,,ბოლო დროს ბედნიერების კოეფიციენტია მომატებული სამშობლოში, ატყობთ?''

სიტყვა-სიტყვით

„თუ ბავშვი მეგობრულ გარემოში იზრდება და თავს საჭიროდ გრძნობს, ის სიყვარულს პოულობს“ - იტალიელი პედაგოგის 19 მცნება მშობლებს

4 წლის წინ

მარია მონტესორი იტალიელი პედაგოგი, მეცნიერი, ფილოსოფოსი და ჰუმანისტი იყო. იგი ცნობილია ბავშვთა დაბადებიდან სიყმაწვილემდე აღზრდის განსაკუთრებული მეთოდითა და ფილოსოფიით. ამჟამად მისი განათლების მეთოდი მთელ მსოფლიოში მრავალ საჯარო თუ კერძო სკოლაში გამოიყენება. იტალიელმა პედაგოგმა ჩამოაყალიბა მოკლე მცნებები მშობლებისთვის.

​​MomsEdu.ge​ გთავაზობთ მარია მონტესორის 19 მცნებას მშობლებისთვის:

1. ბავშვები სწავლობენ იმას, რაც მათ გარშემოა.

2. თუ ბავშვს ხშირად აკრიტიკებენ, ის სხვის განსჯას სწავლობს.

3. თუ ბავშვს ხშირად აქებენ, ის შეფასებას სწავლობს.

4. თუ ბავშვს მტრობას უჩვენებენ, ის ჩხუბს სწავლობს.

5. თუ ბავშვთან გულწრფელები არიან, ის სამართლიანობას ეჩვევა.

6. თუ ბავშვს ხშირად დასცინიან, ის მორცხვი და გაუბედავი ხდება.

7. თუ ბავშვი თავს უსაფრთხოდ გრძნობს, რწმენას სწავლობს.

8. თუ ბავშვს ხშირად არცხვენენ, ის მუდმივად დამნაშავედ გრძნობს თავს.

9. თუ ბავშვს ხშირად უწონებენ საქციელს, ის საკუთარი თავის პატივისცემას სწავლობს.

10. თუ ბავშვის მიმართ ხშირად იჩენენ მიმტევებლობას, ის მოთმინებას სწავლობს.

11. თუ ბავშვს ხშირად ამხნევებენ, ის თავდაჯერებული ხდება.

12. თუ ბავშვი მეგობრულ გარემოში იზრდება და თავს საჭიროდ გრძნობს, ის სიყვარულს პოულობს.

13. არ თქვათ ბავშვზე ცუდი - არც მისი თანდასწრებით და არც მის გარეშე.

14. ყურადღება გაამახვილეთ ბავშვში კარგი თვისებების განვითარებაზე და ცუდისთვის ადგილი აღარ დარჩება.

15. ყოველთვის მოუსმინეთ და უპასუხეთ ბავშვს, როდესაც მოგმართავთ.

16. პატივი ეცით ბავშვს, რომელმაც შეცდომა დაუშვა და ცდილობს მის გამოსწორებას ახლა ან ცოტა მოგვიანებით.

17. ყოველთვის დაეხმარეთ ბავშვს, რომელიც ძიების პროცესშია და შეეცადეთ შეუმჩნეველი იყოთ იმ ბავშვისთვის, რომელმაც უკვე ყველაფერი იპოვა.

18. დაეხმარეთ ბავშვს აითვისოს ის, რაც აქამდე არ აუთვისებია. გააკეთეთ ეს მზრუნველობით, მოთმინებით, ჩუმად და სიყვარულით.

19. ბავშვთან ურთიერთობისას კარგი მანერებით იმოქმედეთ, დაანახეთ მას ყველაფერი საუკეთესო, რაც თქვენშია.

წაიკითხეთ სრულად