Baby Bag

,,შემოვიდა 25 ათასი დოზა გრიპის საწინააღმდეგო 4-ვალენტიანი ფრანგული წარმოების ვაქცინა''

,,შემოვიდა 25 ათასი დოზა გრიპის საწინააღმდეგო 4-ვალენტიანი ფრანგული წარმოების ვაქცინა''

,,შემოვიდა 25 ათასი დოზა გრიპის საწინააღმდეგო 4-ვალენტიანი ფრანგული წარმოების ვაქცინა'' - აღნიშნულის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა. 

მისი თქმით, აღნიშნული დოზა გამოყენებული იქნება ყველაზე მაღალი რისკ ჯგუფებისთვის:

„გუშინწინ შემოვიდა და გუშინ დასაწყობდა 25 ათასი დოზა გრიპის საწინააღმდეგო 4-ვალენტიანი ფრანგული წარმოების ვაქცინა. დღეს ის უკვე განაწილდა თბილისსა და რეგიონებში. სახელმწიფოს 135 ათას დოზაზე აქვს კონტრაქტი და დანარჩენი 110 ათასი დოზა შემოვა 23 ოქტომბრის კვირაში. ამიტომ, პირველ ეტაპზე, ეს 25 ათასი დოზა გამოყენებული იქნება ყველაზე მაღალი რისკ ჯგუფებისთვის. ესენი არიან, პირველ რიგში, ორსულები, მოხუცთა თავშესაფრების და ბავშვთა სახლების ბინადრები, ბავშვთა სააღმზრდელო დაწესებულებების - ბაღების პედაგოგები და მომვლელი პერსონალი, ასევე, შიდსიანი ფა ჰეპატიტიანი და დიალიზზე მყოფი პაციენტები. შემდეგ უკვე, როცა დიდი პარტია შემოვა, აიცრებიან დანარჩენი დიდი რისკჯგუფები - ესენი არიან, პირველ რიგში, სამედიცინო პერსონალი, დიაბეტიანი ავადმყოფები, ასევე, სხვა ქრონიკული დაავადებების მქონე ადამიანები, მხედველობაში მაქვს ქრონიკული რესპირაციული დაავადებები და გულსისხლძარღვთა დაავადებები ვისაც აქვს, 65 წელს ზემოთ. ამასთან ერთად, ჩვენ ვმუშაობთ, რომ დამატებით კიდევ სახელმწიფომ 100 ათასი დოზის მობილიზაცია გააკეთოს, რომლის შემოსვლის ალბათობა არის ისევ და ისევ ოქტომბრის ბოლო და ნოემბრის შუა რიცხვები,“ - აღნიშნა ამირან გამყრელიძემ.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუ​ფი“)

შეიძლება დაინტერესდეთ

კორონავირუსისგან 4 351 ადამიანი გამოჯანმრთელდა - როგორია ბოლო 24 საათის სტატისტიკა?

კორონავირუსისგან 4 351 ადამიანი გამოჯანმრთელდა - როგორია ბოლო 24 საათის სტატისტიკა?
Stopcov.ge-ზე გამოქვეყნებული ინფორმაციის თანახმად, ბოლო 24 საათში ვირუსით ინფიცირების 946 ახალი შემთხვევა დადასტურდა. გამოჯანმრთელდა 4 351 ადამიანი.

ბოლო 24 საათში გარდაცვალების 48 ახალი შემთხვევა დაფიქსირდა. ჯამში დღემდე 8 233 ადამიანი გარდაიცვალა.

დადებითობის დღიური მაჩვენებელია - 5,5%, ბოლო 14 დღის - 7,81%, ბოლო 7 დღის - 7,36%.

რაც შეეხება ვაქცინაციას, სულ ჩატარდა - 1 507 986 აცრა, დღიურად აცრილია - 14 703.

კარანტინის რეჟიმში ამჟამად 85 ადამიანი იმყოფება.

სტაციონარში მეთვალყურეობის ქვეშ - 6 186, ხოლო კლინიკურ სასტუმროში მყოფი პირების რაოდენობაა 1 611. 

წაიკითხეთ სრულად