Baby Bag

,,კიდევ ერთხელ ვაფიქსირებ ჩემს პირად პოზიციას: საქართველოსთვის მინდა მხოლოდ ფაიზერი ან მოდერნას ვაქცინები''

,,კიდევ ერთხელ ვაფიქსირებ ჩემს პირად პოზიციას: საქართველოსთვის მინდა მხოლოდ ფაიზერი ან მოდერნას ვაქცინები''
პროფესორი გიორგი ფხაკაძე ,,დელტა” შტამსა და ვაქცინაციაზე პოსტს აქვეყნებს, რომელსაც​ MomsEdu.ge უცვლელად გთავაზობთ:

,,მსოფლიოს სხვადასხვა ქვეყანამ (მონღოლეთი, ბაჰრეინი, ჩილე, ინდონეზია, ურუგვაი, კოსტა-რიკა, სიშელის კუნძულები.... და კიდევ სხვა) სხვადასხვა კონტინენტზე უკვე ოფიციალურად დაიწყო საუბარი იმაზე, რომ ნაკლებეფექტური ვაქცინები არ არის გამოსავალი ახალი ,,დელტა” (ინდოეთში პირველად დადასტურებული) ვარიანტის წინააღმდეგ.

კიდევ ერთხელ ვაფიქსირებ ჩემს პირად პოზიციას: საქართველოსთვის მინდა მხოლოდ ფაიზერი ან მოდერნას ვაქცინები და სხვა ვაქცინების შემოტანა არც უნდა განიხილებოდეს, თუ, რა თქმა უნდა, მანამდე ახალი, ასეთივე ეფექტური ვაქცინა არ გამოჩნდება. 

ვაქცინაცია აუცილებელია მხოლოდ მაღალეფექტური ვაქცინებით.

სინოვაკის ვაქცინის ეფექტურობა არის მხოლოდ 50.7% ესეც რომელ შტამზე, ზუსტად არ ვიცით, სავარაუდოდ, ვუჰანურ პირველ ვარიანტზე. სამწუხაროდ, ფაიზერს ვერ ვადარებ პირდაპირ, ვინაიდან სინოვაკის ვაქცინის კვლევები არ არის გამჭვირვალე ;( მაგრამ დამოუკიდებელმა კვლევებმა აჩვენეს, რომ ბრიტანული შტამის წინააღმდეგ 94%-ით ეფექტურია...

Costa Rica🇨🇷, კოსტა რიკამ უარი თქვა სინოვაკის ვაქცინაზე, ვინაიდან ის არასაკმარისად ეფექტურია.

კანონმდებლობით მინიმუმ 60% ეფექტური უნდა იყოს ვაქცინა, სინოვაკი კი 50.7% ეფექტურობას აჩვენებს.. საქართველოს ვაქცინაციის გეგმა წაიკითხეთ?! კოსტა რიკამ გვაჯობა...

Uruguay 🇺🇾, ურუგვაის მთავრობის კვლევამ აჩვენა, რომ სინოვაკი 61%-ით ეფექტურია. სხვათა შორის, ურუგვაის სტატისტიკა საქართველოსას წააგავს 318,783 რეგისტრირებული კოვიდინფიცირებული და 4692 კოვიდგარდაცვლილი, მაგრამ განსხვავება ვაქცინაციაში კი ის არის, რომ 52% მოსახლეობისა ვაქცინირებულია ერთი დოზით.

დასკვნა:

✅ საქართველოსთვის ერთადერთი სწორი გადაწყვეტილებაა, გამკაცრდეს სამედიცინო პირბადის გამოყენება და 2- მეტრიანი დისტანცია

✅ ყველა რესურსი უნდა იქნას გამოყენებული ფაიზერის ან/და მოდერნას ვაქცინების შესაძენად 

✅ ქვეყანამ უნდა დაიწყოს მზადება მე-4 ტალღისთვის/ სექტემბრისთვის

✅ ელექტრონული ჯანდაცვა უნდა იქნას გაშვებული სექტემბრამდე,'' - აღნიშნავს გიორგი ფხაკაძე. 


არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრ​თელობა

შეიძლება დაინტერესდეთ

,,ისევე როგორც მთელს მსოფლიოში, ჩვენს ზოგიერთ კლინიკაშიც უშვებენ შეცდომას, როდესაც იწყებენ ანტიბიოტიკურ მკურნალობას ადრეულ, ვირუსულ ფაზაში!''

,,ისევე როგორც მთელს მსოფლიოში, ჩვენს ზოგიერთ კლინიკაშიც უშვებენ შეცდომას, როდესაც იწყებენ ანტიბიოტიკურ მკურნალობას ადრეულ, ვირუსულ ფაზაში!''

ვახტანგ ბოჭორიშვილის სახელობის კლინიკის გენერალური დირექტორი დავით გადელია სოციალურ ქსელში კოვიდის მკურნალობის შესახებ საუბრობს. მისი თქმით, რამდენიმე დღის წინ საქართველოში იმყოფებოდა ჯანმოს, კოვიდ მკურნალობაზე მონიტორინგის ჯგუფი და ისევე როგორც მთელს მსოფლიოში, ჩვენს ზოგიერთ კლინიკაშიც უშვებენ შეცდომას, როდესაც იწყებენ ანტიბიოტიკურ მკურნალობას ადრეულ, ვირუსულ ფაზაში:

,,რამდენიმე დღის წინ საქართველოში იმყოფებოდა ჯანმოს, კოვიდ მკურნალობაზე მონიტორინგის ჯგუფი, შვედი სპეციალისტის, რეანიმატოლოგის ხელმძღვანელობით. მოხდა რამოდენიმე დიდი კლინიკის ინსპექტირება. გუშინწინ ჩატარდა საერთო, შემაჯამებელი შეხვედრა და ამას გარდა, ცალკეულ კლინიკებთან იყო ცალკე შენიშვნები და თითოეულს დაეგზავნებათ პირადად.

ჩვენი კლინიკის რეანიმაციის მონიტორინგისას - ძალიან საფუძვლიანი, აუარება კითხვარით; სრული აღკაზმულობით შემოვიდნენ განყოფილებაში და ყოველ დეეტალს მიაქციეს ყურადღება - აღინიშნა, რომ მკურნალობის კურსი მიმდინარეობს პროტოკოლების სრული დაცვით და განსაკუთრებულად აღნიშნა ავადმყოფთა მოვლის მაღალი სტანდარტი.

საერთო განხილვისას აღნიშნა, რომ ისევე როგორც მთელს მსოფლიოში, ჩვენს ზოგიერთ კლინიკაშიც უშვებენ შეცდომას, როდესაც იწყებენ ანტიბიოტიკურ მკურნალობას ადრეულ, ვირუსულ ფაზაში! როდესაც ჯერ არაა წამოსული ბაქტერია. ეს ძალიან ართულებს შემდგომ ფაზაში მკურნალობას! ამავე დროს, ბაქტერიულ ფაზაშიც მკურნალობა უნდა იყოს დამიზნებითი- ჯერ უნდა განისაზღვროს კულტურა და ისე შეირჩეს შესაბამისი ანტიბიოტიკი და არა ბრმად- ფართე სპექტრის.

რა თქმა უნდა, კვლავ მაღალი რისკის შემცველებად მიიჩნევიან მოხუცები და სხვა სომატური ავადმყოფები. გავითვალისწინოთ: რეანიმაციაში ცუდი პარამეტრების გამო მოხვედრილ მოხუც ავადმყოფს, ძალიან მცირე შანსი აქვს გადარჩენის! ნუ დავტოვებთ ჩვენს მშობლებს, ბებია-ბაბუებს უშანსოდ, უნდა ავცრათ! ..

...კლინიკების ლანძღვა, უიმედო ავადმყოფს ვეღარ შველის, სამწუხაროდ..

ძალიან ხშირად მესმის: ,,თავის ფეხით შევიდა და დამძიმდა.." კოვიდ ავადმყოფი, თითქმის 99% -ში თავისი ფეხით შედის, ფილტვის თუნდაც მძიმე დაზიანება სიარულს არ უშლის, მაგრამ აღმავალი პროცესი როდესაც მიდის, სწორედ კლინიკის პირობებში შეიძლება დამძიმდეს. განსაკუთრებით მაშინ, როცა თავად პაციენტიც ვერ ეხმარება ექიმს, ვერ ან არ იცავს დანიშნულ რეჟიმს. მოგეხსენებათ, პირდაპირი მოქმედების წამალი ჯერ არ გვაქვს, ამიტომ მკურნალობა მიდის კომპლექსურად, სადაც ძალიან დიდი მნიშვნელობა ენიჭება ჟანგბადით მკურნალობას, გულმკერდის მასაჟს, მუცელზე წოლას. მართლა არ მახსოვს შემთხვევა, როცა პაციენტმა იბრძოლა ჩვენთან ერთად, არ ჩაიქნია ხელი და არ გადარჩა! მოხუცებს, ცხადია ბრძოლაც უჭირთ.. ერთმა მადლიერმა პაციენტმა მამაკაცმა, რომელმაც ეს ჯოჯოხეთი გამოიარა, თავისი ხელით შეკერა და გადმოგვცა საჩუქრად 4 სპეციფიკური, თავჩასარგები ბალიში მუცელზე მწოლი ავადმყოფებისთვის. ეს ბალიშები ჩემთვის მილიონობით ლარის აპარატურაზე არანაკლებ ძვირფასია...

ყველაზე მძიმე კი მაინც კოვიდის მოულოდნელი გართულებებია. მოგეხსენებათ, ვირუსი აზიანებს ენდოთელიუმს, მათ შორის- სისხლძარღვთას. ნებისმიერ სისხლძარღვში შეიძლება მიმდინარეობდეს ფარულად ეს პროცესი და მედიცინის ახლანდელ ეტაპზე ვერ გავიგოთ. თუ ჩონჩხის კუნთებშია- ვიღებთ ჰემატომებს, რომელიც შეიძლება საოპერაციოც გახდეს. ხოლო თუ თავის ტვინის სისხლძარღვებში- შეიძლება გასაწერი, თითქოს სრულიად გაჯანსაღებული ავადმყოფი უეცრად მოკლას! ამაზე მძიმე გადასატანი ექიმისთვის, მერწმუნეთ არაფერია..'' - აღნიშნავს დავით გადელია. 

წაიკითხეთ სრულად