პედიატრმა, თემურ მიქელაძემ ,,პირველი არხის" გადაცემაში ,,პირადი ექიმი მარი მალაზონია" ისაუბრა, თუ რა მახასიათებლები იკვეთება ეკრანდამოკიდებულ ბავშვებში და როგორ არის შესაძლებელი პრობლემის გადაჭრა.
"იმის გამო, რომ ბავშვები გახდნენ ეკრანდამოკიდებულები, გაჯეტდამოკიდებულები და მათ ჩაბნელებულ სივრცეში იყენებენ, ისინი იღვიძებენ გამოუძინებლები. ვეღარ იღებენ საკვებს. როდესაც ბავშვები school bus-ებით დადიან, განსაკუთრებით - შორ მანძილზე, გზაში თვლემენ. სწორედ ამ სიმპტომით, მეორე კვირას მოდის მშობელი შვილთან ერთად და გვეუბნება, რომ ბავშვს აქვს საერთო სისუსტე, ადვილად იღლება. ეს მოგვარებადია იმ შემთხვევაში, თუ სწორად წარვმართავთ ამ ბავშვის დღის რეჟიმს. მას არ სჭირდება განსაკუთრებული კვლევა. უმეტეს შემთხვევაში, სწორედ ბავშვები და მშობლები ამ სიმპტომებით მოგვმართავენ, რაც არის, ძირითადად, სუბიექტური ჩივილი, რომელიც შეგვიძლია, ღრმა გამოკითხვით, ელემენტარულად, მოვაგვაროთ", - აღნიშნავს თემურ მიქელაძე.
წყარო: ,,პირადი ექიმი მარი მალაზონია"
