Baby Bag

„ეს მედიკამენტი ისეთი მოქმედებისაა, რომ პირდაპირ გულში ურტყამს ვირუსის ბიოლოგიას, მის გამრავლებას,“ - პროფესორი გიორგი გეგელაშვილი

„ეს მედიკამენტი ისეთი მოქმედებისაა, რომ პირდაპირ გულში ურტყამს ვირუსის ბიოლოგიას, მის გამრავლებას,“ - პროფესორი გიორგი გეგელაშვილი

კოპენჰაგენის უნივერსიტეტის პროფესორმა გიორგი გეგელაშვილმა კოვიდ-19-ის საწინააღმდეგო ახალი ანტივირუსული პრეპარატების შესახებ ისაუბრა და ფაიზერის მაღალი ეფექტიანობის პრეპარატზე მოგვაწონდა ინფორმაცია:

​ჩვენ შევდივართ ახალ აბების ერაში. დეკემბერში იქნება წინასწარი ავტორიზაცია მთელი რიგი პრეპარატებისა. ლაპარაკი აღარ არის ვაქცინებზე, ლაპარაკია პრეპარატებზე. მათ შორის არის ორი აბი და ერთი არის ინექცია, რომელსაც „ასტრაზენეკა“ აწარმოებს.“

გიორგი გეგელაშვილის თქმით, ფაიზერის ახალი მედიკამენტი ვირუსის წინააღმდეგ სპეციფიკური მოქმედებით ხასიათდება:

„ფაიზერის აბს უკვე აქვს კომერციული სახელი. მას ახლა ჰქვია „პაქსლოვიდი,“ ეს არის კომერციული სახელი. ეს არის ძალიან საინტერესო ​ანტივირუსული პრეპარატი, რომელიც სპეციფიკურად მოქმედებს. ეს მედიკამენტი ისეთი მოქმედებისაა, რომ პირდაპირ გულში ურტყამს ვირუსის ბიოლოგიას, მის გამრავლებას.“

„პირველ რიგში, ვიტყვი ვისთვის არის ეს პრეპარატი განსაზღვრული. ის ახლა სადაცაა მიიღებს ავტორიზაციას. ეს მედიკამენტი არის იმ პაციენტებისთვის, რომლებიც არიან მაღალ რისკ-ჯგუფში. აღმოჩნდა, რომ ეს პრეპარატი 89 %-ით ამცირებს ჰოსპიტალიზაციას ასეთ პაციენტებში. 89 % საკმაოდ მაღალი შედეგია. თქვენ არ მოხვდებით საავადმყოფოში და ფატალური შედეგიც არ დადგება,“ - აღნიშნულ საკითხზე გიორგი გეგელაშვილმა ტელეკომპანია „რუსთავი 2“-ის გადაცემაში „სხვა შუადღე“ ისაუბრა.

წყარო: ​„სხვა შუადღე“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ბრიტანეთი პიონერი აღმოჩნდა ანტივირუსული მედიკამენტის მოლნუპირავირისთვის აღიარების მინიჭებ...
​ალერგოლოგ-იმუნოლოგი ბიძინა კულუმბეგოვი სოციალურ ქსელში პოსტს აქვეყნებს, რომელშიც ბრიტანეთის მიერ ანტივირუსული მედიკამენტის აღიარების შესახებ ინფორმაციას ავრცელებს:„ბრიტანეთი პიონერი აღმოჩნდა ანტივირუ...

შეიძლება დაინტერესდეთ

,,ყველამ კარგად ვიცით, რა არის გასაკეთებელი. შეგახსენებთ...''

,,ყველამ კარგად ვიცით, რა არის გასაკეთებელი. შეგახსენებთ...''
საქართველოში ეპიდსიტუაციის შესახებ პროფესორი გიორგი ფხაკაძე წერს. გთავაზობთ მის პოსტს უცვლელად:
,,79 გარდაცვლილი და რეალური ციფრი იცით, რამდენია - 160 (წყარო იხილეთ ბმულში)

ამ ციფრების უკან უამრავი გაუბედურებული ოჯახი, ახლობლის დაკარგვით გამწარებული და სასოწარკვეთილი ადამიანები დგანან. ვიზიარებ თითოეული მათგანის მწუხარებას. ეს საზოგადოების საერთო ტრაგედიაა.

ჩვენ ყველამ წავაგეთ დღეს, კიდევ ერთხელ… დიახ, ეს ბრძოლა წაგებულია და მსხვერპლი არის უდიდესი. სამწუხაროდ, ხვალ ისევ მომიწევს ამგვარი პოსტის დადება ….

დამნაშავე ვინ არის … ჩემზე უკეთ იცით …

ვინც ნებისმიერ ხალხმრავალ შეკრებას აწყობს, არის ქვეყნის მოღალატე.

ვინც ნებისმიერი სახით ეწინააღმდეგება ვაქცინაციას, ის არის ქვეყნის მოღალატე.

სამედიცინო პირბადეს ვინც ყიდის დღეს 10 თეთრზე მეტად, უბრალოდ, ქვეყნის მოღალატეა.

დღეს წავაგეთ ბრძოლა…. მაგრამ ომი ჯერ არ წაგვიგია.

ამ ომში ერთად უნდა გავიმარჯვოთ.

ერთი და იმავე წრეზე ვტრიალებთ.

ყველამ კარგად ვიცით, რა არის გასაკეთებელი. შეგახსენებთ:
  • ვაქცინაცია ,,ფაიზერით" 12 წლის ასაკიდან
  • ბუსტერი ("ფაიზერის" მე-3 დოზა) ყველას 40 წლის ასაკის ზევით და ქრონიკული პაციენტებისთვის
  • სამედიცინო პირბადის უნივერსალური გამოყენება 2 წლის ასაკიდან (ყველგან/ყველასთვის/გარეთ/შენობაში)
  • ხალხმრავალი ადგილებისთვის თავის არიდება/დისტანციის დაცვა.
  • კომენდანტის საათი 20:00 - 6:00 (ისე ახლა მთლიანი ლოკდაუნი არის საჭირო, მაგრამ ვერავინ გაბედავს ამის თქმას, ჩემს გარდა)
  • სკოლების/უნივერსიტეტების, ოფისების დისტანციურ მუშაობაზე გადასვლა ნოემბრამდე.
  • კოვიდ საშვების ამოქმედება. ავიღოთ საფრანგეთის მაგალითი და ნუ გამოვიგონებთ ახალ ველოსიპედს.
  • ისე, აფთიაქებმა სამედიცინო პირბადე 10 თეთრად რომ გაყიდონ, ამით არ გაკოტრდებიან. 
  • ყველა ,,არგამოყენებული” რეანიმაციული საწოლი უნდა გადავიდეს სახელმწიფო სამედიცინო ჰოლდინიგის დროებით მართვაში - 2 თვით. 
ვისწავლოთ ამ ვერაგ ვირუსთან თანაცხოვრება. 

ეს შესაძლებელია.

იხილეთ წყაროები თუ რატომ რეალური სიკვდილის მაჩვენებელი მინიმუმ 2-ჯერ უფრო მეტია ვინდრე ოფიციალური:

📌 https://elifesciences.org/articles/69336#s2'' - აღნიშნავს გიორგი ფხაკაძე. 



წაიკითხეთ სრულად