Baby Bag

„კორონავირუსი ბავშვებისთვის ნაკლებად სახიფათოა“ - ვანკუვერის რეგიონული ჯანდაცვის ცენტრის განცხადება

„კორონავირუსი ბავშვებისთვის ნაკლებად სახიფათოა“ - ვანკუვერის რეგიონული ჯანდაცვის ცენტრის განცხადება

კორონავირუსის სწრაფი გავრცელების გამო მსოფლიო მასშტაბით დაავადებისადმი შიშები მძაფრდება. აღნიშნული ვირუსით უკვე ათასობით ადამიანი დაავადდა და 100-ზე მეტი გარდაიცვალა. მიუხედავად იმისა, რომ კორონავირუსი ხშირად ფატალურ შედეგებს იწვევს და სწრაფად ვრცელდება, კანადის საგანმანათლებლო სფეროს წარმომადგენლები მშობლებს სიმშვიდისკენ მოუწოდებენ. ვანკუვერის საგანმანათლებლო საბჭოს ინფორმაციით, აღნიშნული ვირუსი ბავშვებისთვის ნაკლებად სახიფათოა.

კანადაში კორონავირუსის არცერთი შემთხვევა ოფიციალურად არ დადასტურებულა, თუმცა მის ჩრდილოეთ ნაწილში რამდენიმე შეუძლოდ მყოფ ადამიანს უსაფრთხოების მიზნით სამედიცინო შემოწმება ჩაუტარდა. ვანკუვერის რეგიონული ჯანდაცვის ცენტრმა მშობლებს სპეციალური განცხადებით მიმართა და მათ სიმშვიდისკენ მოუწოდა. ჯანდაცვის სფეროს წარმომადგენლების თქმით, ბავშვებს დაინფიცირების საფრთხე ნაკლებად ემუქრებათ.

მართალია, კორონავირუსი ბავშვებისთვის ნაკლებ საფრთხეს წარმოადგენს, მაგრამ მიუხედავად ამისა, ვანკუვერის დაავადებათა კონტროლის ცენტრმა მშობლებს ბავშვების უსაფრთხოებაზე ზრუნვისკენ მოუწოდა. მათი თქმით, ვირუსის თავიდან აცილების მიზნით ჰიგიენის გარკვეული წესების დაცვა აუცილებელია. ბავშვებმა ხელები რეგულარულად უნდა დაიბანონ, გაციების ან გრიპის შემთხვევაში პატარები სახლში უნდა დარჩნენ, დაცემინების ან დახველების შემთხვევაში ადამიანებმა სახეზე ხელები უნდა აიფარონ, რათა ნებისმიერი სახის ვირუსული დაავადების გავრცელების თავიდან აცილება შეძლონ.

ვანკუვერის რეგიონალური ჯანდაცვის ორგანიზაცია მოსახლეობას აფრთხილებს, რომ კორონავირუსის გავრცელება ხველებით და ცემინებით ხდება, სწორედ ამიტომ, ნებისმიერი შეუძლოდ მყოფი ადამიანი, გრიპის ან გაციების მსუბუქი სიმპტომების გამოვლენის შემთხვევაშიც კი აუცილებლად სახლში უნდა დარჩეს.


კანადის სამედიცინო სფეროს წარმომადგენლების თქმით, მიუხედავად კორონავირუსის მასშტაბურად გავრცელების დაბალი ალბათობისა, ისინი დაავადების წინააღმდეგ ბრძოლისთვის მზად არიან.

მომზადებულია ​bc.ctvnews.ca-ის მიხედვით

თარგმნა ია ნაროუშვილმა

შეიძლება დაინტერესდეთ

შესაძლებელია თუ არა კოვიდ 19-ის გადატანის შემდგომ თავიდან დაინფიცირება

შესაძლებელია თუ არა კოვიდ 19-ის გადატანის შემდგომ თავიდან დაინფიცირება

შესაძლებელია თუ არა კოვიდ 19-ის გადატანის შემდგომ თავიდან დაინფიცირება, - ამ თემაზე საფრანგეთში მცხოვრები ქართველი ექიმი რევაზ ბოჭორიშვილი​ სოციალურ ქსელში წერს. გთავაზობთ მის პოსტს:

„სავსებით ბუნებრივია, რომ ყველას აინტერესებს, შესაძლებელია თუ არა კოვიდ 19-ის გადატანის შემდგომ თავიდან დაინფიცირება. საკითხში გასარკვევად ცოტაოდენი ციფრები გავიხსენოთ.

დღევანდელი მონაცემებით, მსოფლიოში კოვიდ 19-ის 66 698 498 შემთხვევაა დაფიქსირებული და რეინფიცირების მხოლოდ 15 დადასტურებული შემთხვევაა. ანუ 0.000000224892621%, რაც სტატისტიკურად უკიდურესად უმნიშვნელო მაჩვენებლად ითვლება და შეიძლება უბრალოდ დავივიწყოთ. შედარებისათვის, საფრანგეთის ანესთეზიოლოგთა საზოგადოების მონაცემებით, ზოგადი ნარკოზის დროს საერთო სიკვდილიანობის მაჩვენებელი შვიდია მილიონზე... პაციენტებს აცნობენ ამ ციფრს და არ მახსოვს, ჯერ ვინმეს ამის გამო ნარკოზზე უარი ეთქვას.
კოვიდს რაც შეეხება, ძალიან ცოტა სანდო მონაცემია თავად უიშვიათესი ფენომენის გამო. ​ბოლო პუბლიკაცია ამ საკითხზე 19 ნოემბრით თარიღდება.
ეს კვლევა ეხება ოქსფორდის საუნივერსტეტო საავადმყოფოს თანამშრომლებს, რომლებსაც სისხლის ანალიზი ჩაუტარდათ და იმუნოლოგიური სტატუსი იქნა შესწავლილი 27 მარტიდან დაწყებული 6 თვის განმავლობაში. 1246 თანამშრომელს SARS Cov-2-ის მიმართ ანტისხეულები დაუდგინდა. ეს გადატანილი დაავადების შესახებ მიუთითებდა. დეტალებში რომ არ შევიდეთ, 6 თვის თავზეც ორგანიზმის იმუნური რეაქცია შენარჩუნებული აღმოჩნდა და 6 თვის შემდგომ, არც ერთს არ აღენიშნა ახალი ინფექცია (რეინფექცია), მხოლოდ სამს დაუდგინდა კოვიდ-19-ის დადებითი PCR ტესტი ყოველგვარი სიმპტომების გარეშე.

​ეს კვლევა ასკვნის:
კოვიდ 19-ის გადატანის შემდეგ მინიმუმ 6 თვის განმავლობაში კოვიდ 19-ის საწინააღმდეგო იმუნიტეტი შენარჩუნებულია. ამავე პერიოდის განმავლობაში კლინიკურად გამოხატულ რეინფიცირებას ადგილი არ აქვს.
მდგრად იმუნიტეტზეა ასევე საუბარი საფრანგეთის ჯანდაცვის უმაღლესი ორგანოს (HAS) ​ტექსტში, რომელიც 25 ნოემბრით თარიღდება.
​„THE LANCET“-ში მოყვანილია 4 შემთხვევა რეინფიცირებისა.
ზუსტი ახსნა ამ ფენომენისა არ არსებობს, ამასთან არცერთ პაციენტს რაიმე იმუნური დეფიციტი არ აღენიშნებოდა.

​რაც შეეხება აცრის საჭიროებას ინფექციის გადატანის შემდგომ, ამის შესახებ ჯერჯერობით არანაირი სამეცნიერო მონაცემი არ არსებობს და ცალსახად პასუხის გაცემა შეუძლებელია.

​რაც მთვარია, დღევანდელი მონაცემების მიხედვით, კოვიდ-19 ის გადატანის შემდგომ მინიმუმ 6 თვის განმავლობაში ნარჩუნდება მდგრადი იმუნიტეტი და თავიდან დაინფიცირების რისკი პრაქტიკულად 0-ის ტოლია,“ - წერს ექიმი რევაზ ბოჭორიშვილი.

წაიკითხეთ სრულად