გაციების რა სიმპტომების დროს არ უნდა გავუშვათ ბავშვი სკოლაში ან ბაღში?

სკოლამდელი განათლება

შემიძლია თუ არა ბაღიდან ბაღში ბავშვის გადაყვანა? - პასუხი ხშირად დასმულ კითხვაზე

4 წლის წინ

​თბილისის საბავშვო ბაგა-ბაღებში მართვის სააგენტოს ინფორმაციით, ბაღიდან ბაღში გადაყვანა, ანუ მობილობა, თბილისის ბაღებში ​არ ხდება. 

უწყების ცნობით, იმისათვის, რომ შეცვალოთ სააღმზრდელო დაწესებულება, საჭიროა მიმართოთ ბაღს, სადაც ჩარიცხულია ბავშვი და მოითხოვოთ მისი გარიცხვა ან მიბრძნდეთ ბაღების სააგენტოში და იქ დაწეროთ განცხადება ბავშვის რეგისტრაციის გაუქმების თაობაზე. მხოლოდ ამის შემდეგ შეძლებთ ბავშვის ხელახალ რეგისტრაციას.

შეგახსენებთ, რომ თბილისის საჯარო საბავშვო ბაგა-ბაღებში აღსაზრდელთა რეგისტრაციის მეორე ეტაპი 19 ივნისს დაიწყო. სააგენტოს ინფორმციით, რეგისტრაცია გაგრძელდება ადგილების შევსებამდე. ხოლო იმ აღსაზრდელების მშობლებს, რომლებიც ვერ შეძლებენ ბავშვის დარეგისტრირებას კონკრეტულ ბაღში, შესაძლებლობა ექნებათ 22 ივნისიდან ამავე ბაღში წარადგინონ განცხადება რეზერვში მოხვედრის თაობაზე. ადგილის გამოჩენის შემთხვევაში ეტაპობრივად მოხება მომლოდინეთა რეგისტრაცია.

წაიკითხეთ სრულად