Baby Bag

„ზოგიერთი ქმედება, რასაც ადამიანები ვირუსის პრევენციის მიზნით აკეთებენ, გადაჭარბებულია და არც არის აუცილებელი“

„ზოგიერთი ქმედება, რასაც ადამიანები ვირუსის პრევენციის მიზნით აკეთებენ, გადაჭარბებულია და არც არის აუცილებელი“

„ძალიან დიდი გამოხმაურება აქვს გერმანელი მეცნიერების მიერ ჩატარებული კვლევის შედეგებს. შეგახსენებთ, რომ ამ კვლევის თანახმად, ვირუსის გადაცემა ძირითადად ახლო კონტაქტით ხდება და ზედაპირებიდან უფრო იშვიათად. ამ კვლევის გამო არ უნდა მოვადუნოთ ყურადღება ხელის და ზედაპირების ჰიგიენის მიმართ. ეს ისედაც ცხადი იყო, რომ გადაცემის ყველაზე მაღალი ალბათობა ადამიანიდან ადამიანზე პირდაპირი კონტაქტის დროს არის და ზედაპირებზე შეხებით რისკი ნაკლებია. ჩვენ ისედაც ვამბობდით, რომ ზოგიერთი ქმედება, რასაც ადამიანები ვირუსის პრევენციის მიზნით აკეთებენ (მაგალითად, სახლში მიტანილი პროდუქტის შეფუთვების დეზინფექცია, ყოველ ჯერზე ფეხსაცმლის რეცხვა და ა.შ.) გადაჭარბებულია და ვერც რეალურ შედეგს დებს და არც არის აუცილებელი. თუმცა, ზომიერების და რაციონალურობის ფარგლებში არ უნდა შევამციროთ ზედაპირების და ხელის ჰიგიენის პროცედურები და მიზეზად ეს კვლევა არ უნდა გახდეს.“

ამის შესახებ სოციალურ ქსელში ინფექციონისტი მაია ბუწაშვილი წერს.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. Მოიწონეთ გვერდი Momsedu.ge - მცოდნე დედებისთვის

შეიძლება დაინტერესდეთ

რამდენ ხანს ეყოფა ადამიანს ორჯერადი აცრის შემდეგ გამომუშავებული იმუნიტეტი? - მაია ბუწაშვილის პასუხი

რამდენ ხანს ეყოფა ადამიანს ორჯერადი აცრის შემდეგ გამომუშავებული იმუნიტეტი? - მაია ბუწაშვილის პასუხი

ინფექციონისტმა მაია ბუწაშვილმა ორჯერადი ვაქცინირებით ჩამოყალიბებული იმუნიტეტის განლევის ვადებზე ისაუბრა. მან აღნიშნა, რომ ისრაელის მაგალითზე 6-8თვის შემდეგ მოსახლეობის გარკვეულ ნაწილში იმუნიტეტის განლევა მოხდა:

„ისრაელის მაგალითი უკვე გვაქვს ჩვენ, რომ ​6-8 თვის შემდეგ მოსახლეობის გარკვეულ ნაწილში მოხდა იმუნიტეტის განლევა. მათ შესთავაზეს მესამე ბუსტერ დოზა. ამას უკავშირდებოდა ისრაელის ტალღა. ერთ-ერთი მიზეზი ეს იყო. მესამე დოზით ცრიან 6-8 თვის წინ აცრილებს, მხოლოდ მასიურად არა, აქ უფრო საუბარია ხანდაზმულებზე. ჯერჯერობით ჯანდაცვის მსოფლიო ორგანიზაციის რეკომენდაცია არ არსებობს, მაგრამ ადრე თუ გვიან ამ გადაწყვეტილებას მიიღებენ, რომ ფაიზერით აცრილებს შესთავაზებენ მესამე დოზას ექვსი-რვა თვის შემდეგ. სხვა ვაქცინებთან დაკავშირებით მყარი ინფორმაცია არ გვაქვს. დაზუსტებული ინფორმაცია, თუ რამდენ ხანს ეყოფა ადამიანს ორჯერადი აცრის შემდეგ გამომუშავებული იმუნიტეტი, ჯერ არ გვაქვს.“

მაია ბუწაშვილის თქმით, ვირუსის ყოველი შემდგომი მუტაცია წინამორბედთან შედარებით მეტად გადამდებია:

„ყოველი შემდგომი მუტაცია იმით განსხვავდება წინამორბედისგან, რომ უფრო ადვილად მრავლდება და გადაეცემა. სამწუხაროდ, ასეთ შემთხვევებში ერთი ნაბიჯით ყოველთვის წინ არის მიკროორგანიზმი თავისი გამჭრიახობით ადამიანთან შედარებით. ​ადამიანების ინფიცირება უფრო ადვილდება ყოველი შემდგომი შტამის დროს. დელტამ, სამწუხაროდ, რეკორდები მოხსნა საერთოდ.“

​ბევრი კითხვა იყო, რამდენად უფრო იწვევს ლეტალობას დელტა შტამი. საბედნიეროდ, მკაფიო განსხვავება პროგნოზებში არ შეინიშნება. რადგან უფრო გადამდებია დელტა, ის უფრო მეტ ადამიანს აზარალებს. ის სეგმენტი, რომელიც თავიდან უფრო ნაკლებად ზარალდებოდა, ახალგაზრდა ასაკის ადამიანები და ბავშვები, დელტას შემთხვევაში უფრო მეტად აღმოჩნდნენ წინა ხაზზე,“ - აღნიშნულ საკითხებზე მაია ბუწაშვილმა საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

წაიკითხეთ სრულად