Baby Bag

„თუ ხარ 50+ ასაკის და ხარ მწეველი“ - ფილტვის კიბოს რისკებზე დავით გიორგაძე გვესაუბრება

„თუ ხარ 50+ ასაკის და ხარ მწეველი“ - ფილტვის კიბოს რისკებზე დავით გიორგაძე გვესაუბრება

„როდესაც ექიმთან მიდის პაციენტი, 50+ ასაკის და ამბობს, რომ დიდი ხნის სტაჟი აქვს თამბაქოს წევის ან მუშაობს მავნე პირობებში და ასახელებს გარკვეულ სიმპტომს, უპირველესად უნდა გამორიცხო სიმსივნე და მხოლოდ შემდეგ იფიქრო ფილტვის სხვა დაავადებებზე“ ​დავით გიორგაძე - თორაკალური ქირურგი, ონკოლოგი, მედიცინის დოქტორი, „ნიუ ჰოსპიტალსის“ თორაკალური ქირურგიული სამსახურის უფროსი და ონკოლოგიური კონსილიუმის ჯგუფის ხელმძღვანელი ​ფილტვის კიბოს ირგვლივ MOMSEDU.GE-ს მკითხველს ესაუბრება:

„ფილტვის კიბო სიმსივნეებს შორის ყველაზე მაღალი სიკვდილიანობით ხასიათდება. ვერაგ დაავადებას, გამორჩეული, მხოლოდ მისთვის დამახასიათებელი გამოხატულებები არ აქვს და იმ სიმპტომებით ვლინდება, რომლებიც ფილტვის ანთებით, ავტოიმუნურ ან ტუბერკულოზურ პროცესებსაც შეიძლება ახლდეს თან. ჩვენებები შესაძლოა მოიცავდეს: ხველას, სისხლიან ნახველს, სუნთქვის უკმარისობას, ტკივილს გულმკერდის არეში, ხმის ჩახლეჩას, წონის უეცარ კლებას, ძვლებისა და თავის ტკივილს.“

ზოგადი კლინიკური მანიფესტაციის გამო, ხშირად სხვა დაავადებების დიაგნოზით მკურნალობენ. შედეგად, ფილტვის კიბოს გამოვლენა პაციენტთა 60%-70% -ში არა ადრეულ სტადიაზე, არამედ მაშინ ხდება, როდესაც დაავადება უკვე შორსაა წასული. არადა დროულ დიაგნოსტირებასა და პროფესიონალთა გუნდთან მოხვედრას სასიცოცხლო მნიშვნელობა აქვს.

- ვინ შედის მაღალ რისკჯგუფში და რატომ არის აუცილებელი დაბალდოზიანი CT სკრინინგი?

დავით გიორგაძე: „მწეველი ადამიანები ფილტვის კიბოს განვითარების ყველაზე დიდი რისკის ქვეშ არიან, ასევე გასათვალისწინებელია „მავნე პროფესიები“ - მაგალითად: მღებავი, ზეინკალი, შახტებსა და საბადოებზე მომუშავე ადამიანები უნდა იყვნენ განსაკუთრებული ყურადღებით.

სკრინინგი ეს არის დაავადების გამოვლინება ადამიანების იმ პოპულაციაში, რომელთაც არავითარი განსაკუთრებული კლინიკური ჩივილი არა აქვთ და გამოკვლევაზე მიდიან თავის დაზღვევისა და ჯანმრთელობის გადამოწმების მიზნით, რაც ძალიან მნიშვნელოვანია დაავადების დროულად აღმოჩენისა და ეფექტური მკურნალობისთვის. „ნიუ ჰოსპიტალსს“ აქვს ფილტვის ​კიბოს სკრინინგის პროგრამა და მოიცავს 45-დან 70 წლამდე პაციენტებს, რომლებიც მწეველები არიან ან აქვთ პროფესიული რისკფაქტორები. მათ შეუძლიათ ფასდაკლებით ჩაიტარონ გულმკერდის კომპიუტერული ტომოგრაფია, სკრინინგული გადაღება დაბალდოზიანი კომპიუტერული ტომოგრაფიით ხდება, ნაკლები რადიოლოგიური დატვირთვით.“

იმ შემთხვევებში, როდესაც არსებობს ფილტვის კიბოს დიაგნოზის დადგენის საფუძველი, ტარდება სხვადასხვა ტესტი, რომელთა საშუალებითაც კიბოს უჯრედებზე დაკვირვება და მათი მდგომარეობის შესწავლა ხდება: რადიოლოგიური კვლევები, ნახველის ციტოლოგია, ბიოფსია (ქსოვილის ნიმუშის აღება). ფილტვის კიბოს დიაგნოსტირებისა და მისი სტადიის შესწავლის შემდეგ, ექიმმა უნდა შეიმუშაოს მკურნალობის ყველაზე შესაფერისი და ეფექტური საშუალება.

- როგორია ფილტვის კიბოს მკურნალობის გზები?

დავით გიორგაძე: „მკურნალობის სამი ძირითადი მეთოდია: ქირურგიული, სხივური თერაპია და მედიკამენტური. მედიკამენტურში შედის ქიმიოთერაპია და იმუნოთერაპია, რომელიც პაციენტებს ჩვენებებისა და სტადიის მიხედვით უტარდებათ. ადრეულ სტადიაში ქირურგიულ მკურნალობას მივმართავთ, ხოლო როდესაც დაავადება უკვე მესამე სტადიაშია, ძირითადად, მედიკამენტურ მკურნალობაზე გადავდივართ. არიან პაციენტები, რომელთაც შეიძლება სამივე მეთოდით მკურნალობა დასჭირდეთ. ბოლო პერიოდში, მკურნალობის ახალ მეთოდებს - იმუნოთერაპიასა და ტარგეტულ თერაპიას მივმართავთ, რომელთაც საკმაოდ კარგი შედეგები აქვთ, როდესაც ის წინასწარ ჩატარებული სხვადასხვა მუტაციისა და დიაგნოსტიკური მარკერის შეფასების შედეგადაა განპირობებული.“

- როგორ შეგვიძლია ფილტვის კიბოს პრევენცია?

დავით გიორგაძე: „ფილტვის კიბოს პრევენციის საუკეთესო გზა თამბაქოს მოხმარებისგან თავის შეკავებაა, ასევე მნიშვნელოვანია ჯანსაღი კვება და სუფთა გარემო. „მავნე პროფესიების“ რისკჯგუფებისთვის კი თავდაცვის საშუალებების გამოყენებაა (მაგ: აირწინაღის) აუცილებელი.

მოგეხსენებათ, ნოემბერი ფილტვის კიბოს ცნობადობის ამაღლების თვეა, რომლის ფარგლებშიც, დავით გიორგაძეს „ნიუ ჰოსპიტალსში" ექნება უფასო კონსულტაცია 19 ნოემბერს.

R. 

„მწეველის ხველა“ თუ პროგრესირებადი დაავადება? - ინტერვიუ პულმონოლოგ მირანდა ჩაგუნავასთან
სტვენის მსგავსი, ხმაურიანი და გაძნელებული სუნთქვა, ქრონიკული ხველა ნახველით, დაღლილობა და წონაში კლება - ბევრმა არ იცის, რომ ეს სიმპტომები ფილტვის ქრონიკულ ობსტრუქციულ დაავადებასთანაა დაკავშირებული, მ...

შეიძლება დაინტერესდეთ

პედაგოგები სეზონური გრიპის საწინააღმდეგო ვაქცინაციას დაქვემდებარებული ერთ-ერთი პრიორიტეტული ჯგუფი გახდა

პედაგოგები სეზონური გრიპის საწინააღმდეგო ვაქცინაციას დაქვემდებარებული ერთ-ერთი პრიორიტეტული ჯგუფი გახდა
დაავადებათა კონტროლისა და საზოგადოებრივი ჯანმრთელობის ეროვნული ცენტრი 2020 -2021 წლის სეზონური გრიპის საწინააღმდეგო ვაქცინაციას დაქვემდებარებულ რისკჯგუფების ცლილების შესახებ ინფორმაციას ავრცელებს. განცხადებაში აღნიშნულია, რომ პედაგოგები სეზონური გრიპის საწინააღმდეგო ვაქცინაციას დაქვემდებარებული ერთ-ერთი პრიორიტეტული ჯგუფი გახდა:

,,გაცნობებთ, რომ სეზონური გრიპის საწინააღმდეგო ვაქცინაციას დაქვემდებარებულ რისკჯგუფებს დაემატა კიდევ ერთი პრიორიტეტული ჯგუფი - ზოგადსაგანმანათლებლო დაწესებულების (სკოლების) პედაგოგები და 65 წლის და უფროსი ასაკის პირები;

შეხსენების მიზნით, კვლავ მოგაწვდით 2020–2021 წლის გრიპის სეზონისთვის გრიპის საწინააღმდეგო ვაქცინაციას დაქვემდებარებული რისკ-ჯგუფების და სპეციფიური პრიორიტეტული ჯგუფების ჩამონათვალს, რომელიც განისაზღვრა ჯანმრთელობის მსოფლიო ორგანიზაციის რეკომენდაციების და ქვეყანაში გრიპის და გრიპისმაგვარი დაავადებების სტატისტიკური მონაცემების საფუძველზე:

ა) სპეციფიკური ქრონიკული დარღვევების მქონე პირები:
ა.ა) ფილტვის ქრონიკული ობსტრუქციული დაავადების მქონე პირები 65 წლის და ზემოთ;
ა.ბ) გულსისხლძარღვთა სისტემის ქრონიკული დაავადებების მქონე პირები 65 წლის და ზემოთ;
ა.გ) დიაბეტის მქონე პირები;
ა.დ) დიალიზზე მყოფი პირები;
ა.ე) C ჰეპატიტის მქონე პირები (მხოლოდ მკურნალობაზე მყოფნი);
ა.ვ) აივ ინფექცია/შიდსის მქონე პირები;
ბ) სხვა პრიორიტეტული ჯგუფები:
ბ.ა) ბავშვთა (მ.შ. მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი;
ბ.ბ) ორსულები;
ბ.გ) ზოგადსაგანმანათლებლო დაწესებულებების (სკოლები) პედაგოგები;
ბ.დ) 65 წლის და უფროსი ასაკის პირები;
გ) ‘’სავალდებულო პროფილაქტიკურ იმუნიზაციას დაქვემდებარებულ საქმიანობათა ნუსხის დამტკიცების თაობაზე’’ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 22 იანვრის N 01/ - 6/ნ ბრძანებით განსაზღვრული სავალდებულო იმუნიზაციას დაქვემდებარებული პროფესიული ჯგუფები:
გ.ა.) ჯანმრთელობის დაცვის პერსონალი:
გ.ა.ა.) ექიმები;
გ.ა.ბ.) ექიმი-რეზიდენტები;
გ.ა.გ.) ექთნები (მ.შ. უმცროსი ექთნები, ექთნის თანაშემწეები);
გ.ა.დ.) საექიმო და საექთნო საქმის პროფესიული პრაქტიკის სტუდენტები;
გ.ა.ე.) ბებიაქალები;
გ.ა.ვ.) სტომატოლოგები;
გ.ა.ზ) სტომატოლოგის ასისტენტები, სტომატოლოგიის ექთნები;
გ.ა.თ) სამედიცინო დაწესებულებებში დასაქმებული სხვა პერსონალი, რომელთაც უშუალო შეხება აქვთ პაციენტებთან;
გ.ა.ი) სამედიცინო დიაგნოსტიკური ლაბორატორიის და პათოლოგანატომიური სერვისის მიმწოდებელი დაწესებულებების თანამშრომლები, რომლებსაც უშუალო შეხება აქვთ ბიოლოგიურ მასალასა და პაციენტებთან;
გ.ბ.) ვეტერინარ იასა და გარემოს დაცვის სფეროში მომუშავე პერსონალი:
გ.ბ.ა.) ფრინველებთან მომუშავე პერსონალი;
გ.ბ.ბ.) მეცხოველეობაში დასაქმებულები/ფერ მების თანამშრომლები; გ)მონადირეები;
გ.ბ.დ.) ვეტერინარები;
გ.ბ. ე) ვეტერინარული ლაბორატორიის თანამშრომლები;
გ.გ.) სხვა პროფესიული საქმიანობის ჯგუფი:
გ.გ.ა.) ადრეული სკოლამდელი აღზრდისა და განათლების დაწესებულებების მომსახურე კონტინგენტი;
გ.დ) თავდაცვის, უსაფრთხოებისა და საგანგებო სიტუაციებზე რეაგირების სამსახურის თანამშრომლები:
გ.დ.ა.) საერთაშორისო სამშვიდობო მისიაში წამსვლელი სამხედრო მოსამსახურეები;
გ.დ.ბ.) სამხედრო სავალდებულო სამსახურის სამხედრო მოსამსახურეები;
გ.დ.გ.) საწყისი საბრძოლო მომზადების (BCT) კურსზე ჩარიცხული სამხედრო მოსამსახურეები;
გ.დ.დ.) სამხედრო სამედიცინო გვარეობის საშტატო თანამდებობაზე მომაშავე სამედიცინო პერსონალი, რომელთაც უშუალო შეხება აქვთ პაციენტებთან.
გ.ე.) პენიტენციურ დაწესებულებაში მომუშავე პე რსონალი;
გ.ე.ა.) პატიმრობის დაწესებულება,
გ.ე.ბ.) თავისუფლების აღკვეთის და წესებულება,
გ.ე.გ.) ბრალდებულთა/მსჯავრდებულთა სამკურნ ალო დაწესებულება.

ზემოთ განსაზღვრული 2020-2021 წლების გრიპის სეზონურ ვაქცინაციას დაქვემდებარებული რისკის და სპეციფიური პრიორიტეტული ჯგუფების გარდა, ვაქცინაციას დაექვემდებაროს, მათი ოჯახის წევრები (უპირატესად ბავშვები).

სახელმწიფო პროგრამის ფარგლებში აცრები მიმდინარეობს სანოფი პასტერის წარმოების სეზონური გრიპის საწინააღმდეგო ვაქცინით. მწარმოებრლი ქვეყანა არის საფრანგეთი. ვაქცინის სამარკო დასახელებაა ვაქსიგრიპ ტეტრა/VAXIGRIP TETRA. მისი თვისობრივი და რაოდენობრივი შემადგენლობა სრულ შესაბამისობაშია ჯანმრთელობის მსოფლიო ორგანიზაციის მიერ რეკომენდებულ შტამურ შემადგენლობასთან. ვაქცინა არის ოთხ კომპონენტიანი.

სეზონური გრიპის საწინააღმდეგო ვაქცინაცია ხორციელდება იმუნიზაციის სერვისის მიმწოდებელ სამედიცინო დაწესებულებებში ქვეყნის მთელ ტერიტორიაზე,'' - აღნიშნულია ინფორმაციაში. 

წაიკითხეთ სრულად