Baby Bag

„მედარდებიან ჩვენი ბავშვები, მოზარდები, მათი ფსიქოსომატური მდგომარეობა... სახლებში გამოკეტილები, კოშმარული სიზმრის დასასრულის მოლოდინით ცხოვრობენ და ენატრებათ სილაღე“

„მედარდებიან ჩვენი ბავშვები, მოზარდები, მათი ფსიქოსომატური მდგომარეობა... სახლებში გამოკეტილები, კოშმარული სიზმრის დასასრულის მოლოდინით ცხოვრობენ და ენატრებათ სილაღე“
სიტყვა-სიტყვით

ამის შესახებ სოციალურ ქსელში პედიატრი, მედიცინის მეცნიერებათა დოქტორი ინგა მამუჩიშვილი წერს.

მედარდებიან ჩვენი ბავშვები, მოზარდები, მათი ფსიქოსომატური მდგომარეობა... ძალიან ბევრი მირეკავს სხვადასხვა პრობლემით: ფობიები, აგზნებადობა, უძილობა, ისტერიები, ეკრანმიჯაჭვულობა ნომერ პირველი პრობლემა, რაც იწვევს ინფორმაციულ, ემოციურ სტრესს და საბოლოოდ ოქსდაციური სტრესის განვითარებას!!! აღარც სიყვარული, აბა საიდან კომუნიკაციები მხოლოდ ვირტუალური, არც სხვა გრძნობები, რომელთა ატროფიაც ხდება დროთა განმავლობაში... გახსოვთ???? დაჭერობანა, დამალობანა, წრეში ბურთი. ამ თამაშების დროს რაღაცნაირად ხდებოდა გრძნობათა რეალიზება, იმას იჭერდნენ, ვინც მოწონდათ, ბურთს ესროდნენ, დასდევდნენ დაჭერობანას დროს, თმებს აწიწკნიდნენ, გმირობის ჩადენას ლამობდნენ ბიჭები, კლასში შეყვარებული გოგონას ჩადენილ დანაშაულს (მაგალითად, ყვავილის ქოთნის გატეხვა) თვითონ იბრალებდნენ, ამ გრძნობების გამოხატვის უამრავი საშუალება იყო... ახლა... ვირტუალური სამყარო... ენატრებათ მეგობრები, თვალების შემოცეცება, ნაზი შეხება... ქურთუკის საყელოს გასწორება, შოკოლადის ან წიგნის მიწოდების დროს ხელის ხელთან შეხება, რვეულის ან წიგნის წასართმევად გამოკიდება, დაჭერა და თვალებში გრძნობით ჩახედვა, სუფთა და სპეტაკი... დიახ, ეს ყველაფერი ენატრებათ ბავშვებს, ნიღაბში იმალება გრძნობები, ქვეცნობიერში ილექება ნატვრა და ოცნება... მეშინია, გრძნობათა ატროფია არ დაეწყოთ... როდესაც მშობლებს მათი ნერვული აშლილობის ამ მიზეზებს განვუმარტავ, არ უნდათ აღიარება (მშობლიური ეგოიზმი), მაგრამ დამიჯერეთ ასეა... ნუ გაგიკვირდებათ მათი აფექტურობა, წუწუნი, უხასიათობა... იგიჟეთ თქვენც ხშირად მათთან ერთად, მოუსმინეთ იმ მუსიკას, რასაც უსმენენ, გაუტოლეთ თავი, მოუყევით თქვენი თავგადასავლები, მეტად მოეფერეთ, ოღონდ თანაგრძნობის გარეშე! არასოდეს არ დაამციროთ მოზარდი, არ დაუწუნოთ არჩევანი, „არ აშაყიროთ“ (ეს მათ ყველაზე მეტად არ ესმით და აღიზიანებთ) ნუ აავსებთ შენიშვნებით! მეტი ოპტიმიზმი ხმის ტონში! მეტი იმედი! მეტი დამაჯერებლობა!!! ის, რომ მალე დამთავრდება ეს კოშმარი და ჩვეული რუტინული ყოფა დაიწყება, რომელიც მათია და ენატრებათ, მაგრამ თქვენიც მესმის ჩემო ძვირფასებო, თქვენს ნერვებსაც მოფრთხილება უნდა... თუმცა თქვენს მეხსიერებაში კარგი მომენტებიც ხომ არის, ტკბილად გასახსენებელი, ამათ ცნობიერებას კი ძალიან უჭირს, ძალიან!!! ჯერ პატარები არიან, მათ ახლა უნდათ აწყვეტა, თავისუფლება, გრძნობებთან თამაში, სპორტი, სიმღერა, სწავლა... სამწუხაროდ, სახლებში გამოკეტილები, კოშმარული სიზმრის დასასრულის მოლოდინით ცხოვრობენ და ენატრებათ სილაღე. კიდევ ერთხელ გილოცავთ, განსაკუთრებით ჩემს ბავშვებს და მოზარდებს. ჩვენ დავამარცხებთ ვირუსს და თქვენ გაგათავისუფლებთ სულიერი ტყვეობიდან, დაგიბრუნებთ ბედნიერ ბავშვობას, გპირდებით.

#ბავშვი #ინგამამუჩიშვილი #კორონავირუსი

შეიძლება დაინტერესდეთ

ჯანმრთელობა

ამ სახის ტესტირებით ექიმს შეუძლია, შეაფასოს ზედმეტი სისხლდენის ან თრომბოზის რისკი თქვენს სისხლძარღვებში

ამ სახის ტესტირებით ექიმს შეუძლია, შეაფასოს ზედმეტი სისხლდენის ან თრომბოზის რისკი თქვენს სისხლძარღვებში
რისთვის გამოიყენება კოაგულაციის ტესტი? - აღნიშნულ თემაზე ექიმი რეზიდენტი ნანა სხილაძე წერს:

,,კოაგულაციური ტესტები ზომავს თქვენი სისხლის შედედების უნარს და იმას, თუ რამდენი დრო სჭირდება შედედებას. ტესტირებით ექიმს შეუძლია შეაფასოს ზედმეტი სისხლდენის ან თრომბოზის რისკი თქვენს სისხლძარღვებში. შედედების დარღვევებმა შეიძლება გამოიწვიოს სისხლდენის ან შედედების საშიში მდგომარეობა, რამაც შეიძლება გამოიწვიოს თრომბოემბოლია.

თუ თქვენი ექიმი ეჭვობს, რომ გაქვთ შედედების დარღვევა, მათ შეიძლება გირჩიოთ ერთი ან მეტი კოაგულაციური ტესტის ჩატარება.

კოაგულაციის დარღვევები შეიძლება გამოწვეული იყოს:

  • ღვიძლის დაავადებებით
  • თრომბოფილიით
  • ჰემოფილიით, რაც ნორმალური შედედების შეუძლებლობას წარმოადგენს. 
    ​
კოაგულაციის ტესტები სასარგებლოა იმ ადამიანების მონიტორინგისთვის, რომლებიც იღებენ მედიკამენტებს, რომლებიც გავლენას ახდენენ შედედების უნარზე. კოაგულაციის ტესტები ასევე ზოგჯერ რეკომენდირებულია ოპერაციის დაწყებამდე. ოპერაციის შემდე და ახლა აქტუალური ანალიზია და ითხოვენ კოვიდ 19-ით ინფიცირებულებში. 
​
ქვემოთ მოცემულ განყოფილებებში მოცემულია ანალიზის პასუხის განმარტება. და ნორმალიზების საზღვრები:
​
  • პროთრომბინის დრო -- Sec H(9.1 - 12.1)
  • პროთრომბინის ინდექსი(%) -- % L(>70)
  • საერთაშორ. ნორმალიზ. შეფარდება (INR) -- H(0.9 - 1.2)
  • აქტივ. ნაწ. თრომბოპლ. დრო (APTT) -- Sec N(24.3 - 36.9)
  • პროთრომბინის დრო -- Sec H(9.1 - 12.1) -პროთრომბინის დრო (PT ან PT-INR) პროთრომბინი კიდევ ერთი ცილაა, რომელსაც თქვენი ღვიძლი აწარმოებს.
    ​
პროთრომბინის დროის (PT) ტესტი ზომავს რამდენად კარგად და რამდენ ხანში ხდება თქვენი სისხლის შედედება. ჩვეულებრივ, მას დაახლოებით 25-დან 30 წამამდე სჭირდება.

შეიძლება უფრო მეტი დრო დასჭირდეს, თუ სისხლის გამათხელებლებს მიიღებთ. პათოლოგიური შედეგების სხვა მიზეზებში შედის ჰემოფილია, ღვიძლის დაავადება და მალაბსორბცია.

ეს ასევე სასარგებლოა მათი მონიტორინგისთვის, ვინც იღებს მედიკამენტებს, რომლებიც გავლენას ახდენენ შედედებაზე, მაგალითად ვარფარინი.

თქვენი სხეული ქმნის შედედების რამდენიმე სხვადასხვა ფაქტორს. რომელიმე მათგანის პრობლემამ - შეიძლება გავლენა იქონიოს იმაზე, თუ რამდენ ხანს სჭირდება თრომბის ფორმირება, თუ ის საერთოდ იქმნება.

პროთრომბინის დროის ტესტი (PT) იხილავს ამ ფაქტორების ერთ ჯგუფს, რამდენად კარგად მუშაობენ ისინი.

• პროთრომბინის ინდექსი(%) -- % L(>70)  

პროთრომბინის ინდექსი არის ღვიძლის მწვავე ფიბროზის არაპირდაპირი მარკერი.

• საერთაშორ. ნორმალიზ. შეფარდება (INR) -- H(0.9 - 1.2) 

რას ნიშნავს INR ?

PT შედეგები ხშირად იტყობინება, როგორც საერთაშორისო ნორმალიზებული თანაფარდობა (INR), რომელიც გამოხატულია როგორც რიცხვი. ადამიანისთვის ტიპიური დიაპაზონი რომელიც არ იღებს სისხლის გამათხელებელ მედიკამენტს მერყეობს 0.9-დან დაახლოებით 1.1-მდე.

♦️საერთაშორისო ნორმალიზებული თანაფარდობა (INR) არის ტესტი იმ პაციენტებისთვის, რომლებიც K ვიტამინის ანტაგონისტებს (VKA) იღებენ. ის ასევე შეიძლება გამოყენებულ იქნას სისხლდენის რისკის ან პაციენტების კოაგულაციის სტატუსის შესაფასებლად.

პაციენტებს, რომლებიც იღებენ პერორალურ ანტიკოაგულანტებს, საჭიროა მონიტორინგი გაუწიონ INR- ს, რათა შეცვალონ VKA დოზები.

♦️• აქტივ. ნაწ. თრომბოპლ. დრო (APTT) -- Sec N(24.3 - 36.9)

(aPTT) არის აფასებს სისხლში გარკვეული ცილების რაოდენობასა და ფუნქციონირებას.

ფიბრინოგენის კონცენტრაცია (FIB) -- g/L L(2.2 - 4.9) ----- ფიბრინოგენი მწვავე ფაზის რეაქტიულია, რაც ნიშნავს, რომ ფიბრინოგენის დონე შეიძლება მკვეთრად გაიზარდოს ნებისმიერ მდგომარეობაში, რომელიც იწვევს ანთებას ან ქსოვილის დაზიანებას.

ფიბრინოგენის მაღალი დონე არ არის სპეციფიკური. ისინი ექიმს არ ეუბნებიან ანთების ან დაზიანების მიზეზს ან ადგილს.

ასევე ინფორმატიული ტესტებია:

♦️სისხლის სრული ანალიზი (CBC)

ექიმმა შეიძლება დანიშნოს სისხლის სრული ანალიზი , როგორც თქვენი რუტინული ფიზიკური ნაწილი. ტესტის შედეგებმა შეიძლება გააფრთხილოს თქვენი ექიმი, თუ გაქვთ ანემია ან თრომბოციტების დაბალი რაოდენობა, რაც ხელს უშლის თრომბის უნარს.

♦️V ფაქტორის ანალიზი

ეს ტესტი ზომავს ფაქტორ V- ს, შედედებაში მონაწილე ნივთიერებას. არანორმალურად დაბალი დონე შეიძლება იყოს ღვიძლის დაავადების, პირველადი ფიბრინოლიზის (თრომბების დაშლა) ან დისემინირებული სისხლძარღვთა კოაგულაციის (DIC) მაჩვენებელი,'' - აღნიშნავს ნანა სხილაძე. 

წაიკითხეთ სრულად
გასათიშად დააჭირეთ ESC.