საქართველოში 1-ლი დეკემბრიდან „მწვანე პასპორტის“ კონცეფცია ამოქმედდება. პირს მწვანე სტატუსი აქვს, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი. „მწვანე პასპორტის" მოთხოვნა იმოქმედებს 18 წლის ასაკის ზემოთ მოქალაქეებისთვის. მთავრობის ადმინისტრაცია იმ ობიექტების ჩამონათვალს აქვეყნებს, სადაც მოქალაქეები მხოლოდ „მწვანე პასპორტით“ შეძლებენ შესვლას.
„საკოორდინაციო საბჭოს გადაწყვეტილებით, 1-ლი დეკემბრიდან მოქალაქეები მხოლოდ და მხოლოდ „მწვანე პასპორტის" პრინციპით შეძლებენ შესვლას: კვების ობიექტების, რესტორნების, კაფეების და ბარების ღია და დახურულ სივრცეებში, კინოთეატრებში, თეატრებში, ოპერაში, მუზეუმებში, საკონცერტო დარბაზებში, გასართობ ცენტრებში, სამორინეებსა და სათამაშო ბიზნესის ობიექტებზე, სპა-ცენტრებში, ფიტნეს-დარბაზებში, სასტუმროებში და ასევე სამთო კურორტების - საბაგირო გზებზე; აღნიშნული მოთხოვნა გავრცელდება ჩამოთვლილი ობიექტების სტუმრებზე. რაც შეეხება საბავშვო-გასართობ ცენტრებს, „მწვანე პასპორტის" მოთხოვნა იმოქმედებს მხოლოდ 18 წლის ასაკს ზემოთ მოქალაქეებისთვის“, - აღნიშნულია მთავრობის ადმინისტრაციის მიერ გავრცელებულ ინფორმაციაში.
,,903 000 აცრილიდან 11 000 დაინფიცირდა კოვიდით, ანუ 1,21%''
ალერგოლოგ-იმუნოლოგი ბიძინა კულუმეგოვი ვაქცინაციის შესახებ სტატისტიკას აქვეყნებს:
,,903 000 აცრილიდან 11 000 დაინფიცირდა კოვიდით ანუ 1.21%
აცრილებს შორის გარდაიცვალა 23 ადამიანი ანუ 0.00025%
პ.ს. ცნობისთვის 903 000 აუცრელის ინფიცირის დროს იღუპება 9-10 ათასამდე ადამიანი.
ინფომარციის წყაროა საზოგადოებრივი მაუწყებელი, ოფიციალური მონაცემები მალე იქნება ხელმისაწვდომი დაავადებათა კონტროლის ცენტრის მორიგ ანგარიშში,'' - აღნიშნავს ბიძინა კულუმბეგოვი.
