Baby Bag

„ანტისახელმწიფოებრივი ქმედებით შეცვლას არ დავუშვებთ ახალგაზრდები, რევოლუცია არ იქნება, მთავრობას მოუწევს პასუხისგება“

„ანტისახელმწიფოებრივი ქმედებით შეცვლას არ დავუშვებთ ახალგაზრდები, რევოლუცია არ იქნება, მთავრობას მოუწევს პასუხისგება“

„დღეს რაც მოხდა, არის ანტისახელმწიფოებრივი, სამარცხვინო შემთხვევა. სახელმწიფო სიმბოლიკის შეურაცხყოფა და ფეხქვეშ გათელვა.

ამას მოჰყვა ძალიან კარგი, ადეკვატური და ჯანსაღი პროტესტი საზოგადოებისგან. დაიგეგმა აქცია. არ ვიცი, ვინ სად რას გეგმავდა პარალელურად, მაგრამ მეც და ბევრმა ჩემმა თანატოლმაც აქციაზე შევიტყვეთ რამდენიმე ჯგუფიდან, სადაც საკმაოდ პროგრესულად მოაზროვნე ახალგაზრდები არიან შეკრებილნი, ძირეული ფასეულობის გარშემო, განურჩევლად პოლიტ-ეკონომიკური თუ სხვა ტიპის პრეფერენციებისა.

როგორ დაიწყო პროტესტი: პარლამენტთან შეიკრიბა საკმაოდ ბევრი ადამიანი, განსხვავებული შეხედულებებით მარა შეთანხმებული ერთში: რუსეთი ოკუპანტია, გავრილოვის შემთხვევა სირცხვილია, ხელისუფლებამ პასუხი უნდა აგოს.

როგორ გაგრძელდებოდა აქცია იმ ხალხის ხელში, ვინც მე ვიგულისხმე შესაბამისი ჯგუფების მიღმა: აქტიური განცხადებებით, კრეატიული ტრანსფარანტებით, საერთაშორისო საზოგადოების ყურადღების მიპყრობით, უწყვეტი წნეხით ხელისუფლებაზე, ძლიერი მედიაზეწოლით და ა.შ.

როგორ გაგრძელდა: დაყარა მიშამ დორბლები, სკივრებიდან ამოყვეს თავები ვიღაცებმა და დაიწყეს 2003 წლის სცენარზე ჩალიჩი გულწრფელი ახალგაზრდების რესურსის ხარჯზე. მაგრამ 2003 წელი აღარაა, ოქრუაშვილიც აღარაა ავტორიტეტი და ეს სცენარი არ გამოვიდა. შესაბამისად გამოიწვიეს ის, რომ ადეკვატური საზოგადოება დაიბნა. აქცია დაიქსაქსა და მთავრობას გული მიეცა.

გვინდა ხელისუფლების პასუხისმგებლობის დაყენება, მაგრამ არა მიშას, ვაშაძის და ოქრუაშვილის ხარჯზე. მერამდენედ უნდა ჩაშალონ ადეკვატური საზოგადოებრივი პროტესტი თავისი პირადი ინტერესების გამო.

უნდა აღინიშნოს, რომ ყველაზე ადეკვატური ევსაქების განცხადებები იყო, რაც ახლა გააკეთეს.

ჰოდა შეიგნონ ამ ქოცნაცებმა რომ ერთი ანტისახელმწიფოებრივი საქციელის მეორე ანტისახელმწიფოებრივი ქმედებით შეცვლას არ დავუშვებთ ახალგაზრდები. რევოლუცია არ იქნება. მთავრობას მოუწევს პასუხისგება. დრო შეიცვალა. ვინც არეულობაზე და ჭყლეტვებზე ეღგზნებით - გაა... პამპლონაში და ხარებს ეჭიდავეთ.

Edit: პოსტი დაწერილია 20 ივნისს, 20:00, დარბევამდე.“

ამის შესახებ ტელეწამყვანმა და მწერალმა ალექსანდრე ლორთქიფანიძემ ფეისბუქში დაწერა

შეიძლება დაინტერესდეთ

„რეალურად, უსაფრთხო ვაქცინით ფართო მასების მომარაგება 2021 წლის გაზაფხულამდე ვერ მოხდება, საქართველომდე როდის მოაღწევს, ეს კიდევ ცალკე საკითხია“

„რეალურად, უსაფრთხო ვაქცინით ფართო მასების მომარაგება 2021 წლის გაზაფხულამდე ვერ მოხდება, საქართველომდე როდის მოაღწევს, ეს კიდევ ცალკე საკითხია“

ამერიკაში მოღვაწე (ჰოპკინსის უნივერსიტეტში) ინფექციურ დაავადებათა სპეციალისტი მამუკა მაჩაიძე სოციალურ ქსელში კორონავირუსთან დაკავშირებით პოსტს აქვეყნებს. გთავაზობთ მის პოსტს უცვლელად:

„კოვიდის პანდემიის და მოსალოდნელი სეზონური გრიპის გავრცელების შესახებ:

  • აჭარის მაგალითმა გვაჩვენა რამდენად მოუმზადებელი დახვდა კოვიდ ინფექციის გავრცელებას პირველადი ჯანდაცვის რგოლი და ჰოსპიტალური სექტორი; ძალიან კარგია რომ პროტოკოლები იცვლება და ხალხს ბინაზე მკურნალობის საშუალებას აძლევს, მაგრამ როდესაც ამხელა მასა სახლში გადაინაცვლებს, მარტივი ენით სამედიცინო ინფორმაციის მიტანა და ამ კამპანიაში ოჯახის ექიმების აქტიური ჩართვა, განსაკუთრებით სეზონური გრიპის პირობებში, კიდევ უფრო მნიშვნელოვანი გახდება.
  • ყველა კოვიდ-საწინააღმდეგო ზომა (მათ შორის ნიღბის ტარება და დისტანცირება) ასევე შეამცირებს სეზონური გრიპის ვირუსების გადაცემის სიხშირეს, ამიტომ გრიპის სეზონი წელს შესაძლებელია პარადოქსულად უკეთ წავიდეს ვიდრე წინა წლებში (ჩემი აზრით ასეც მოხდება). ამისთვის აუცილებელია კიდევ უფრო მეტი რესურსი დაიხარჯოს საზოგადოების ინფორმირებულობისთვის ამ ზომების შესახებ.
  • აქტუალური გახდება კომბინირებული ტესტირება (ანუ ერთი ნაცხით კოვიდის, გრიპის და/ან სხვა სეზონური ვირუსებისთვის ტესტირება), ამიტომ ამ ტესტების მომარაგება ერთერთი პრიორიტეტი უნდა გახდეს
  • რაც შეეხება გრიპის საწინააღმდეგო ვაქცინას - დებატები გრძელდება იმასთან დაკავშირებით, რამდენაც ბევრი შტამი უნდა მოიცვას და რამდენად ადრე უნდა დაიწყოს ვაქცინაცია (ადრე აცრით იმუნიტეტის დასუსტების რისკი არსებობს სეზონის დასრულებამდე) - თუ საქართველოში მხოლოდ 130 ათასი ვაქცინის შემოტანაა დაგეგმილი - რისკ ჯგუფების მიხედვით მოხდება პრიორიტიზება, მაგრამ ვაქცინების დეფიციტი სერიოზული პრობლემა შეიძლება გახდეს
  • რაც შეეხება კოვიდის საწინააღმდეგო ვაქცინას, რამდენიმე ქვეყნის ლიდერი შეიძლება გამოვიდეს და „იზეიმოს“ ვაქცინა ნოემბერ-დეკემბერში, თუმცა ეს მხოლოდ პოლიტიკური განცხადება იქნება და სხვა არაფერი - რეალურად, უსაფრთხო ვაქცინით ფართო მასების მომარაგება 2021 წლის გაზაფხულამდე ვერ მოხდება, საქართველომდე როდის მოაღწევს ეს კიდევ ცალკე საკითხია, ასე რომ კოვიდის ვაქცინაზე საუბარი და დავა ჯერ აზრს მოკლებულია,'' - აღნიშნავს ექიმი.

წაიკითხეთ სრულად