი ინფიცირების შემთხვევიდან დღემდე ქვეყანაში გამოვლენილი კოვიდ-19-ის დადასტურებული შემთხვევების საერთო რაოდენობა 51 993-ს შეადგენს.

​გამოჯანმრთელებული ადამიანების ზრდის კუთხით დღეის მდგომარეობითაც ვინარჩუნებთ პოზიტიურ დინამიკას. კერძოდ, ბოლო 24 საათში გამოჯანმრთელდა 3 560 პირი, ხოლო ჯამში გამოჯანმრთელებულთა რაოდენობა გაიზარდა 37 019-მდე.

​სამწუხაროდ, ბოლო 24 საათში გარდაიცვალა 22 ადამიანი, მათ შორის თბილისში - 8, აჭარაში - 6, იმერეთში - 7, ხოლო ქვემო ქართლში - 1 ადამიანი. 2020 წლის 26 თებერვლიდან დღემდე სულ გვაქვს 423 გარდაცვალების შემთხვევა.

​დღეს გამოვლენილი 2 775 შემთხვევიდან, დედაქალაქისა და რეგიონების მიხედვით მაჩვენებლები გამოიყურება შემდეგი სახით: თბილისში გამოვლენილია 1 044 შემთხვევა, აჭარაში - 503, იმერეთში - 526, ქვემო ქართლში - 207, შიდა ქართლში - 177, გურიაში - 89, სამეგრელო - ზემო სვანეთში - 117, კახეთში - 36, მცხეთა-მთიანეთში - 43, სამცხე-ჯავახეთში - 25, რაჭა-ლეჩხუმსა და ქვემო სვანეთში - 8.

​ამ ეტაპზე აქტიური ინფიცირებული შემთხვევა არის 14 525. 4 618 ადამიანი მკურნალობს საავადმყოფოში, მათ შორის, თბილისის საავადმყოფოებში - 2 279, აჭარაში - 734. მძიმე პაციენტი გვყავს 619, მათ შორის, თბილისში - 336, აჭარაში - 83. აქედან, ხელოვნური სუნთქვის აპარატზე არის 268 პირი - მათ შორის, თბილისში - 124, აჭარაში - 79. 2 438 ადამიანი არის კოვიდ-სასტუმროში, მათ შორის, 1 174 - აჭარაში, ხოლო 841 - თბილისში. 7 469 პირი მკურნალობს ბინაზე.

​საკარანტინო სივრცეში გვყავს 3 094 ადამიანი, მათ შორის, თბილისში - 689, აჭარაში-1 353.

​სულ 6 ოქტომბრიდან - 5 ნოემბრის პერიოდში, საზღვრიდან გადაყვანილია - 12 445 პირი.

​დღეის მდგომარეობით, თვითიზოლაციაში იმყოფება 31 370 ადამიანი, საიდანაც თბილისში არის 3 146 პირი, აჭარაში - 13 764, იმერეთში - 4 155“, - განაცხადა ალექსანდრე ხოჯევანიშვილმა.
წაიკითხეთ სრულად
გასათიშად დააჭირეთ ESC.