Baby Bag

,,აცრილები და აუცრელები - არის თუ არა ჩემი სხეული ჩემი?''

,,აცრილები და აუცრელები - არის თუ არა ჩემი სხეული ჩემი?''

აცრილები და აუცრელები - არის თუ არა ჩემი სხეული ჩემი? - ასეთი სათაურით პოსტს სოციალურ ქსელში ექიმი ზურაბ გურული აქვეყნებს. მის ნათქვემს ​MomsEdu.ge სიტყვა-სიტყვით გთავაზობთ:

,,დარწმუნებული ვარ, არავის წაუკითხავს ამერიკაში მანქანის უსაფრთხოების ღვედების განვითარების ისტორია. დღეს, მთელ ცივილიზებულ მსოფლიოში ელემენტარულ კულტურად ითვლება მანქანაში ჩაჯდომისთანავე ღვედის გადაკვრა და რაოდენ საკვირველადაც არ უნდა მოგეჩვენოთ, ამერიკელებმა ზუსტად ისეთივე გააფთრებით იბრძოლეს ამ კანონის წინააღმდეგ, როგორც ქართველებმა ვარდების რევოლუციის ეპოქაში.

და მაინც, რატომ უნდა გავიკეთო ღვედი? სიცოცხლე ჩემია და როგორც მინდა ისე მოვექცევი, ხომ ასეა? ვინმეს ვკლავ ან ვაზიანებ ღვედის არგაკეთებით საკუთარი თავის გარდა? რატომ არის ეს უკულტურობა, კანონის დარღვევა და რატომ უნდა დავჯარიმდე?

რატომ გახადა ვაქცინაცია ამერიკამ სავალდებულო და რატომ ცდილობს სახელმწიფო, რომ მაქსიმალურად ბევრი ადამიანი აცრას?

პასუხი ძალიან მარტივია. აუცრელი ადამიანები ტვირთავენ ჯანდაცვის სისტემას, იწვევენ კოლოსალურ დანახარჯებს და პრაქტიკულად მიაქვთ იმ ადამიანების ადგილი კლინიკებში, რომლებმაც აიცრეს და სხვა მიზეზების გამო სჭირდებათ დახმარება.

ასე რომ, აუცრელი მარტო საკუთარ თავს არ ვნებს. აუცრელი ვნებს სოციუმს. შესაბამისად, სოციუმსაც სრული უფლება აქვს გარიყოს ისინი, ვინც შეგნებულად უარს ამბობს კოლექტიურ უსაფრთხოებაში საკუთარი წვლილის შეტანაზე. ეს არის სულ.

ვაქცინა ექსპერიმენტულია და არ გავიკეთებ. შეგიძლია არ გაიკეთო, მაგრამ იმ ადამიანებს, რომლებმაც გარისკეს კოლექტიური უსაფრთხოებისათვის და გაიკეთეს ეს ვაქცინა, ეკუთვნით რომ პრივილეგირებულები იყვნენ სოციუმში აუცრელებთან შედარებით. მარტივი სამართლიანობაა.

გასული საუკუნის 80-იან წლებში ამერიკა სავსე იყო ტიპებით, რომლებიც ღვედების კანონის შემოღებისათვის ამერიკას საბჭოთა კავშირს უწოდებდნენ; გუბერნატორებს რომლებმაც სავალდებულო გახადეს მანქანაში ღვედის გაკეთება, ჰიტლერს ადარებდნენ და გულამოსკვნილები ქადაგებდნენ ადამიანის ბაზისური უფლებების დარღვევაზე.

ასე რომ, ეს ყველაფერი არახალია, ძველია. გადახედეთ ისტორიას, ცოტა იფიქრეთ, პარალელები გაატარეთ და მიხვდებით ...'' - აღნიშნავს ზურაბ გურული. 



არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთ​ელობა

რატომ დაიკეტა სრულად ვაქცინირებული ისრაელი ისევ? - ხათუნა ზახაშვილის პასუხი
რატომ დაიკეტა სრულად ვაქცინირებული ისრაელი ისევ? - კითხვაზე დაავადებათა კონტროლის ეროვნული ცენტრის წარმომადგენელი პასუხობს. ნახეთ ვიდეო ☝️ წყარო: ​Zoom განათლებაზე 
„როდესაც ადამიანს ემართება კოვიდი და ის არის შეუქცევადი, ქვეითდება სასუნთქი სისტემის ზედაპ...
​პირველი საუნივერსიტეტო კლინიკის დირექტორმა ლევან რატიანმა კოვიდ-19-ით ინფიცირებულ ადამიანებში ფილტვის დაზიანების პრობლემაზე ისაუბრა და აღნიშნა, რომ კოვიდს არამხოლოდ ფილტვის, არამედ ნებისმიერი ორგანოს...

შეიძლება დაინტერესდეთ

მასწავლებლისა და მოსწავლის წიგნის ელექტრონული ვერსია ყველა საგანში

მასწავლებლისა და მოსწავლის წიგნის ელექტრონული ვერსია ყველა საგანში
განათლებისა და მეცნიერების სამინისტრო გთავაზობთ სასკოლო სახელმძღვანელობის ელექტრონულ ვერსიებს როგორც მოსწავლეებისთვის, ასევე მასწავლებლებისთვის. 

სახელმძღვანელობის ელექტრონული ვერსიები მხოლოდ ქართულენოვანი სკოლების/სექტორებისათვისაა გათვლილი.

ელექტრონული სახელმძღვანელობის სანახავად გადადით ბმულ​ზე.

შენიშვნა:

ელექტრონული სახელმძღვანელობის ნაწილი არასრული სახითაა წარმოდგენილი.

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წყარო“.

განათლების სამინისტრო ასევე გთავაზობთ ელექტრონული წიგნების ბიბლიოთეკას. 

ელექტრონული ბიბლიოთეკა საქართველოს განათლებისა და მეცნიერების სამინისტროს ერთ-ერთი პროექტია, რომელიც 2011 წელს ჩამოყალიბდა. მასში თავმოყრილია განათლების სისტემაში არსებული სხვადასხვა სახელმძღვანელოს, სასწავლო კურსის, პუბლიკაციისა და ჟურნალის ელექტრონული ვერსიები.

სამინისტროს ინფორმაციით, მასალა პერიოდულად განახლებადია და ერთნაირად საინტერესო და სასარგებლოა როგორც მოსწავლეებისთვის, ისე სტუდენტებისა და მასწავლებლებისთვის.

განათლებისა და მეცნიერე​ბის სამინისტროს ელექტრონული წიგნების ბიბლიოთეკა


წაიკითხეთ სრულად