Baby Bag

რა სიმპტომები აქვს ანევრიზმას და რას უნდა მივაქციოთ განსაკუთრებული ყურადღება? - ანგიოქირურგი გიგი ბრეგაძე

რა სიმპტომები აქვს ანევრიზმას და რას უნდა მივაქციოთ განსაკუთრებული ყურადღება? - ანგიოქირურგი გიგი ბრეგაძე

ანგიოქირურგმა გიგი ბრეგაძემ ანევრიზმის სიმპტომებსა და ჯანმრთელობის იმ რისკებზე ისაუბრა, რომელსაც ის ადამიანს უქმნის:

„ანევრიზმის გასკდომის რისკი დამოკიდებულია იმაზე, თუ რა ზომისაა ანევრიზმა. ბევრი რამ არის ჩვენზე დამოკიდებული. ერთ-ერთი მთავარი რისკ-ფაქტორი მწეველობა გახლავთ. თამბაქოს მოხმარება ასუსტებს სიხლძარღვების კედელს. მნიშვნელოვანია ქოლესტერინის დონე სისხლში, ლიპიდური ცვლის დარღვევა, სიმსუქნე, მაღალი არტერიული წნევა რისკ-ფაქტორებია. მემკვიდრული რისკ-ფაქტორიც ერთ-ერთი მნიშვნელოვანია.

ანევრიზმა თუ გასკდა, სიკვდილობა 80%-ია, ესეც იმ ქვეყნებში, სადაც ცენტრალიზირებულია სამედიცინო მომსახურება და უკვე მიზანმიმართულად ხვდება ადამიანი კლინიკაში, სადაც ამის მართვა შესაძლებელია. ძალიან მნიშვნელოვანია, როგორ კლინიკაში მოხვდება პაციენტი. ანევრიზმის სიმპტომები შეიძლება იყოს მუცლის ტკივილი, წელის არეში ტკივილი, ტკივილის ფეხში გადაცემა. ამიტომაც არის, რომ პაციენტები ხვდებიან ან უროლოგთან, ან ნევროლოგთან. მიდის კვლევა ნევროლოგიური პრობლემების. ამ დროს მნიშვნელოვანია ულტრაბგერითი სკრინინგი. ძირითადად ამ დროს აღმოჩნდება ხოლმე, რომ ადამიანს აქვს ანევრიზმა, რაღაც სხვა დაავადების გამო მისული პაციენტის კვლევისას. ანევრიზმა აწვება წელის არეს ან სხვა ორგანოებს და იწვევს ამ სიმპტომებს.

ანევრიზმის გასკდომის შემთხვევაში არის გონების დაკარგვა, ცივი ოფლი, ძლიერი ტკივილი წელის არეში. ძალიან დიდი მნიშვნელობა აქვს რა სივრცეში გასკდება ანევრიზმა. სადაც აორტაა, იქ ის, რომ ისეთი სისხლდენა ატყდეს, რომ უცებ დაიცალოს ადამიანი, არ არის. ამიტომ წნევის ვარდნის ფონზე შეიძლება მოხდეს პაციენტის მდგომარეობის დასტაბილურება და პაციენტის გადარჩენისთვის დრო გაჩნდეს. თუ ანევრიზმას კავშირი აქვს ან ნაწლავთან, ან მუცლის ღრუსთან, იქ ისეთი სისხლდენა ატყდება, რომ გადარჩენა, ალბათ, შეუძლებელია,“- მოცემულ საკითხზე გიგი ბრეგაძემ ტელეკომპანია „ფორმულას“ გადაცემაში „დილა ფორმულაზე“ ისაუბრა.

წყარო:​ „დილა ფორმულაზე“ 

შეიძლება დაინტერესდეთ

​ონკოლოგიური დაავადებების დიაგნოსტირება საქართველოში უახლესი მაგნიტურ-რეზონანსული ტომოგრაფით

​ონკოლოგიური დაავადებების დიაგნოსტირება საქართველოში უახლესი მაგნიტურ-რეზონანსული ტომოგრაფით

„ნიუ ჰოსპიტალსის“ რადიოლოგიის ცენტრი ყველაზე სრულყოფილი და მძლავრი მაგნიტურ - რეზონანსული ტომოგრაფით არის აღჭურვილი და პაციენტებს უნიკალური შესაძლებლობების მქონე რადიოლოგიურ მომსახურებას სთავაზობს.

Siemens-ის უახლესი 3 ტესლა სიმძლავრის მაგნიტურ-რეზონანსული ტომოგრაფი ორგანოების, ორგანოთა სისტემების და რბილი ქსოვილების სრულყოფილ გამოკვლევას უზრუნველყოფს, მისი გაუმჯობესებული ფუნქციები კი კვლევითი შედეგების 100%-მდე სიზუსტეს განსაზღვრავს.

უფრო ვრცლად საკითხის ირგვლივ ​MOMSEDU.GE-ს „ნიუ ჰოსპიტალსის“ რადიოლოგი, ნათია კბილაშვილი ესაუბრება:

რა შესაძლებლობებით გამოირჩევა უახლესი მაგნიტურ-რეზონანსული ტომოგრაფი და რა უპირატესობები აქვს არსებულ ტომოგრაფებთან შედარებით?

უახლესი ტომოგრაფის უპირატესობა მისი გაუმჯობესებული შესაძლებლობები და დიზაინია, რაც კვლევის პროცესს მაქსიმალურად ეფექტურსა და კომფორტულს, კვლევით შედეგებს კი უპრეცედენტოდ ინფორმატიულს ხდის.

Siemens MAGNETOM VIDA უმაღლესი ხარისხის და გარჩევადობის გამოსახულების მიღებას უპრეცედენტო, 50-70%-ით შემცირებულ დროში უზრუნველყოფს - გარკვეული ზონების კვლევას მხოლოდ 2 წუთი სჭირდება, 40 წუთის განმავლობაში კი შეგვიძლია მივიღოთ ინფორმაცია მთლიანი სხეულის მდგომარეობის შესახებ (წინამორბედი ტომოგრაფების შემთხვევაში მთლიანი სხეულის კვლევას დაახლოებით 90 წუთი სჭირდება).

  • მისი საშუალებით ვიკვლევთ არა მარტო ცალკეულ ორგანოებს და ორგანოთა სისტემებს, არამედ მთლიან სხეულს უჯრედულ დონეზე;
  • ახალი ტომოგრაფის ერთ-ერთი მნიშვნელოვანი ფუნქცია ძველი მონაცემების დამახსოვრება და განმეორებითი კვლევის განხორციელებისას, ცვლილებების გამოვლენაა;
  • მსოფლიოში პირველი BioMatrix ტექნოლოგია კვლევის განხორციელების პროცესს მაქსიმალურად კომფორტს ხდის, პაციენტისთვის: კვლევის პროცესში, პოზიციის ცვლილებისა და მოძრაობის შემთხვევაში, კვლევა ხელმეორედ ჩატარებას აღარ საჭიროებს; გარკვეული კვლევების განხორციელებისთვის, სუნთქვის შეკავება აღარ არის აუცილებელი;
  • ფართო გვირაბი და ვენტილაციის გაუმჯობესებული სისტემა ჭარბწონიანი (250 კგ.-მდე) პაციენტების გამოკვლევას ხდის შესაძლებელს;

რამდენად მნიშვნელოვანია უახლესი ტომოგრაფის შესაძლებლობები ონკოლოგიური დაავადებების დიაგნოსტირებისას?

სტატისტიკურ მონაცემებზე დაყრდნობით, ჩვენს ქვეყანაში ონკოლოგიური პათოლოგიებით სიკვდილობა მეორე ადგილზეა. ამდენად, სიმსივნის ადრეული დიაგნოსტირება და მისი გამოვლენა თანამედროვე კლინიკური მედიცინის უმნიშვნელოვანესი საკითხია, მთელს მსოფლიოში.

მაგნიტურ-რეზონანსული ტომოგრაფია რადიოლოგიურ კვლევებს შორის ყველაზე ინფორმატიული მეთოდია, რომელიც ორგანიზმის მდგომარეობის შესახებ დეტალურ ინფორმაციას გვაწვდის. მრ. ტომოგრაფია გამოიყენება როგორც დიაგნოსტირების, ასევე მკურნალობის (ქირურგიული თუ არაქირურგიული) ტაქტიკის განსაზღვრისა და მკურნალობის შემდგომი მონიტორინგის მიზნით. ის საშუალებას გვაძლევს, დავადგინოთ პათოლოგიური კერის ლოკალიზაცია და ხასიათი, ანატომიური თუფუნქციური.

რა როლი აქვს მაგნიტურ-რეზონანსულ ტომოგრაფიას ონკოლოგიური დაავადებების ადრეულ დიაგნოსტირებაში?

მაგნიტურ-რეზონანსული ტომოგრაფია ონკოლოგიური დაავადებების ადრეული დიაგნოსტირების ოქროს სტანდარტად აღიარებული მეთოდია. ის საშუალებას გვაძლევს გამოვავლინოთ განსხვავება ნორმალურ და პათოლოგიურ ქსოვილებს შორის, რაც შესაძლებელს ხდის ონკოლოგიური დაავადებები, განვითარების ნებისმიერ ეტაპზე გამოვლინდეს, მაშინაც კი, როდესაც წარმონაქმნი ძალიან მცირე ზომისაა.

კვლევის რამდენად უსაფრთხო მეთოდია მაგნიტურ - რეზონანსული ტომოგრაფია?

კვლევის სხვა მეთოდებისგან განსხვავებით, რომლებიც მაიონიზირებელ გამოსხივებას (რადიაციას) იყენებენ, მაგნიტურ-რეზონანსული ტომოგრაფია მაღალი ხარისხის გამოსახულებას ძლიერი მაგნიტური ველისა და რადიოტალღების საშუალებით ქმნის - მაგნიტურ რეზონანსულ ტომოგრაფს არ აქვს რადიაცია, რაც კვლევის ამ მეთოდს სრულიად უსაფრთხოს ხდის, მათ შორის ჩვილებისა და ორსულებისთვის.

R. 

წაიკითხეთ სრულად