საქართველოში 1-ლი დეკემბრიდან „მწვანე პასპორტის“ კონცეფცია ამოქმედდება. პირს მწვანე სტატუსი აქვს, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი. „მწვანე პასპორტის" მოთხოვნა იმოქმედებს 18 წლის ასაკის ზემოთ მოქალაქეებისთვის. მთავრობის ადმინისტრაცია იმ ობიექტების ჩამონათვალს აქვეყნებს, სადაც მოქალაქეები მხოლოდ „მწვანე პასპორტით“ შეძლებენ შესვლას.
„საკოორდინაციო საბჭოს გადაწყვეტილებით, 1-ლი დეკემბრიდან მოქალაქეები მხოლოდ და მხოლოდ „მწვანე პასპორტის" პრინციპით შეძლებენ შესვლას: კვების ობიექტების, რესტორნების, კაფეების და ბარების ღია და დახურულ სივრცეებში, კინოთეატრებში, თეატრებში, ოპერაში, მუზეუმებში, საკონცერტო დარბაზებში, გასართობ ცენტრებში, სამორინეებსა და სათამაშო ბიზნესის ობიექტებზე, სპა-ცენტრებში, ფიტნეს-დარბაზებში, სასტუმროებში და ასევე სამთო კურორტების - საბაგირო გზებზე; აღნიშნული მოთხოვნა გავრცელდება ჩამოთვლილი ობიექტების სტუმრებზე. რაც შეეხება საბავშვო-გასართობ ცენტრებს, „მწვანე პასპორტის" მოთხოვნა იმოქმედებს მხოლოდ 18 წლის ასაკს ზემოთ მოქალაქეებისთვის“, - აღნიშნულია მთავრობის ადმინისტრაციის მიერ გავრცელებულ ინფორმაციაში.
„79 წლის პაციენტი მთელი ეს პერიოდი იყო უმძიმეს მდგომარეობაში, კახექსიური, 12-15 კილოს იწონიდა, მას ჰქონდა მთელი რიგი თანმხლები დაავადებები,“ - ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკურმა დირექტორმა ლალი ტურძელაძემ TV პირველთან საუბრისას განაცხადა.
„პაციენტი ჩვენს კლინიკაში მარნეულის „ჯეო ჰოსპიტალიდან“ შემოვიდა 31 მარტს უმძიმეს, კრიტიკულ მდგომარეობაში. მიმღებშივე იქნა აპარატულ სუნთქვაზე გადაყვანილი და ასე მოთავსდა კრიტიკული მედიცინის დეპარტამენტში. 79 წლის პაციენტი მთელი ეს პერიოდი იყო უმძიმეს მდგომარეობაში, კახექსიური, 12-15 კილოს იწონიდა. კახექსია ანუ კუნთების განლევა, როგორც აღნიშნეს, დაეწყო 6-7 თვის წინ და თვითონაც იყო მძიმედ და ამას დაემატა Covid19. ამ დილას გარდაიცვალა... მთელი რიგი თანმხლები, წამყვანი დაავადებები იყო, რომლებსაც კორონავირუსი დაემატა და დადგა ასეთი სამწუხარო ლეტალური შემთხვევა. პაციენტს ჰქონდა კახექსია (ეს იყო მისი ძირითადი დაავადება), გულის ყველა სარქველის უკმარისობა, დილატაციური კარდიომიოპათია - ეს გულის კუნთის უმძიმესი დაავადება, არტერიული ჰიპერტენზია, სეფსისი, სეპტიური შოკი, გულსისხლძარღვთა მწვავე უკმარისობა. საბოლოოდ ყველა ამ დაავადებამ ერთად და პლუს კორონავირუსმა გამოიწვია ლეტალური შედეგი,“ - განაცხადა ლალი ტურძელაძემ.
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
