Baby Bag

ბავშვის მოვლის 5 კანონი ევგენი კომაროვსკისგან, რომელიც ბებიებს ნაკლებად მოსწონთ

ბავშვის მოვლის 5 კანონი ევგენი კომაროვსკისგან, რომელიც ბებიებს ნაკლებად მოსწონთ

ბებიები და დედები ბავშვის აღზრდის საკითხებს განსხვავებულად უდგებიან. მათ პატარების მოვლის თავისებური მეთოდები აქვთ. ბებიები დედებს ხშირად აკრიტიკებენ, როდესაც ხედავენ, რომ ისინი თანამედროვე პედიატრების რჩევებს იზიარებენ. ალბათ, არაერთხელ გსმენიათ შემდეგი გამოთქმა: „ჩვენ სხვა წესები გვქონდა, მაგრამ ჯანმრთელი შვილები გავზარდეთ!“ ექიმი კომაროვსკი ხშირად ისეთ რეკომენდაციებს გვაძლევს, რომლებიც უფროს თაობას არ მოსწონს. ბებიები თვლიან, რომ ყველასთვის ცნობილი პედიატრი მათთვის გასაოცარ რჩევებს იძლევა. ჩვენს სტატიაში ექიმი კომაროვსკის იმ რეკომენდაციებს გაგაცნობთ, რომლებიც ბებიებს ნაკლებად მოსწონთ.

1. ბავშვი არ უნდა შეფუთოთ

ექიმი კომაროვსკი მშობლებს ხშირად ურჩევს, რომ ბავშვებს მეტისმეტად თბილად არ ჩააცვან. პედიატრის რჩევით, უმჯობესია, თუ ბავშვი შენობაში ქუდს არასდროს დაიხურავს, არ ჩაიცვამს წინდებს და თბილ ტანსაცმელს. თუ თქვენი შვილი სეირნობიდან სახლში თბილი ხელებით ბრუნდება, ეს სიხარულის მიზეზს ნამდვილად არ გაძლევთ. ექიმი კომაროვსკი ბავშვის გაციების მიზეზად ცივ ამინდში გაოფლიანებას და ზედმეტად თბილად ჩაცმას ასახელებს. ბებიებს კი მტკიცედ სწამთ, რომ ბავშვის ავადმყოფობა სიცივემ გამოიწვია. უფროსი თაობის წარმომადგენლები ხშირად მშობლებისგან მალულად ბავშვებს დამატებით აცმევენ ტანსაცმელს, რაც ცნობილი პედიატრისთვის მოსაწონი ქცევა ნამდვილად არ არის.

2. ორპირი ნუ შეგაშინებთ

წყალი და მზე უფროსი თაობის წარმომადგენლებს ადამიანის მეგობრებად მიაჩიათ, თუმცა ჰაერი მათ ნაწილს ძალიან აშინებს. ბებიებს ორპირ ქარში ბავშვის გაჩერების წარმოდგენაც კი არ სურთ. ისინი თვლიან, რომ ამ შემთხვევაში ბავშვი სწრაფად გაცივდება, მას ტემპერატურა აუწევს, ყელი ეტკინება და ა.შ. ბებიები არ ეთანხმებიან ევგენი კომაროვსკის გამუდმებულ მოწოდებას სახლის განიავების შესახებ, როდესაც ბავშვი ავადმყოფობს. ცნობილ პედიატრს ორპირი ბავშვის ჯანმრთელობისთვის საფრთხის შემცველად არ მიაჩნია.

3. თბილი საფენების და შინაურული სამკურნალო საშუალებების გამოყენებას არ გირჩევთ

ექიმი კომაროვსკი აღნიშნავს, რომ ბებიები ხშირად ჩქარობენ, როდესაც ბავშვის იმუნიტეტის ამაღლების მიზნით შინაურული მეთოდების გამოყენებას იწყებენ. თუ ბავშვი ცივდება ისინი თბილ საფენებს, ინგალაციას, ჯანჯაფილის ჩაის და სხვა სამკურნალო საშუალებებს იყენებენ. უფროსი თაობის წარმომადგენლებს ძალიან ეშინიათ, რომ ექიმთან ვიზიტამდე ბავშვის მდგომარეობა უსწრაფესად გაუარესდება, რის გამოც ისინი მოქმედებას სწრაფად იწყებენ. ისინი ბავშვის წინდებს ალოეს წვენში ავლებენ, ძმარს იყენებენ ან სხვა მეთოდების გამოყენებით ცდილობენ პატარების გამოჯანმრთელებას. ექიმი კომაროვსკი მსგავსი მეთოდების გამოყენებას რეკომენდაციას არ უწევს.

4. არ დაუგდოთ ბავშვს ტემპერატურა

უფროსი თაობის წარმომადგენლები ტემპერატურის მატებისთანავე ბავშვს წამალს აძლევდნენ, როდესაც ტემპერატურა დაიწევდა, მშვიდდებოდნენ, რადგან თვლიდნენ, რომ პრობლემა მოგვარდა. ევგენი კომაროვსკის თქმით, ტემპერატურის მატებისას ორგანიზმში ისეთი ნივთიერებები გამომუშავდება, რომელიც ვირუსებს ებრძვის. ექიმი კომაროვსკის რეკომენდაციით, თუ ბავშვს ნერვული დაავადებები არ აწუხებს და ტემპერატურის ატანა შეუძლია, 38,5 გრადუსამდე მას სიცხის დამწევი არ უნდა მისცეთ. ექიმი კომაროვსკი ბავშვის ძმრითა და სპირტით დაზელვასაც ეწინააღმდეგება. ის არც პარაცეტამოლის გამოყენებას უჭერს მხარს.

5. ბავშვს საკვები არასდროს დააძალოთ

ექიმი კომაროვსკი აცხადებს, რომ თუ ბავშვს მადა არ აქვს, მას ბლინები, წვნიანი ან პიურე ძალით არ უნდა აჭამოთ. იმისთვის, რომ ბავშვმა კვება დაიწყოს, მას ინტენსიური ფიზიკური დატვირთვა და ხემსის აკრძალვა ესაჭიროება. ევგენი კომაროვსკი თვლის, რომ შეუძლოდ მყოფი ბავშვისთვის საკვების დაძალება მიუღებელია. პედიატრი აღნიშნავს, რომ მოავადე პატარებს სითხეების და მსუბუქი საკვების მიღებაც აკმაყოფილებთ. როგორც წესი, უფროსი თაობის წარმომადგენლები მის ხედვას არ იზიარებენ.

მომზადებულია ​Letidor.ru - ს მიხედვით

არ დაგავიწყდეთ !!!

დაემატეთ ჯგუფში საბავშვო რეცეპტები

თუ ბავშვი ცუდი მჭამელია - 9 რჩევა მშობლებს ევგენი კომაროვსკისგან
​უმადობა ბავშვებში საკმაოდ გავრცელებული პრობლემააა. ხშირად ბავშვის ცუდი კვებითი ჩვევები მშობლის არასწორი ქცევით არის განპირობებული. ექიმი კომაროვსკი მშობლებს საინტერესო რჩევებს აძლევს, თუ როგორ გააუმჯ...

შეიძლება დაინტერესდეთ

„არასდროს გამაძღარი არ უნდა ადგე სუფრიდან,“- ენდოკრინოლოგი ლაშა უჩავა სწორი კვების შესახებ

„არასდროს გამაძღარი არ უნდა ადგე სუფრიდან,“- ენდოკრინოლოგი ლაშა უჩავა სწორი კვების შესახებ

ენდოკრინოლოგმა ლაშა უჩავამ სწორი კვების წესების შესახებ ისაუბრა და აღნიშნა, რომ ცხელი ან ცივი ერთი და იგივე პროდუქტი ერთნაირი რაოდენობით კალორიებს შეიცავს:

„როდესაც პაციენტებს რაღაც კერძებს ვუკრძალავთ, ძირითადად სამეგრელოს რეგიონის წარმომადგენლებს ღომს, ვეუბნებით: „ღომი არ შეიძლება.“ გვეკითხებიან: „არც ცივი?“ ეს ძალიან ტიპური აღქმაა. წარმოუდგენელია, ცხელმა რაიმე კალორაჟი შემატოს პროდუქტს. განწყობით როდესაც ვჭამთ ცივ მჭადს და გვგონია, რომ არ გვასუქებს, ეს გვაბედნიერებს. შესაძლოა, 200-300 გრამი მოვიმატოთ, მაგრამ ჩვენ ხომ დარწმუნებულები ვართ, რომ ასე არაა.“

ლაშა უჩავას თქმით, ჭამა სიამოვნებაა, თუმცა მნიშვნელოვანია, რომ დღის განმავლობაში რაციონი სწორად გადავანაწილოთ:

„ჭამა არის სიამოვნება. ვერაფერს ვერ ვიტყვით. ეს ძალიან მნიშვნელოვანი სიამოვნების განცდაა. ყოველთვის, როდესაც მივირთმევთ რამეს, გვინდა, რომ ეს გავახანგრძლივოთ. როდესაც რაღაც გვინდა, ის უნდა გადმოვიღოთ, გავაფორმოთ. ​ყველაზე გადამწყვეტია, რომ არ უნდა მოგვშივდეს. უნდა გადავანაწილოთ დღის განმავლობაში რაციონი ისე, რომ შიმშილის გრძნობამ არ უნდა შეგვაწუხოს.“

„არასდროს გამაძღარი არ უნდა ადგე სუფრიდან. შეიძლება გამაძღარი ავდგეთ, მაგრამ სუფრასთან უნდა დავყოვნდეთ დიდი ხანი გამაძღარი. პანდემიის პირობებში ერთადერთი ქვეყანა იყო საფრანგეთი, სადაც სიმსუქნის თვალსაზრისით სტატისტიკური მონაცემები არ შეცვლილა,“ - აღნიშნულ საკითხზე ლაშა უჩავამ ტელეკომპანია „იმედის“ გადაცემაში „ჩვენი ოჯახი“ ისაუბრა.

წყარო: ​„ჩვენი ოჯახი“

წაიკითხეთ სრულად