Baby Bag

იხსნება თუ არა შეზღუდვები, რომელიც 12 მაისის ჩათვლით იყო - საკოორდინაციო საბჭოს გადაწყვეტილება ცნობილია

იხსნება თუ არა შეზღუდვები, რომელიც 12 მაისის ჩათვლით იყო - საკოორდინაციო საბჭოს გადაწყვეტილება ცნობილია
სიახლეები

13 მაისიდან შეზღუდვები, რომელიც ​12 მაისის ჩათვლით იყო, მოიხსნება, კომენდანტის საათი კი ძალაში რჩება - აღნიშნულის შესახებ ინფორმაცია საკოორდინაციო საბჭოს დასრულების შემდეგ გამართულ ბრიფინგზე გახდა ცნობილი. 

,,ახლა პიკში ვართ და არ არის გამართლებული, რომ კომენდანტის გადავადებაზე ვისაუბროთ. ეპიდემიოლოგიური სიტუაციის გათვალისწინებით, არ გვაქვს იმის შესაძლებლობა, რომ კომენდანტის გადავადებაზე ვიფიქროთ. მაისის ბოლოსკენ, როცა პიკი შემსუბუქდება, შემდეგ უკვე გადავხედავთ გადაწყვეტილებას,'' - აღნიშნა ჯანდაცვის მინისტრის მოადგილე თამარ გაბუნიამ. 

რაც შეეხება დღევანდელ სტატისტიკას, საქართველოში ბოლო 24 საათში კორონავირუსის 1788 ახალი შემთხვევა დადასტურდა, გამოჯანმრთელდა 1251 ადამიანი. ინფორმაცია აღნიშნულის შესახებ მთავრობის სპეციალურ ვებგვერდ stopcov.ge-ზე ცოტა ხნის წინ განახლდა.

გარდაცვლილთა რაოდენობა ბოლო 24 საათში - 31.

ქვეყანაში დადებითობის მაჩვენებელი: დღიური - 5,76%, ბოლო 14 დღის - 6,07%, ბოლო 7 დღის - 6,35%.

რაც შეეხება ვაქცინაციას, სულ აცრილია - 67136, დღიურად აცრილთა რაოდენობა კი 4689. 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგ​უფი“)

სიახლეები #კორონავირუსი

შეიძლება დაინტერესდეთ

სიახლეები

საქართველოში კორონავირუსით 45 პაციენტი გარდაიცვალა

საქართველოში კორონავირუსით 45 პაციენტი გარდაიცვალა
დღეის მდგომარეობით, 24 საათის განმავლობაში გამოვლენილია ინფიცირების 2 911 ახალი დადასტურებული შემთხვევა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა ალექსანდრე ხოჯევანიშვილმა, მთავრობის ადმინისტრაციაში გამართულ ბრიფინგზე განაცხადა.
​
მან კორონავირუსთან დაკავშირებით უახლეს სტატისტიკურ მონაცემებსა და ბოლო 24 საათში მთავრობის მიერ გატარებული ღონისძიებების შესახებ ისაუბრა.
​
„დღეის მდგომარეობით, 24 საათის განმავლობაში გამოვლენილია ინფიცირების 2 911 ახალი დადასტურებული შემთხვევა. პირველი ინფიცირების შემთხვევიდან დღემდე ქვეყანაში გამოვლენილი კოვიდ 19-ის დადასტურებული შემთხვევების საერთო რაოდენობა 66 561-ს შეადგენს.
​
გამოჯანმრთელებული ადამიანების ზრდის კუთხით დღეის მდგომარეობითაც ვინარჩუნებთ პოზიტიურ დინამიკას. კერძოდ, ბოლო 24 საათში გამოჯანმრთელდა 2 421 პირი, ხოლო ჯამში გამოჯანმრთელებულთა რაოდენობა გაიზარდა 49 811-მდე.

​სამწუხაროდ, ბოლო 24 საათში გარდაიცვალა 45 ადამიანი. მათ შორის თბილისში - 18, აჭარაში - 14, იმერეთში - 7, ქვემო ქართლში - 3, კახეთში - 2, ხოლო სამეგრელო-ზემო სვანეთში - 1 ადამიანი. 2020 წლის 26 თებერვლიდან დღემდე სულ გვაქვს 566 გარდაცვალების შემთხვევა.

​დღეს გამოვლენილი 2 911 შემთხვევიდან, დედაქალაქისა და რეგიონების მიხედვით მაჩვენებლები გამოიყურება შემდეგი სახით: თბილისში გამოვლენილია 1 056 შემთხვევა, აჭარაში - 476, იმერეთში - 469, ქვემო ქართლში - 201, შიდა ქართლში - 134, გურიაში - 76, სამეგრელო - ზემო სვანეთში - 294, კახეთში - 69, მცხეთა-მთიანეთში - 19, სამცხე-ჯავახეთში - 92, რაჭა-ლეჩხუმსა და ქვემო სვანეთში - 25.

​ამ ეტაპზე აქტიური ინფიცირებული შემთხვევა არის 16 158. 4 878 ადამიანი მკურნალობს საავადმყოფოში, მათ შორის, თბილისის საავადმყოფოებში - 2 373, აჭარაში - 787. მძიმე პაციენტი გვყავს 632, მათ შორის, თბილისში - 306, აჭარაში - 111. აქედან, ხელოვნური სუნთქვის აპარატზე არის 308 პირი - მათ შორის, თბილისში - 146, აჭარაში - 105. 3 181 ადამიანი არის კოვიდ-სასტუმროში, მათ შორის, 1 569 - აჭარაში, ხოლო 1 088 - თბილისში. 8 099 პირი მკურნალობს ბინაზე.

​საკარანტინო სივრცეში გვყავს 2 656 ადამიანი, მათ შორის, თბილისში - 508, აჭარაში -1 328. სულ 6 ოქტომბრიდან - 10 ნოემბრის პერიოდში, საზღვრიდან გადაყვანილია 14 098 პირი. დღეის მდგომარეობით, თვითიზოლაციაში იმყოფება 39 721 ადამიანი, საიდანაც თბილისში არის 6 568 პირი, აჭარაში - 16 826, იმერეთში - 4 385“, - განაცხადა ალექსანდრე ხოჯევანიშვილმა.

წაიკითხეთ სრულად
გასათიშად დააჭირეთ ESC.