შემიძლია თუ არა ბაღიდან ბაღში ბავშვის გადაყვანა? - პასუხი ხშირად დასმულ კითხვაზე

სკოლამდელი განათლება

შეიძლება თუ არა, ბავშვის ერთი საჯარო ბაღიდან მეორეში გადაყვანა

5 წლის წინ

ბაღიდან ბაღში გადაყვანა, ანუ მობილობა, თბილისის ბაღებში არ ხდება, - ინფორმაციას თბილისის საბავშვო ბაგა-ბაღებში მართვის სააგენტო ავრცელებს. 

სააგენტოს ცნობით, იმისათვის, რომ შეცვალოთ სააღმზრდელო დაწესებულება, საჭიროა მიმართოთ ბაღს, სადაც ჩარიცხულია ბავშვი და მოითხოვოთ მისი გარიცხვა ან მიბრძანდეთ ბაღების სააგენტოში და იქ დაწეროთ განცხადება ბავშვის რეგისტრაციის გაუქმების თაობაზე. მხოლოდ ამის შემდეგ შეძლებთ ბავშვის ხელახალ რეგისტრაციას.

შეგახსენებთ, რომ თბილისის საჯარო საბავშვო ბაგა-ბაღებში აღსაზრდელთა რეგისტრაციის მეორე ეტაპი დღეს, 19 ივნისს, 12:00 საათზე დაიწყო.

რეგისტრაციის ამ ეტაპზე შესაძლებელია ყველა იმ ბავშვის რეგისტრაცია, ვინც სასწავლო-სააღმზრდელო წლის დასაყისში (და არა რეგისტრაციის მომენტში) იქნება 2 წლის.

რეგისტრაციის წარმატებით გავლის შემდეგ, დარეგისტრირებული ბავშვის მშობელმა საჭირო დოკუმენტაცია უნდა წარადგინოს კონკრეტულ საბავშვო ბაღში. ეს დოკუმენტებია:

• დაბადების მოწმობის ასლი
• 2 ფოტოსურათი ( ბიომეტრიული)
• ჯანმრთელობის დამადასტურებელი ცნობა
• მშობლების პირადობის მოწმობის ასლი

წაიკითხეთ სრულად