„სკოლამდელ ასაკში, 3-დან 6 წლამდე ინტერესი უჩნდება ბავშვს, რომ ყველაფერი თვითონ გააკეთოს, სიახლეებს ეცნობა. მთავარია, არ დათრგუნოს მშობელმა ეს ინტერესი. მშობლები ზედმეტი ზრუნვის გამო შვილს ხშირად ეუბნებიან: „მე შეგიკრავ თასმას, მე დაგისხამ საჭმელს.“ ინტერესის დათრგუნვა მთელ რიგ პრობლემებს იწვევს შემდგომში: ჩაკეტილობას, ინტერესის დაკარგვას, იცინიატივის გაქრობას. უკვე სკოლის ასაკში, 6-დან 13 წლამდე, სანამ მოზარდობა დაიწყება, მთავარია შრომისმოყვარეობა. ბავშვი სწავლობს შრომას. მნიშვნელოვანია, მშობელმა ბავშვს აჩვენოს, რა შედეგი აქვს შრომას.“
მანანა წვერავას თქმით, მნიშვნელოვანია, რომ მოზარდები აღვიქვათ, როგორც დამოუკიდებელი პიროვნებები:
„გარდატეხის ასაკში ყველა ბავშვისთვის არის ერთი კითხვა: „ვინ ვარ მე?“ ბავშვს უყალიბდებდა პირადი ღირებულებები, შეხედულებები, თვისებები, იწყება მშობლებისგან სეპარაცია. მშობლები ხშირად ამბობენ: „შენს ასაკში მე ასე ვიყავი,“ „მე ასე ვუყურებ.“ მეტი „მე“ მოდის, ვიდრე „შენ.“ მოზარდები ითხოვენ, რომ აღვიქვათ, როგორც დამოუკიდებელი პიროვნებები. მოზარდობის დროს კითხვა „რატომ?“ მშობელმა უნდა შეცვალოს კითხვით: „როგორ?“ „რატომ?“ უკვე არის მოთხოვნა. „რატომ აკეთებ ამას?“ პროტესტის გრძნობას აჩენს.“
„რეჟიმი არის საჭირო. აუცილებელია, რომ ბავშვს ჰქონდეს რუტინა. თუ მინდა, რომ ჩემმა შვილმა ზღვაზე ყოფნისას კლასგარეშე ლიტერატურა წაიკითხოს, მეც წავიკითხავ მასთან ერთად. ჩემგან ჩემი შვილი მიიღებს დადებით ემოციას და იმას, რომ მასთან ერთად ვარ ჩართული. ეს ასე უნდა იყოს მიწოდებული,“ - აღნიშნულ საკითხებზე მანანა წვერავამ ტელეკომპანია „რუსთავი 2“-ის გადაცემაში „დილა უქმეებზე“ ისაუბრა.
წყარო: „დილა უქმეებზე“
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
