Baby Bag

„გადავწყვიტე, კოვიდზე აღარ ვილაპარაკო, ამაზე სხვა „ექსპერტებს“ მიმართეთ, დავიღალე უსამართლო ნეგატივების მიღებით,“ - გიორგი ფხაკაძე

„გადავწყვიტე, კოვიდზე აღარ ვილაპარაკო, ამაზე სხვა „ექსპერტებს“ მიმართეთ, დავიღალე უსამართლო ნეგატივების მიღებით,“ - გიორგი ფხაკაძე
სიტყვა-სიტყვით

​პროფესორმა გიორგი ფხაკაძემ სოციალურ ქსელში პოსტი გამოაქვეყნა, რომელშიც აღნიშნა, რომ ის კოვიდზე საუბარს აღარ აპირებს:

„ადამიანმა, ალბათ, უნდა მიიღოს და აღიაროს რეალობა.

  • სიმართლე გითხრათ, მე ამ რეალობის არც მიღება და არც აღიარება მინდოდა, მაინც მჯეროდა, რომ საღი აზრი გაიმარჯვებდა, მაგრამ, სამწუხაროდ, საღი აზრი დამარცხდა, , ზოგადად მსოფლიოში, მაგრამ განსაკუთრებით საქართელოში.
  • ჩვენ ყველამ ერთად წავაგეთ. აქ არ არის საუბარი, რომ გიორგი ფხაკაძემ ან რომელიმე ინდივიდმა წააგო. მთლიანობაში ქვეყანამ წააგო.
  • მოგვწონს თუ არა, ეს არის რეალობა. ცხოვრება ასეა, რომის იმპერიაც დაიშალა, საბჭოთა იმპერიაც, საფრანგეთისაც და დიდი ბრიტანეთისაც. ცხოვრება წინ მიდის. ოდესმე ეს მახინჯი რეალობაც შეიცვლება.
  • მე ვამბობდი, ვამბობ და მომავალშიც ვიტყვი მარტო იმას, რაშიც 100%-ით ვარ დარწმუნებული. ვამბობ ამ რწმენის გამო და არა იმის გამო, რომ ვიღაცას რაღაც მოვაწონო ან არ მოვაწონო.
  • თუ ადამიანებს არ სურთ დახმარების მიღება, თავს ზევით ძალა არაა. მე, ერთმა ადამიანმა, საკუთარ თავზე ძალიან ბევრი ნეგატივი მივიღე და გადავიტანე, დაუმსახურებლად.
  • დღეს ქვეყანამ წააგო. წაგებაც უნდა ვაღიაროთ, ქვეყანაში მხოლოდ 190 000 ადამიანია აცრილი. რომ დაფიქრდე, შიშით გაგაჟრიალებს.
  • ყველაფერი ჩანს, ვინ გაყიდა საკუთარი თავი, პროფესია, სინდისი.
  • იმ ადამიანებს მივმართავ, რომ ჰგონიათ, თითქოს მოიგეს, თავისი პოზიცია რომ გაიტანეს. რა მოიგეთ? მაგალითად, ქვეყანაში ერთ დღეში 57 ადამიანი რომ გარდაიცვალა, ეს არის მოგება?
  • ის, რომ დღეში უამრავი ადამიანი გვეღუპება, რომ ანტივაქსერი ექიმები გვყავს, რომ მეცნიერებიდან საერთოდ აცდენილი ვართ და ყავის მკითხავების, ასტროლოგების გვჯერა, ამაზე რომ ვსაუბრობ, მლანძღავენ.
  • ტაშს უკრავენ პანდემიასთან დაკავშირებით, ვიღაც, ვთქვათ, მსახიობების და ჯანდაცვასთან შეხებაში არმყოფი ხალხის ყოველგვარ საღ აზრს აცდენილ გამოსვლებს. ეს არის „სპექტაკლის საზოგადოება“.

    • • თუ დღეს თქვენ ფაიზერით სამჯერ აცრილი არ ხართ, ბოდიში, მაგრამ ეს მხოლოდ თქვენი ბრალია. რაც მე ლაივებში ინფორმაცია მოგაწოდეთ, ფეისბუქ გვერდზე ასობით სტატია, კვლევები დავდე, ათასობით ადამიანს პირადში ინფორმაციები მივაწოდე, ამის შემდეგ საღი გადაწყვეტილება უნდა მიგეღოთ.

  • ქვეყანამ წააგო. ყველანი ვართ ამ დიდ საზოგადოებრივ სპექტაკლში - კოვიდი არ არსებობს, ჯანდაცვა ბრწყინავს, წამლები უიაფესია, განათლების დონე უმაღლესია. კარგი, დავიჯეროთ და ვიყოთ ასე, სანამ „გავქაჩავთ“.
  • კიდევ ერთხელ ვიმეორებ, ყველამ წავაგეთ. თუ ვინმეს ჰგონია, რომ მოიგო, ძალიან ცდება.
  • მთელმა ქვეყანამ, მარტო მთავრობამ კი არა, მოსახლეობამ მიიღო გადაწყვეტილება, რომ ჩვენ პანდემიასთან ომი წაგვეგო და ჩვენ წავაგეთ. მოგებაც უნდა ვაღიაროთ და წაგებაც. ვაღიარებ - წავაგეთ.
  • მე ყველაფერი გავაკეთე, რომ არ ვყოფილიყავით იქ, სადაც ახლა ვართ, მაგრამ რას ვიზამთ. აღმოჩნდა, რომ საღი აზრი საქართველოში პოპულარული არ არის.
  • მაგრამ ყველა იმპერია ერთ მშვენიერ დღესაც ინგრევა, ყველა წაგების შემდეგ არის მოგება. მაინც მჯერა, რომ შემდეგ ჯერზე მოვიგებთ.
  • ამჯერად კი გადავწყვიტე, კოვიდზე აღარ ვილაპარაკო, ამაზე სხვა „ექსპერტებს“ მიმართეთ. დავიღალე უსამართლო ნეგატივების მიღებით.
  • მე ბნელს პირში ვეუბნები, რომ ბნელია. ჩემგან არც პოლიტიკოსი გამოვა და არც რეალობის შემლამაზებელი „საბჭოთა“ექიმი. მე ვარ თანამედროვე სპეციალისტი, რომელსაც მინდა, საქართველოში დაინერგოს თანამედროვე მედიცინა, მაგრამ ეტყობა, ჯერ ადრეა.
  • ამიერიდან ჩვენ ვილაპარაკებთ მხოლოდ საზოგადოებრივ ჯანდაცვაზე და საინტერესო პროექტებზე.
  • მოუფრთხილდით თავს, იფიქრეთ ხვალინდელ დღეზე,“ - წერს გიორგი ფხაკაძე. 
    • #საინტერესო #სიტყვა-სიტყვით #კორონავირუსი #ექიმები #სიტყვა-სიტყვითკორონავირუსი #გიორგიფხაკაძე

    შეიძლება დაინტერესდეთ

    ჯანმრთელობა

    „ხალხო, გვეშველა, მინდა ხმამაღლა ვიყვირო...“ - გიორგი ფხაკაძის ახალი ვიდეომიმართვა

    „ხალხო, გვეშველა, მინდა ხმამაღლა ვიყვირო...“ - გიორგი ფხაკაძის ახალი ვიდეომიმართვა

    ​პროფესორმა გიორგი ფხაკაძემ სოციალურ ქსელში ახალი ვიდეომიმართვა გაავრცელა, რომელშიც მაყურებელს ამერიკის წამლის სააგენტოს მიერ ფაიზერის ვაქცინისთვის ავტორიზაციის მინიჭების შესახებ მიაწოდა ინფორმაცია:

    „მე უკვე გესაუბრეთ, რომ ამერიკის წამლის სააგენტო მიიღებდა გადაწყვეტილებას. მოხდა ის, რაც არის დაუჯერებელი. ეს იმას ნიშნავს, რომ მეცნიერება არის ძალიან მაგარი რაღაც. ფაიზერის ვაქცინამ ორ წელიწადში შეძლო ის, რასაც სჭირდებოდა ხუთი წელიწადი. დიახ, ვაქცინის დამტკიცებას სჭირდებოდა ხუთი წელიწადი. თანამედროვე ტექნოლოგიები, ​თანამედროვე მედიცინა წინ მიდის. ე.წ. ტრადიციული მეთოდებით გაკეთებული ვაქცინები XXI საუკუნეში ძალიან ჩამორჩენილი მეთოდია.“

    გიორგი ფხაკაძის თქმით, მსოფლიოში უკვე გვაქვს პირველი ეფექტიანი და უსაფრთხო ვაქცინა:

    „ეს ნიშნავს იმას, რომ ​მსოფლიოში ჩვენ უკვე გვაქვს პირველი ეფექტიანი, რაც მთავარია უსაფრთხო და დამტკიცებული ვაქცინა. ანტივაქსერების სექტა რომ იძახის, ეს ექსპერიმენტია და ჩვენ ვირთხები ვართო, მორჩა, ამოგეცალათ ყველაფერი. ამერიკის წამლის სააგენტომ გადაამოწმა ფაიზერის ყველა კლინიკური ინფორმაცია, ყველა კვლევა, რომელიც ლაბორატორიაში იყო ჩატარებული, ყველა კვლევა, რომელიც იყო ჩატარებული ცხოველებზე. თითოეული ის ცხოველი, რომელიც შეეწირა ამ პროცესს, უნდა გვახსოვდეს, იმიტომ, რომ მათ გარეშე ჩვენ არ ვიქნებოდით იქ, სადაც ვართ.“

    „ხალხო, გვეშველა. ეს არის ძალიან მაგარი ამბავი. ორი წელიწადი ლოკდაუნებით არ დაიღალეთ? ჩაკეტვებით არ დაიღალეთ? კაცობრიობა, მედიცინა მიდის წინ. დიახ, გიორგი ფხაკაძემ მიირთვა ფაიზერი. ​მე სხვა ვაქცინის საშუალება მქონდა, მაგრამ გადავწყვიტე ფაიზერი. ეს მეთოდოლოგია და პროგრესი გვაძლევს საშუალებას, რომ ახალ წამალს აღარ დასჭირდება ხუთი წელიც კი. ის შეიძლება გაკეთდეს 1-2 წელიწადში. წარმოგიდგენიათ, ეს რამხელა პროგრესია?! ყველას გილოცავთ! მეგობრებო, კიდევ ერთხელ გეუბნებით, დროზე აიცერით ფაიზერით, სანამ ფაიზერი ჯერ კიდევ ქვეყანაში არის,“- აღნიშნა გიორგი ფხაკაძემ.

    ​წყარო

    წაიკითხეთ სრულად
    გასათიშად დააჭირეთ ESC.