„მიუხედავად სტაბილიზაციისა და კლების ტენდენციისა ამ შეზღუდვების ფონზე, დამშვიდების არავითარი საფუძველი არ არის. ამიტომ ყველას გთხოვთ, ეს შობა-ახალი წელი გადავიტანოთ განსხვავებულად, არ გვინდა დიდი თავშეყრები, არ გვინდა დიდი დღესასწაულები, არ გვინდა ხალხმრავალი წვეულებები და ა.შ. წელს ბევრად მოკრძალებული ვიყოთ, რადგან საქმე გვაქვს სერიოზულ გამოწვევასთან.
„ძალიან ხშირად მთხოვენ ხოლმე, რომ რამენაირად მივიღოთ. მიაჩნიათ, რომ კლინიკაში თუ მოხვდნენ, გადარჩებიან. ახლავე გეუბნებით, მაღალი ასაკის, 70-75 წელს გადაცილებულ ადამიანებს, რომლებსაც კოვიდი რომ არ დამართნოდათ, მშვენივრად იცხოვრებდნენ, ვერანაირ გარანტიას ვერ მოგცემთ, რომ ის ადამიანი თუნდაც ჩვენთან მოხვდება და გამოვა ცოცხალი.“
„ვიღაცას იმის გამო, რომ თავის თავს არ უსაყვედუროს, კომპლექსი აქვს და ამის ჩანაცვლებას ახდეს, რომ ჩვენ დაგვაბრალოს. თუ ეს შვებას მოგგვრით, კი ბატონო, გვლანძღეთ. აიცერით ახლავე, აცერით თქვენი მშობლები, ბებია-ბაბუა და არ გექნებათ ეს კომპლექსი. იმაში მაინც იქნებით გათავისუფლებული, რომ თქვენ რაც შეგეძლოთ, გააკეთეთ.”
„მოდიან, „ბაბუა მომიკლეს,“ „დედა მომიკლეს.“ 75 წლის ადამიანს რომ მოიყვან, რომელსაც არც აცრა აქვს, სხვა დაავადებები აქვს და არც გიზრუნიათ სხვა დროს, პირველივე დღიდან რეანიმაციაში რომ მოხვდება, რა შეგვიძლია, რა უნდა გავაკეთოთ?!“ - აღნიშნულ საკითხზე დავით გადელიამ ტელეკომპანია „რუსთავი 2“-ის გადაცემაში „სხვა შუადღე“ ისაუბრა.
წყარო: „სხვა შუადღე“
