Baby Bag

„თუ ბავშვი კოვიდ-19-ით დაინფიცირდა, დაავადების შემდეგ მეოთხე-მეექვსე კვირაზე ის აუცილებლად უნდა მიიყვანოთ პედიატრთან და კარდიოლოგთან,“ - კარდიოქირურგი დავით ბერიშვილი

„თუ ბავშვი კოვიდ-19-ით დაინფიცირდა, დაავადების შემდეგ მეოთხე-მეექვსე კვირაზე ის აუცილებლად უნდა მიიყვანოთ პედიატრთან და კარდიოლოგთან,“ - კარდიოქირურგი დავით ბერიშვილი

ბავშვთა კარდიოქირურგი დავით ბერიშვილი მშობლებს ურჩევს​ კოვიდ-19-ით დაინფიცირებიდან მეოთხე-მეექვსე კვირაზე ბავშვი პედიატრს და კარდიოლოგს აჩვენონ, რათა რაიმე გართულება არ გამოეპაროთ:

„პირველ რიგში, უნდა დავიცვათ ბავშვები ინფექციისგან. თუ ეს მოხდა და ბავშვი დაინფიცირდა, აუცილებლად დაავადების შემდეგ მეოთხე ან მეექვსე კვირაზე ბავშვი აუცილებლად უნდა მიიყვანოთ პედიტრთან და კარდიოლოგთან დიაგნოსტიკაზე. ბავშვი უნდა მიიყვანოთ ბავშვთა კარდიოლოგთან. რატომ უნდა მოიქცეთ ასე? სამწუხაროდ, ჩვენ ახლა ვართ იმ ეტაპზე, როდესაც ყველა ბავშვთა ექიმს ეშინია იმ შედეგების, თუ რას მოიტანს კოვიდი. იწერება და ფაქტიც არის, რომ ბავშვებს უფრო ადვილად გადააქვთ კორონავირუსი, დაახლოებით, 5-7 %-ში ვითარდება უფრო რთულად.“

დავით ბერიშვილის თქმით, კოვიდისგან გამოჯანმრთელებულ ბავშვებში მოიმატა კავასაკის დაავადების მსგავსი სინდრომის რიცხვმა:

​ბავშვებში, რომლებმაც გადაიტანეს კოვიდი, მოიმატა კავასაკის დაავადების მსგავსი სინდრომის გამოვლენის შემთხვევებმა, რომელიც გამოიხატება საკმაოდ რთულად და მძიმედ. კოვიდ გადატანილ ბავშვებთან ის ვითარდება 1-დან 5 %-მდე. სამწუხაროდ, საქართველოშიც არის აღმოჩენილი რამდენიმე ბავშვი, ჩვენც ვნახეთ ეს ჩვენს კლინიკაში.“

დავით ბერიშვილი იმ სიმპტომებს აღწერს, რომელიც კავასაკის მსგავს სინდრომს ახასიათებს:

„აღნიშნული სინდრომის ძირითადი მაჩვენებელი არის დაავადების მეოთხე-მეექვსე კვირაზე ცხელება 24-დან 72 საათამდე. ცხელება არის საკმაოდ მაღალი, 38,5-39 და მეტი, გამონაყარი, მუცლისა და გულ-მკერდის ქვედა არეში ტკივილი. ეს არის ისეთი ტკივილი, რომელმაც შეიძლება ზოგადი ქირურგი შეცდომაში შეიყვანოს. ევროპულ ქვეყნებშიც ჩატარდა დიაგნოსტიკური ლაპარპოსკოპიები, რადგან ვერ არკვევდნენ, რატომ ჰქონდა ბავშვს ტკივილი. ​ეს ვირუსი იწვევს დიდ ცვლილებებს მიკროკაპილარებში, რის შედეგადაც იცვლება ორგანოები. შესაძლოა, იყოს ენცეფალოპათია, პერიკარდიტი, რაც ყველაზე ცუდია, შესაძლოა, იყოს კარდიომიოპათიები. კარდიომიოპათიები ხშირად გამოწვეულია ვირუსებით. მე ვგულისხმობ დილატაციურ კარდიომიოპათიას, რომელიც უფრო ხშირია ბავშვებში.“

„ბავშვებში გულის მანკების გამომწვევი არის ორსულობის 5-დან 10 კვირამდე ინფექციების გადატანა. ძირითადი არის ვირუსული ინფექციები, უფრო ნაკლებად ბაქტერიოლოგიური. ​ორსულმა, შესაძლოა, არც იავადმყოფოს დიდხანს, შეიძლება 2-3 დღე სურდო ჰქონდეს ან სიცხე, მაგრამ ამ დროს ბავშვი ყალიბდება. თითო უჯრედი თუ დაზიანდა, ის იყოფა ორად, შემდეგ თითოეული ისევ ორად და გეომეტრიული პროგრესიით ყალიბდება ანომალია,“ -აცხადებს დავით ბერიშვილი.

წყარო: ​პირადი ექიმი - მარი მალაზონია

არ დაგავიწყდეთ !!!

დაემატეთ ჯგუფში საბავშვო რეცეპტები

ახალი კორონავირუსის მიმდინარეობა ბავშვებში - პედიატრი თემურ მიქელაძე
ახალი კორონავირუსის მიმდინარეობა ბავშვებში - აღნიშნულ თემაზე პედიატრი თემურ მიქელაძე საუბრობს.მისი თქმით, ბავშვებმა შეიძლება, ვირუსი საერთოდ უსიმპტომოდ გადაიტანონ:,,ბავშვებს შედარებით მსუბუქად გადააქვ...

შეიძლება დაინტერესდეთ

კარდიოლოგიის და კარდიოქირურგიის თანამედროვე ასპექტები - „ნიუ ჰოსპიტალსის“ ორგანიზებით კონფერენცია გაიმართა

კარდიოლოგიის და კარდიოქირურგიის თანამედროვე ასპექტები - „ნიუ ჰოსპიტალსის“ ორგანიზებით კონფერენცია გაიმართა

„ნიუ ჰოსპიტალსის“ ორგანიზებით სამედიცინო-კარდიოლოგიური კონფერენცია გაიმართა, რომელზეც კარდიოლოგიისა და კარდიოქირურგიის თანამედროვე ასპექტები განიხილეს. მომხსენებლებმა გულის პათოლოგიების დიაგნოსტირებისა და მკურნალობის თანამედროვე შესაძლებლობებზე ისაუბრეს.

ღონისძიება „ნიუჰოსპიტალსის“ კარდიოლოგიის მიმართულების ხელმძღვანელმა, რამაზ ბათავანმა გახსნა, მოხსენებით კი კლინიკის კარდიოლოგიის, კარდიო ქირურგიისა და არითმოლოგიის წამყვანი სპეციალისტები წარდგნენ: ზვიად მათოშვილი
ბესიკ გოგორიშვილი, თამარ ჯანაშია, ლაშა მოსიაშვილი, თამარ ნარმანია და ზაზა კაციტაძე.

„ყოველწლიურად ახალი მეთოდები და რეკომენდაციები შემოდის სამედიცინო პრაქტიკაში, კონფერენციაც თანამედროვე მიდგომებისა და გამოცდილების გაზიარებას ემსახურება. ჩვენი გუნდი ფეხდაფეხ მისდევს ევროსკოლასა და მის მიღწევებს, რაც თითოეული პაციენტის ჯანმრთელობისა და ცხოვრების ხარისხის გაუმჯობესებას ისახავს მიზნად“ - რამაზ ბათავანი, „ნიუ ჰოსპიტალსის“ კარდიოლოგიის მიმართულების ხელმძღვანელი.

„ჩემი დღევანდელი მოხსენება არითმოლოგიის მიმართულებას ეძღვნებოდა. ძირითადად ორი ასპექტი გამოვყავი, პირველი ეს გახლდათ უეცარი კარდიული სიკვდილი, რომელზეც მთელი კარდიოლოგიური გარდაცვალების ნახევარი მოდის. მაგალითად, ამ მიზეზით აშშ-ში ყოველწლიურად 350 ათასი გარდაცვალება ფიქსირდება, ქართულ სტატისტიკაზე თუ გადმოვიტანთ, ეს ნიშნავს დღეში 12 უეცარ სიკვდილს, რისკებისგან თავის არიდება კი მხოლოდ სწორი დიაგნოსტიკითა და გულში შესაბამისი მოწყობილობების იმპლანტაციითაა შესაძლებელი. რაც შეეხება თემის მეორე ნაწილს, წინაგულთა ფიბრილაციის მართვა გახლდათ, იგივე მოციმციმე არითმია, რომელიც ინსულტების განვითარების ერთ-ერთი მიზეზია - მსოფლიოში ყოველი მეოთხე ინსულტი სწორედ წინაგულთა ფიბრილაციის შედეგია. ამ დაავადებისგან სიკვდილობის შემცირება მხოლოდ დროული აბლაციით შეიძლება, ანუ არითმიის კერების მოწვით ან მოყინვით, რაც პაციენტების დიდ ნაწილს ცხოვრების ჯანმრთელი რიტმით გაგრძელების საშუალებას აძლევს. „ნიუ ჰოსპიტალსში“ არითმიების მართვის თანამედროვე ცენტრი გვაქვს, რომელიც სრულყოფილი ტექნოლოგიითაა აღჭურვილი“- ზვიად მათოშვილი, „ნიუ ჰოსპიტალსის“ არითმიების ცენტრის ხელმძღვანელი, ევროპის გულის რიტმის ასოციაციის მიერ სრულად სერტიფიცირებული სპეციალისტი. 

„ნიუ ჰოსპიტალსში“ დიდი ხანია კარდიოქირურგიული განყოფილება არსებობს, რომელიც ოპერაციების სრულ სპექტრს ატარებს. წლების განმავლობაში მრავალი წარმატებული გამოცდილება დაგვიგროვდა და კონფერენციაც ამ წარმატებული გამოცდილების კოლეგებისთვის გაზიარებას ემსახურება.

მრავალ მნიშვნელოვან საკითხთან ერთად, მოხსენებაში წარვადგინე მომუშავე გულზე ოპერაციის, შუნტირების საკითხი, რომელიც საქართველოში ჩატარებული კარდიოქირურგიული ოპერაციების 70% -ს მოიცავს. შუნტირება გაცილებით ამცირებს პაციენტის გართულებას და სწრაფად ახდენს მის რეაბილიტაციას, ასევე მნიშვნელოვნად ამცირებს ინფარქტს.

საქართველოში კარდიოლოგია და კარდიოქირურგია იმდენად მაღალ საფეხურზეა, შეიძლება ითქვას, რეგიონში ლიდერები ვართ.“ - ზაზა კაციტაძე, მედიცინის მეცნიერებათა დოქტორი, „ნიუ ჰოსპიტალსის“ კარდიოლოგიური სამსახურის უფროსი.

„ნიუ ჰოსპიტალსი“ ევროპული სტანდარტების დაცვით აშენებული, ულტრათანამედროვე ტექნოლოგიებით აღჭურვილი, მრავალპროფილური კლინიკაა, რომელიც 2011 წლიდან უმაღლესი ხარისხის სტაციონარულ და ამბულატორიულ სერვისებს სთავაზობს პაციენტებს. კარდიოლოგიური დეპარტამენტის მაღალკვალიფიციური გუნდი უახლესი აპარატურის გამოყენებით, თანამედროვე სტანდარტების შესაბამისად უზრუნველყოფს გულის დაავადებათა სრული სპექტრის დიაგნოსტირებასა და მკურნალობას.

R. 

წაიკითხეთ სრულად