Baby Bag

როგორი უნდა იყოს ჩვილ ბავშვთა და სკოლამდელი ასაკის გოგონების ჰიგიენა? - მეან-გინეკოლოგის რეკომენდაციები

როგორი უნდა იყოს ჩვილ ბავშვთა და სკოლამდელი ასაკის გოგონების ჰიგიენა? - მეან-გინეკოლოგის რეკომენდაციები

მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. დღეს მეან-გინეკოლოგი და ქირურგი ეკა ბუკია ჩვილ ბავშვთა და სკოლამდელი ასაკის გოგონების ჰიგიენაზე მოგაწვდით კომპეტენტურ ინფორმაციას. 

ახალშობილის ბავშვის დასაბანად დაგჭირდებათ შემდეგი ნივთები:

  • თბილი წყალი (და არა ცხელი)
  • ღრუბელი
  • საბავშვო საპონი (მყარი ან თხევადი)
  • მხოლოდ ბავშვისთვის განკუთვნილი სუფთა პირსახოცი
აუცილებელია შემდეგი ნორმების დაცვა:
ჩვილ ბავშვებში:

  • უპირველეს ყოვლისა, სანამ შეუდგებით ბავშის დაბანას, კარგად დაიბანეთ თქვენი ხელები
  • თქვენი ფრჩხილები მაქსიმალურად უნდა იყოს მოჭრილი, რათა არ მოხდეს ბავშვის კანის დაზიანება.
​აუცილებელია:

  • გოგონას სასქესო ორგანოების მაქსიმალური დაცვა უცხო მიკროფლორისგან (გახდა-ჩაცმისას უშუალოდ დააწვინეთ მისთვის განკუთვნილ სუფთა თეთრეულზე ან პირსახოცზე)
  • გარეგანი სასქესო ორგანოების დაბანა თბილი გამდინარე წყლით გარედან შიგნით (გარეთა სასქესო ორგანოებიდან ანუსისკენ და არა პირიქით)
  • ჩვილ ბავშვთა დაბანა სავალდებულოა დილას და ძილის წინ, ასევე ყოველი კუჭის მოქმედების შემდეგ
  • აუცილებელია ნეიტრალური PH-ის მქონე დასაბანი საშუალებების შერჩევა
  • უშუალოდ ბავშვისთვის განკუთვნილი რბილი პირსახოცი
  • სველი ხელსახოცის გამოყენება მხოლოდ აუცილებლობის შემთხვევაში. ხელსახოცი არ უნდა შეიცავდეს სპირტსა და ანტისეპტიკურ საშუალებას.
  • აუცილებელია პამპერსის გამოცვლა 2-3 საათში.
როგორ მოვიქცეთ თუ ბავშვის პამპერსი შეიცავს დიდი რაოდენობით ფეკალიებს და ეს ფეკალიები მოხვდა ბავშვის სასირცხვო ბაგეებზე?

ამ შემთხვევაში უნდა გამოვიყენოთ პამპერსის სუფთა ნაწილი გენიტალიების გასაწმენდად - წინიდან უკან ანუ გარეთა სასქესო გაბეეგიდან (თუ უკვე დასვრილია ფეკალიებით) ანუსისკენ. ამის შემდეგ სუფთა ხელებით ფრთხილად გადაუწიეთ გარეთა სასქესო ბაგეები, სუფთა ბამბის დისკით ან სველი ხელსახოცით (რომელიც არ შეიცავს სპირტსა და ანტისეპტიკს) ფრთხილად გაუწმინდეთ წინიდან უკან, ასევე სათითაოდ სასირცხვო ბაგეები. მხოლოდ ამის შემდეგ დაბანეთ ზემოთ აღნიშული რეკომენდაციის მიხედვით.

როგორია სკოლამდელი ასაკის გოგონების ჰიგიენის რეკომენდაციები?

ამ ასაკის გოგონებში მაღალია ვულვიტისა და ვულვოვაგინიტის განვითარების რისკი მათი სასქესო ორგანოების ანატომიური აგებულების გამო. კერძოდ კი:

  • სასქესო ბაგეების არასრული დახურვა უკანა ნაწილში
  • ესტროგენის დაბალი დონე ორგანიზმში
  • საშოს ნეიტრალური ან ტუტე გარემო
  • ადგილობრივად იმუნიტეტის დაქვეითება
ამიტომ:
  • ყოველდღიური ჩაბანა წარმოადგენს აუცილებლობას
  • აუცილებელია საცვლის ყოველდღიური გამოცვლა (ფიზიოლოგიური გამონადენი შარდის წვეთებთან ერთად რჩება საცვალზე, რაც იწვევს ნაზი კანის გაღიზიანებასა და ინფექციური პროცესის განვითარებას)
  • აუცილებლად ასწავლეთ გოგონას ტუალეტის ქაღალდის გამოყენება ყოველი მოშარდვის შემდეგ
  • საპნის გამოყენება დასაშვებია კვირაში 2-ჯერ
  • გოგონას უნდა ჰქონდეს ინდივიდუალური პირსახოცი
  • პირსახოცი და საცვლები უნდა გაირეცხოს ცალკე, ოჯახის სხვა წევრების ტანსაცმლისგან დამოუკიდებლად


​​დაუცველი ჰიგიენის, მოჭერილი საცვლების, უხეში ტუალეტის ქაღალდის გამოყენების გარდა, ანთებით პროცესებს ასევე იწვევს მახვილა ჭიები, რომლებიც ბუდობენ მსხვილი ნაწლავის ქვედა ნაწილში. ზოგჯერ შესაძლებელია ეს ჭიები შეძვრნენ საშოში.

ნებისმიერი ასაკის გოგონებში უნდა მივაქციოთ დროული ყურადღება შარდის ბუშტისა და კუჭ-ნაწლავის დროულ დაცლას, ვინაიდან მუდმივად გადავასებული შარდის ბუშტი და და ქრონიკული ყაბზობა (შეკრულობა) ზრდის ვულვიტის და ვულვო ვაგინიტის განვითარების რისკს.

გისურვებთ ჯანმრთელობას.

შეიძლება დაინტერესდეთ

„ქალის რძის ფერი არ განსაზღვრავს მის ცხიმიანობას და ღირებულებას, რძის გამოკვლევა არ არის საჭირო“ - მეან-გინეკოლოგი თიკო გოთუა ძუძუთი კვებაზე

„ქალის რძის ფერი არ განსაზღვრავს მის ცხიმიანობას და ღირებულებას, რძის გამოკვლევა არ არის საჭირო“ - მეან-გინეკოლოგი თიკო გოთუა ძუძუთი კვებაზე

ქალის რძე საუკეთესო, განუმეორებელი, ცოცხალი ბიოლოგიური საკვებია, რომლის შემადგენლობა ბავშვის მოთხოვნილებების შესაბამისად იცვლება. იგი უზრუნველყოფს ბავშვს ადვილად მოსანელებელი მაღალ ხარისხიან საკვებით. ჩვილის ძუძუთი კვება მოზარდის ჯანსაღი ფიზიკური განვითარების გარანტია. დედის რძე ეხმარება ჩვილს იმუნიტეტის ჩამოყალიბებაში და ამცირებს სხვადასხვა დაავადების განვითარების რისკს.

ძუძუთი კვება ასევე სასარგებლოა დედისთვის. იგი იცავს დედას მშობიარობის შემდგომი სისხლდენისაგან და ამცირებს სარძევე ჯირკვლების და საკვერცხეების სიმსივნურ დაავადებებს. ძუძუთი კვება უზრუნველყოფს დედისა და ბავშვის ფსიქო-ემოციურ კომფორტს.

​როდის უნდა დაიწყოს და რამდენ ხანს უნდა გაგრძელდეს ძუძუთი კვება?

  • ძუძუთი კვების დაწყება უნდა მოხდეს მშობიარობიდან 1 საათის განმავლობაში.
  • ძუძუთი კვება ექსკლუზიურად 6 თვის მანძილზე.
  • დამატებითი საკვების მიღება 6 თვის ასაკიდან.
  • დაბადებიდან პირველ საათში აუცილებელია ძუძუზე მიყვანა და პირველი მოჭიდება.

დედის რძე სრულფასოვანი საკვებია, მასში წარმოდგენილია ყველა სასიცოცხლო ნივთიერება: წყალი, ცილები, ცხიმები, იმუნოგლობულინი, მინერალები და სხვა.

დედის რძე:

  • ბავშვის პირველი აცრაა და ის იცავს პატარას სხვადასხვა ინფექციისაგან.
  • ადვილად მოსანელებელია.
  • უზრუნველყოფს ბავშვის სრულყოფილ ფიზიკურ და გონებრივ განვითარებას.
  • უსაფრთხო და ბიუჯეტურია.
  • ბავშვის ენის და სახის კუნთების განვითარებას უზრუნველყოფს, რასაც დიდი მნიშვნელობა აქვს მომავალში თანკბილვისა და მეტყველებისათვის.

​რა სიხშირით ვკვებოთ პატარა?

  • ბავშვი უნდა ვკვებოთ ხშირად ბავშვის მოთხოვნილებების მიხედვით. უნდა ვკვებოთ როგორც დღისით, ასევე ღამით.
  • პატარა თვითონ არეგულირებს მისაღები საკვების რაოდენობას. თვეების მატებათასთან ერთად რძის რაოდენობაც მატულობს.
  • აუცილებელია ერთი ძუძუ მთლიანად დაიცალოს, რადგან რძის ბოლო ულუფა მდიდარია ცხიმებით და ბავშვი მისი მიღებით უფრო დანაყრდება.
  • ქალის რძის ფერი არ განსაზღვრავს მის ცხიმიანობას და ღირებულებას. რძის შემადგენლობა ცვალებადია. ამგვარად, რძის გამოკვლევა არ არის საჭირო.
  • რძის პროდუქცია არ არის დამოკიდებული სარძევე ჯირკვლის ფორმაზე და ზომაზე.

ძუძუთი არასწორი კვების შემთხვევაში შესაძლოა პრობლემები გაჩნდეს: ჩხვლეტა და ტკივილი მკერდის არეში, ძუძუს გამაგრება, გადავსება, ნახეთქები და ტემპერატურის მატება. მისი მიზეზებია: ძუძუთი იშვიათი კვება, არასრული დაცლა, არასწორი მოჭიდება.

როგორ მოიქცეთ?

  • ხშირად აწოვეთ ძუძუ პატარას.
  • კვების შემდეგ რძე გამოიწველეთ.
  • სწორედ მოაჭიდეთ ბავშვის პირი ძუძუს.
  • თბილი საფენები კვების წინ, ცივი საფენები კვების შემდეგ.

ძუძუთი კვებასთან დაკავშირებული პრობლემები ჩნდება დაბადებიდან 10-14 დღის განმავლობაში. რეკომენდაციების დაცვის შემთხვევაში ადვილად გვარდება. ამას კიდევ ხელს უწყობს დედის განწყობა და მოტივაცია, რომ ძუძუთი კვებოს პატარა.

მეან-გინეკოლოგი თიკო გოთუა 

წაიკითხეთ სრულად