Baby Bag

დღეიდან კომენდანტის საათი 23:00 საათიდან დაიწყება

დღეიდან კომენდანტის საათი 23:00 საათიდან დაიწყება
სიახლეები

საკოორდინაციო საბჭოს გადაწყვეტილებით, დღეიდან კომენდანტის საათი 23:00 საათიდან დაიწყება - აღნიშნულის შესახებ მთავრობის ადმინისტრაციაში გამართულ ბრიფინგზე გახდა ცნობილი. 

უწყებათაშორის საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის განცხადებით, გადაწყვეტილება საბჭომ ეპიდემიოლოგიური ტენდენციების შესწავლის საფუძველზე მიიღო. 

„დღეიდან, გადაადგილებაზე შეზღუდვა იმოქმედებს 23:00 საათიდან 05:00 საათამდე პერიოდში. აქვე, მივმართავთ მოქალაქეებს, გაითვალისწინონ, რომ გამკაცრდება რეგულაციის აღსრულების ადმინისტრირება, რაც ნიშნავს იმას, რომ შეზღუდვა ამოქმედდება ზუსტად 23:00 საათზე. ამავდროულად, განვმარტავთ, რომ ძალაში რჩება ყველა ის გადაადგილების უფლება, რომელიც მოქმედებდა 21:00 საათიდან 05:00 საათამდე პერიოდში, ანუ მათ თავიდან არ დასჭირდებათ ამ უფლების მოპოვება“, - განაცხადა გიორგი ღიბრაძემ.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯ​გუფი“)

სიახლეები #კორონავირუსი

შეიძლება დაინტერესდეთ

ჯანმრთელობა

,,ეს თქვენ აუცილებლად უნდა იცოდეთ'' - გიორგი ღოღობერიძე მოსახლეობას რჩევებს აძლევს

,,ეს თქვენ აუცილებლად უნდა იცოდეთ'' - გიორგი ღოღობერიძე მოსახლეობას რჩევებს აძლევს

ექიმი რეზიდენტი გიორგი ღოღობერიძე კომპიუტერული ტომოგრაფიასთან დაკავშირებით მოსახლეობას რჩევებს აძლევს. გთავაზობთ მის ​რჩევებს სიტყვა-სიტყვით:

,,ვიყოთ ყურადღებით ...

არ გავიკეთოთ კომპიუტერული ტომოგრაფია, თუ გვაქვს კოვიდის მსუბუქი ან საშუალო ფორმა, ან ვართ პოსტკოვიდურ მდგომარეობაში!

ძალიან ბევრს ეშინია და აღელვების ფონზე ასეთ მავნე კვლევასაც იტარებს ექიმის გარეშე

დღეს კომპიუტერული ტომოგრაფია კოვიდის დროს გამოიყენება მხოლოდ და მხოლოდ ინტენსიური თერაპიის განყოფილებაში მყოფი პაციენტების სიმძიმის ხარისხის შესაფასებლად და დინამიკაში დასაკვირვებლად!

როდესაც პაციენტი იტარებს გულ-მკერდის კომპიუტერულ ტომოგრაფიას, ის ერთ კვლევაზე იღებს 7 მილიზივერტ დასხივებას! ეს არის დასხივების ის დოზა, რასაც ჩვენი სხეული გარემოდან იღებს 730 დღის განმავლობაში!

ხშირი და გაუმართლებელი ტომოგრაფიის პირობებში, სულ მცირე, ზიანდება ფარისებრი ჯირკვალი, ძვლის ტვინი, გულის პერანგი და კანი!

იზრდება ისეთი 4 დაავადების განვითარების რისკი, როგორებიცაა:

1. ფარისებრი ჯირკვლის პაპილარული კარცინომა! 
2. მწვავე მიელოგენური ლეიკემია! 
3. კანის ანგიოსარკომა!
4. რადიაციული მწვავე პერიკარდიტი!'' - აღნიშნავს ექიმი რეზიდენტი გიორგი ღოღობერიძე. 


წაიკითხეთ სრულად
გასათიშად დააჭირეთ ESC.