სასარგებლო და გემრიელი - რატომ და რა ფორმით უნდა მივცეთ ყვავილოვანი კომბოსტო ბავშვს, - ამ თემებზე პედიატრი თამარ ობგაიძე საკუთარ ბლოგზე წერს. გთავაზობთ მის ნათქვამს სიტყვა-სიტყვით:
„სირიული კობოსტო - ასე გაიცნო ევროპამ ყვავილოვანი კომბოსტო ასწლეულების წინ, როცა აღმოსავლეთიდან ეს ბოსტნეული არაბებმა ესპანეთში შეიტანეს, იქედან კომბოსტოს ეს უცნაური ჯიში კვიპროსზე მოხვდა. ჩვენს წელთაღრიცხვამდე მრავალი წლით ადრე სწორედ კვიპროსი ითვლებოდა ევროპის ქვეყნებისათვის ყვავილოვანი კომბოსტოს უმთავრეს მიმწოდებლად, შემდეგი ქვეყანა კი, სადაც ეს ბოსტნეული მოიწონეს და კულტივირება დაიწყეს, იტალია იყო. აქედან მას უკვე მთელს მსოფლიოში ჰქონდა ხსნილი გზა. მიუხედავად იმისა, რომ ყვავილოვან კომბოსტოს თბილი კლიმატი უყვარს, ევროპის ჩრდილო რეგიონები მაინც არ დაზარალდნენ - საუკუნეთა მანძილზე სელექციონერებმა სიცივეგამძლე ჯიშებიც გამოიყვანეს.
რატომ არის სასარგებლო ყვავილოვანი კომბოსტო?
- ის ვიტამინების და მინერალების საბადოა. შეიცავს დიდი რაოდენობით C და A ვიტამინს, ამავდროულად, ყვავილოვან კომბოსტოში C ვიტამინის შემცველობა 2-ჯერ უფრო მაღალია, ვიდრე ჩვეულებრივ თეთრთავა კომბოსტოში.
- კომბოსტოს ეს სახეობა შეიცავს აგრეთვე В1, В2, РР, В6, Е ვიტამინებს, რაც აუცილბელია ბავშვის როგორც ფიზიკური, ისევე ფსიქო-მოტორული განვითარებისათვის.
- К ვიტამინი, რომელიც დიდი რაოდენობითაა ყვავილოვან კომბოსტოში, მონაწილეობს სისხლის შედედების პროცესებში.
- ყვავილოვანი კომბოსტო კალიუმის, ფოსფორის, კალციუმის საბადოა, რითაც ძვლოვანი სისტემის განვითრებას უზრუნველყოფს.
- შეიცავს რკინას, რაც აუცილებელია რკინადეფიციტური ანემიის პროფილაქტიკისათის.
- მასში საკმაო დაოდენობითაა ასევე აუცილებელი მიკროელემენტები - სპილენძი, თუთია, მანგანუმი, რომელბიც მონაწილეობენ მყარი ძვლების ფორმირებაში და წარმოადგენენ 300-ზე მეტი ფერმენტული სისტემის შემადგენელ ნაწილს.
- ყვავილოვანი კომბოსტო ფარისებრი ჯირკვლის ფუნქციონირებისათის სასარგებლო ბოსტნეულია, მის ყოველ 100 გრამში ხომ 3 მგ იოდია.
- შეიცავს დიდი რაოდენობით ცილას, რომლის მთავარი სიკეთე ისაა, რომ ადვილად აითვისება ბავშვის ორგანიზმის მიერ.
- და რაც მთავარია, ყვავილოვანი კომბოსტოს ცილა შეიცავს მეთიონინს, რომელიც შეუცველელი ამინომჟავაა, და არ სინთეზირდება ადამიანის ორგანიზმში.
- ყვავილოვანი კომბოსტოს კიდევ ერთი ღირსება საკვები ბოჭკოების შემცველობაა, რაც ხელს უწყობს კუჭ-ნაწლავის ტრატის ნორმალურ ფუნქციონირებას. ამავდროულად მისი ბოჭკოები გაცილებით უფრო ფაქიზია, ვიდრე სხვა ბოსტნეულში არსებული საკვები ბოჭკოები, რის გამოც არ აღიზიანებს ბავშვის უწიფარ კუჭ-ნაწლავს.
- შეიცავს სულფორაფანს, რომლის სიმსივნის, აგრეთვე ანთების საწინააღდმეგო ეფექტურობა დადასტურებულია მრავალრიცხოვანი კვლევებით.
როგორ ავირჩიოთ?
- გაითვალსიწინეთ, რომ ყავილოვანი კომბოსტო მაცივარში მხოლოდ 7-10 დღეს ინახება. არჩევისას ყურადღება მიაქციეთ ყვავილედებს, ისინი სრულიად თეთრი უნდა იყოს.
- თუ ამჩნევთ, რომ ყვავილედები ალაგ-ალაგ შავია, ხოლო ფოთლები არ არის ქორფა, ან სულაც არ აქვს კომბოსტოს თავს, ეს ნიშნავს, რომ ის დიდი ხნის მოკრეფილია ან არ ინახებოდა სწორად. ასეთი კომბოსტო ბავშვთა კვებისათვის უვარგისია.
როგორ მოვამზადოთ ყვავილოვანი კომბოსტოს პიურე ჩვილისთვის?
მისი საკვებ რაციონში ჩართვა 7-8 თვიდან შეგიძლიათ.
რამდენიმე ყვავილედს დაასხით მდუღარე წყალი და მოხარშეთ რამდენიმე წუთის მანძილზე დარბილებამდე. აქციეთ ერთგვაროვან მასად ბლენდერის საშუალებით, დაამატეთ დედის რძე ან ხელოვნური ნარევი გასათხელებლად და 1 ჩაის კოვზი ზეითუნის ზეთი.
ყვავილოვანი კომბოსტო შეგიძლიათ, მოამზადოთ სხვა ბოსტნეულთან და ხორცთან ერთად, კარგად ეხამება კარტოფილს, ყაბაყს, ქათმის ხორცს, ბროკოლის.
და ტრადიციულად, რჩევა თქვენი სილამაზისათვის, დედიკოებო და ბებიკოებო
პროდუქტი, რომელიც ამდენ სასარგებლო ნივთიერებას შეიცავს, აუცილებლად გამოგადგებათ სახის კანის მოვლისათვის.
აი, ჯადოსნური ნიღაბი ყვავილოვანი კომბოსტოსაგან:
ყვავილოვანი კომბოსტოს 2-3 ყვავილედი დააბლენდერეთ, დაამატეთ 1 სუფრის კოვზი არაჟანი და 1 კვერცხი გული. წაივით სახეზე თვალების არეების გარდა და ჩამოიბანეთ 20 წუთის შედმეგ. გლუვი და დატენიანებული კანი აუცილებლად მოგეწონებათ,“ - წერს პედიატრი თამარ ობგაიძე.
წაიკითხეთ სრულად
