Baby Bag

„სწორად შერჩეული კონტრაცეპტივი ჯანმრთელობისთვის აბსოლუტურად უსაფრთხოა,“ - რეპროდუქტოლოგი თეა ჩარკვიანი

რეპროდუქტოლოგი თეა ჩარკვიანი „სხვა შუადღეში“ სხვადასხვა სახის კონტრაცეპტივის და მათი გვერდითი ეფექტების შესახებ საუბრობს:

„ჩასახვის საწინააღმდეგო საშუალება მხოლოდ აბები არ არის. კონტრაცეფცია, პირველ რიგში, ჩასახვის საწინააღმდეგო ეფექტისთვის შემუშავდა. კონტრაცეფციის ბევრი საშუალება არსებობს. მათ შორის არის ორალურად მისაღები აბები, რომლებიც ასევე ძალიან განსხვავდება ერთმანეთისგან. არის კომბინირებული აბები, რომლებიც ესტროგენისა და პროგესტერონის ანალოგებს შეიცავს. არის მხოლოდ პროგესტერონის პრეპარატები. ჰორმონალური პრეპარატები, შეიძლება იყოს როგორც კანქვეშა იმპლანტის, ასევე საშვილოს ყელის ხუფების, რგოლების სახით. რგოლებს ერთთვიანი მოქმედება აქვს. მექანიკური საშუალებები ყველასთვის ფართოდ არის ცნობილი, ვგულისხმობ პრეზერვატივს. ასევე პოპულარულია საშვილოსნოს შიდა მექანიკური საშუალებები, რომელიც ასევე შეიძლება იყოს ჰორმონშემცველი. ოჯახის დაგეგმარება შეიძლება გარკვეული ფიზიოლოგიური კალენდრის გამოყენებით.“

თეა ჩარკვიანის თქმით, კონტრაცეპტივებს სამკურნალო დანიშნულებაც აქვთ:

„ორალური, ჰორმონალური კონტრაცეპტივები დაავადებების სამკურნალოდაც გამოიყენება, მაგ. პოლიკისტოზური საკვერცხეების სინდრომის დროს, ჭარბთმიანობის პრობლემებისას, ჰორმონალური დისბალანსით გამოწვეული კანის პრობლემების დროს, ენდომეტრიუმის ადენოკარცინომის პრევენციისთვის.”

„ინსულინიც ჰორმონია, მაგრამ ინსულინის არ დანიშვნა შაქრიანი დიაბეტის დროს სავალალო შედეგებს გამოიწვევს. სწორად შერჩეული კონტრაცეპტივი აბსოლუტურად უსაფრთხოა ჯანმრთელობისთვის. ჰორმონ შემცველი მედიკამენტების დანიშვნა არ არის რეკომენდებული იმ ქალებისთვის, რომლებიც მწეველები არიან.კონტრაცეპტივმა მწეველ ქალებში, შესაძლოა, ღრმა ვენების თრომბოზი გამოიწვიოს. არ არის რეკომენდებული ორალური კონტრაცეპტივების მიღება ჰიპერკოაგულაციის ან ვენების უკმარისობის მქონე ქალბატონებისთვის. ორალური კონტრაცეფცია არის ჰორმონ შემცველი კონტრაცეპტივები. მექანიკური კონტრაცეფცია ნაკლებად უკუნაჩვენებია. პრეზერვატივის ერთადერთი უკუჩვენება ლატექსის მიმართ ჰიპერმგრძნობელობაა. ამ მხრივ უსაფრთხოა სპირალიც. ის ჰორმონი, რომელსაც სპირალი გამოიმუშავებს, სისტემაში არ გადადის, მოქმედებს ადგილობრივად,“ -აღნიშნავს თეა ჩარკვიანი.

არ დაგავიწყდეთ !!!

დაემატეთ ჯგუფში საბავშვო რეცეპტები

„ძირითადად, ქალს ბრალდება, როდესაც ნაყოფი მამრობითი სქესის არ არის. ამ დროს ქალი არაფერ შუ...
​გენეტიკოსმა მაკა ჭიპაშვილმა „სხვა შუადღეში“ იმ სტერეოტიპულ დამოკიდებულებებსა და მოსაზრებებზე ისაუბრა, რომელიც საზოგადოებაში ნაყოფის სქესთან დაკავშირებით არსებობს:„ბავშვის სქესი მხოლოდ მამაკაცზეა დამო...

შეიძლება დაინტერესდეთ

„მშობელი ადრეულ ასაკში უფრო მეტ ყურადღებას აქცევს ბავშვის სწორ კვებას, შემდეგ კი დუნდება და ამ დროს იწყება არაჯანსაღი პროდუქტების დიდი რაოდენობით მიღება,“ - პედიატრი თემურ მიქელაძე

პედიატრი თემურ მიქელაძე გადაცემაში „იმედის დღე“ ჯანსაღი კვების მნიშვნელობის შესახებ საუბრობს და მშობლებს საინტერესო რჩევებს აძლევს:

„ჯანსაღი, სწორი კვება სერიოზული პრობლემაა. ბავშვებში ქრონიკული პათოლოგია, მოზარდებისგან განსხვავებით გაცილებით ნაკლებია, შესაბამისად ნებისმიერი ინფექცია, მათ შორის კორონავირუსი, მათთან უფრო მსუბუქად მიმდინარეობს. მინდა ავღნიშნო, რომ რაც უფრო ადრეული ასაკის არის ბავშვი, მით უფრო დიდ ყურადღებას აქცევს მშობელი მის კვებას, ხოლო შემდეგ კი ის მეტ-ნაკლებად დუნდება. სწორედ ამ მოდუნების პერიოდში იწყება ადვილად ასათვისებელი ნახშირწყლები, შოკოლადის ნაწარმი, უჯერი ცხიმოვანი მჟავები, მცენარეული ცხიმი, ნაჯერი ცხოველური ცხიმები, სამი წლის ასაკში ნაყინის და შოკოლადის დიდი რაოდენობით მიღება. მშობლები ვდუნდებით და ისეთ პროდუქტებს ვაძლევთ ბავშვებს, რომლებიც მათი სწორი და ჯანსაღი ცხოვრების წესს უშლის ხელს. სწორედ აქედან მოდის სიმსუქნე, მეტაბოლური დარღვევები, კარიესი, რაც დიდი რაოდენობით ტკბილი საკვების მოხმარებასთან არის დაკავშირებული. ძალიან ძნელია ამ ყველაფრის მართვა, რადგან ბავშვი მიჩვეულია არაჯანსაღ პროდუქტებს და დიდი ძალისხმევა გვიწევს, რომ მას ეს პროდუქტები ავარიდოთ.“

თემურ მიქელაძის თქმით, იმუნიტეტის ასამაღლებლად ძალიან მნიშვნელოვანია ბავშვს ეკოლოგიურად სუფთა პროდუქტები შევთავაზოთ:

„იმუნომოდულაციური და იმუნომასტიმულირებელი საშუალებები, როგორც წესი, არ არსებობს. ჯერ მსგავსი რამ კაცობრიობას არ შეუქმნია. მთავარია სწორი კვება და ცხოვრების ჯანსაღი წესი. ოქროს სტანდარტი ადრეული ასაკის ბავშვის კვებაში არის დედის რძე. ჩვენ მაქსიმალურად უნდა შევუნარჩუნოთ ბავშვს ორ წლამდე მაინც ოქროს სტანდარტი კვების, ანუ დედის რძე. შემდეგ უკვე ნებისმიერი პროდუქტი უნდა იყოს გამდიდრებული ცილებით, ცხიმებით, ნახშირწყლებით, ხორცით, მარცვლეულით, ბოსტნეულით. დაბალგანვითარებულ ქვეყნებში ნაკლებად არის საკვების პრობლემა, რადგან ისინი არ იყენებენ პესტიციდებს, სხვადასხვა მავნე მინარევს საკვები პროდუქტების შესაქმნელად. ევროპის ქვეყნებში ეკოლოგიურად სუფთა პროდუქტების მიღება საკმაოდ ძვირია. ჩვენთან სწორი საკვები პროდუქტის შეძენა საკმაოდ რთულია, ძნელია მისი მოძიება. ჩვენ მაქსიმალურად უნდა ვეცადოთ, რომ ბავშვს სწორი პროდუქტები სწორად გადავუნაწილოთ დღის განმავლობაში. ამასთან ბავშვი სუფთა ჰაერზე უნდა ვასეირნოთ, გავიყვანოთ რეკრეაციულ ზონებში. გამოვიყენოთ სოფელი, აგარაკი, რაც გვაქვს, რომ ბავშვები მომზადებული იმუნური სტატუსით შეხვდნენ ვირუსული ინფექციების სეზონს. საქართველოში გრიპის სეზონი ნოემბრის ბოლოდან დაიწყება. ჩვენთან რისკ ჯგუფებს სახელმწიფო უფასოდაც ცრის.“

„სწორი კვებითი ჩვევების გამომუშავება რთულია. მეც ვერ ვპოულობ ეკოლოგიურად სუფთა პროდუქტებს. სხვადასხვა რეგიონში მიწევს პროდუქტების შეძენა, სამეგრელოს, ქართლის და ა.შ. სწორი პროდუქტების შეძენა საკმაოდ ძვირია, არ არის მარტივად ხელმისაწვდომი.თუ გაქვთ სოფელი ან აგარაკი, მშობელმა ყველაფერი უნდა გააკეთოს, რომ ჯანსაღი პროდუქტები თავისი შვილისთვის სახლის პირობებში მოიყვანოს. მაქსიმალურად ავაცილოთ ბავშვებს ჰერბიციდები და პესტიციდები. სხვებს ვუკრძალავ შოკოლადის, ნაყინის ჭამას, მაგრამ ჩემი შვილებიც მიირთმევენ ამ საკვებს. ვცდილობ, მაქსიმალურად ავუხსნა, რატომ არ შეიძლება ამ პროდუქტების მირთმევა. სწრაფი კვების ობიექტებს მეც ვიყენებ. შეგვიძლია კვირაში ან ორ კვირაში ერთხელ შევიყვანოთ ბავშვი სხვადასხვა კვების ობიექტში, ეს არ არის კატასტროფა,“ - აღნიშნავს თემურ მიქელაძე.

წყარო:​ იმედის დღე

წაიკითხეთ სრულად