Baby Bag

რა შეზღუდვები იმოქმედებს 14 აგვისტოდან 4 სექტემბრამდე

რა შეზღუდვები იმოქმედებს 14 აგვისტოდან 4 სექტემბრამდე
საქართველოში, ისევე, როგორც მთელს მსოფლიოში, ეპიდემიოლოგიური ვითარების გაუარესების ტენდენციის ანალიზის საფუძველზე, უწყებათაშორისმა საკოორდინაციო საბჭომ შეზღუდვების დაწესების გადაწყვეტილება მიიღო.

საკოორდინაციო საბჭოს გადაწყვეტილებით, 14 აგვისტოდან 4 სექტემბრამდე, 3 კვირის განმავლობაში, იმოქმედებს შემდეგი შეზღუდვები:

• შეიზღუდება მუნიციპალური ტრანსპორტის მოძრაობა. შეზღუდვა არ ეხება საქალაქთაშორისო ტრანსპორტს;

• სრულად იზღუდება ფესტივალები, გასართობი ღონისძიებები, კონცერტები და სპორტული შეჯიბრებები;

• იზღუდება ბავშვთა გასართობი ცენტრების მუშაობა;

• კვების ობიექტების მუშაობა, ნაცვლად ღამის 00:00 საათისა, დასაშვები იქნება 23:00 საათამდე;

• საჯარო უწყებებს ეძლევათ დავალება, მაქსიმალურად გადაიყვანონ თანამშრომლები მუშაობის დისტანციურ რეჟიმზე და ანალოგიური რეკომენდაციით მიმართავს საბჭო კერძო დამსაქმებლებს;

• ვაქცინაციის მაქსიმალურად გაფართოებისა და ხელმისაწვდომობის გაზრდის მიზნით, აცრების პროცესში ჩაერთვებიან სამხედრო ექიმებისგან დაკომპლექტებული ბრიგადები; მუნიციპალური ტრანსპორტის შეზღუდვის პირობებში, სახელმწიფო უზრუნველყოფს ძირითად ამცრელ დაწესებულებებთან მოსახლეობის რეგულარულ ტრანსპორტირებას;

• ჯანდაცვის უწყება განაგრძობს მუშაობას დამატებითი საწოლების მობილიზების მიმართულებით;

• მაქსიმალურად გამკაცრდება კონტროლი მოქმედი რეგულაციების აღსრულებაზე, მათ შორის ისეთი სოციალური ღონისძიებების გამართვაზე, როგორიცაა ქორწილი, ქელეხი და ა.შ. მსგავსი ღონისძიებების მასპინძლობისთვის, ობიექტები ჯარიმდებიან 10 ათასი ლარით, ხოლო განმეორებით დარღვევისას - ექვემდებარებიან დალუქვას;

• ამასთან, საკოორდინაციო საბჭოს დღევანდელ სხდომაზე დაავადებათა კონტროლის ეროვნული ცენტრის ხელმძღვანელმა მიმართა რეკომენდაციით, სექტემბრიდან, კვების ობიექტებში, სპა სალონებში, ფიტნესცენტრებსა და მსგავსი ტიპის დაწესებულებებში, პირთა დაშვება შესაძლებელი გახდეს ერთი აცრის ან ვაქცინაციის სრული კურსის, ბოლო 72 საათში ჩატარებული PCR ან ბოლო 24 საათში ჩატარებული სწრაფი ანტიგენის ტესტის უარყოფითი პასუხის საფუძველზე. საბჭო აღნიშნულ საკითხზე იმსჯელებს და მიღებული გადაწყვეტილებების შესახებ საზოგადოებას ეცნობება.

საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 466 326 ლაბორატორიულად დადასტურებული შემთხვევა გამოვლინდა, საიდანაც 412 420 პირი გამოჯანმრთელდა, გარდაცვლილია 6 279 ადამიანი.

ამ ეტაპზე კარანტინში იმყოფება 64 ადამიანი, კლინიკურ სასტუმროებში - 3 288 მოქალაქე, ხოლო სტაციონარში, მეთვალყურეობის ქვეშ - 6 627 პირი.

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე კახა კუჭავას ხელმძღვანელობით და პრეზიდენტის ადმინისტრაცია.


არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„როდესაც ადამიანს ემართება კოვიდი და ის არის შეუქცევადი, ქვეითდება სასუნთქი სისტემის ზედაპ...
​პირველი საუნივერსიტეტო კლინიკის დირექტორმა ლევან რატიანმა კოვიდ-19-ით ინფიცირებულ ადამიანებში ფილტვის დაზიანების პრობლემაზე ისაუბრა და აღნიშნა, რომ კოვიდს არამხოლოდ ფილტვის, არამედ ნებისმიერი ორგანოს...
რომელი ვაქცინით აიცრა გიორგი ღოღობერიძე?
ექიმი გიორგი ღოღობერიძე და მისი ოჯახი ფაიზერის ვაქცინით აიცრა. აღნიშნულის შესახებ თავად ექიმი სოციალურ ქსელში წერს. ​MomsEdu.ge მის ნათქვამს სიტყვა-სიტყვით გთავაზობთ:,,აიცერი თუ არაო? მე პირ...

შეიძლება დაინტერესდეთ

რამდენ ხანს ეყოფა ადამიანს ორჯერადი აცრის შემდეგ გამომუშავებული იმუნიტეტი? - მაია ბუწაშვილის პასუხი

რამდენ ხანს ეყოფა ადამიანს ორჯერადი აცრის შემდეგ გამომუშავებული იმუნიტეტი? - მაია ბუწაშვილის პასუხი

ინფექციონისტმა მაია ბუწაშვილმა ორჯერადი ვაქცინირებით ჩამოყალიბებული იმუნიტეტის განლევის ვადებზე ისაუბრა. მან აღნიშნა, რომ ისრაელის მაგალითზე 6-8თვის შემდეგ მოსახლეობის გარკვეულ ნაწილში იმუნიტეტის განლევა მოხდა:

„ისრაელის მაგალითი უკვე გვაქვს ჩვენ, რომ ​6-8 თვის შემდეგ მოსახლეობის გარკვეულ ნაწილში მოხდა იმუნიტეტის განლევა. მათ შესთავაზეს მესამე ბუსტერ დოზა. ამას უკავშირდებოდა ისრაელის ტალღა. ერთ-ერთი მიზეზი ეს იყო. მესამე დოზით ცრიან 6-8 თვის წინ აცრილებს, მხოლოდ მასიურად არა, აქ უფრო საუბარია ხანდაზმულებზე. ჯერჯერობით ჯანდაცვის მსოფლიო ორგანიზაციის რეკომენდაცია არ არსებობს, მაგრამ ადრე თუ გვიან ამ გადაწყვეტილებას მიიღებენ, რომ ფაიზერით აცრილებს შესთავაზებენ მესამე დოზას ექვსი-რვა თვის შემდეგ. სხვა ვაქცინებთან დაკავშირებით მყარი ინფორმაცია არ გვაქვს. დაზუსტებული ინფორმაცია, თუ რამდენ ხანს ეყოფა ადამიანს ორჯერადი აცრის შემდეგ გამომუშავებული იმუნიტეტი, ჯერ არ გვაქვს.“

მაია ბუწაშვილის თქმით, ვირუსის ყოველი შემდგომი მუტაცია წინამორბედთან შედარებით მეტად გადამდებია:

„ყოველი შემდგომი მუტაცია იმით განსხვავდება წინამორბედისგან, რომ უფრო ადვილად მრავლდება და გადაეცემა. სამწუხაროდ, ასეთ შემთხვევებში ერთი ნაბიჯით ყოველთვის წინ არის მიკროორგანიზმი თავისი გამჭრიახობით ადამიანთან შედარებით. ​ადამიანების ინფიცირება უფრო ადვილდება ყოველი შემდგომი შტამის დროს. დელტამ, სამწუხაროდ, რეკორდები მოხსნა საერთოდ.“

​ბევრი კითხვა იყო, რამდენად უფრო იწვევს ლეტალობას დელტა შტამი. საბედნიეროდ, მკაფიო განსხვავება პროგნოზებში არ შეინიშნება. რადგან უფრო გადამდებია დელტა, ის უფრო მეტ ადამიანს აზარალებს. ის სეგმენტი, რომელიც თავიდან უფრო ნაკლებად ზარალდებოდა, ახალგაზრდა ასაკის ადამიანები და ბავშვები, დელტას შემთხვევაში უფრო მეტად აღმოჩნდნენ წინა ხაზზე,“ - აღნიშნულ საკითხებზე მაია ბუწაშვილმა საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

წაიკითხეთ სრულად