Baby Bag

​რა პრობლემები შეიძლება გამოიწვიოს ზედმეტმა ტკბილეულმა ბავშვებში და როგორ ჩავრთოთ რაციონში ისე, რომ ჯანმრთელობა არ დავაზიანოთ?

​რა პრობლემები შეიძლება გამოიწვიოს ზედმეტმა ტკბილეულმა ბავშვებში და როგორ ჩავრთოთ რაციონში ისე, რომ ჯანმრთელობა არ დავაზიანოთ?

რა პრობლემები შეიძლება გამოიწვიოს ზედმეტმა ტკბილეულმა ბავშვებში და როგორ ჩავრთოთ რაციონში ისე, რომ ჯანმრთელობა არ დავაზიანოთ? - ამ საკითხებზე ​MomsEdu.ge-ის ესაუბრა თსსუ-ის გივი ჟვანიას სახელობის პედიატრიის აკადემიური კლინიკის ექიმი-ენდოკრინოლოგი მარიამ ფხალაძე.

- ქალბატონო მარიამ, რა პრობლემა შეიძლება შეუქმნას ბავშვს ტკბილეულის ზედმეტმა რაოდენობამ?
- პირველი და ძირითადი პრობლემა არის ჭარბი წონა. ზედმეტი რაოდენობა მიჩვევას იწვევს და დამოკიდებულები ხდებიან, ეს კი დროთა განმავლობაში წონაზე აისახება, ხოლო ჭარბი წონა, მოგვიანებით, შესაძლოა, გადავიდეს დიაბეტში, საუბარია მეორე ტიპის დიაბეტზე.

​- როგორ უნდა ჩავრთოთ რაციონში შაქარი ისე, რომ ჯანმრთელობას ზიანი არ მივაყენოთ?

​- შედარებით პატარა ასაკის ბავშვებში უმჯობესია, უშაქრო ფაფები გამოიყენონ და თავიდანვე ჩამოუყალიბონ პირის გემო, არა ტკბილზე, არამედ სიტკბოს გარეშე სითხეებზე, მაგალითად, ჩაიზე, რძეზე, სადაც ნაკლებად გამოიყენებენ შაქარს. ასევე კარგია, თუ მოგვიანებით ასაკში, ფაფებს ხილით დაატკბობენ, ნებისმიერი სახის ხილი გაურიონ შვრიაში ან სხვა ფაფებში, თუნდაც ჩირი და ასე მიაწოდონ ბავშვს. სუფთა სახით შაქრის გამოყენება ზოგადად არ არის რეკომენდებული, ყავისფერი შაქარი კიდევ შესაძლებელია, ან შაქრის შემცვლელი მცენარეული დამატკბობელი.
- საშუალოდ, რა რაოდენობის ტკბილეული უნდა მიიღოს პატარამ დღის განმავლობაში?

​- რაოდენობა განსაზღვრული არ არის. უმჯობესი იქნება მიიღოს სუფთა, შავი შოკოლადი, რაც სასურველია კვებასთან არ იყოს კავშირში და ხემსის სახით მიიღოს.

​- რა ასაკიდან არის მიზანშეწონილი ტკბილეულის მიცემა?

​- ზოგადად, ტკბილეულის მიცემა მიზანშეწონილია 3-4 წლიდან.

​- როგორ ავიცილოთ თავიდან მისგან გამოწვეული გართულებები და როგორ უნდა მოიქცეს მშობელი?

​- გართულებების თავიდან ასაცილებლად, მაქსიმალურად უნდა შევუზღუდოთ ტბილეულის მიღება. თუ საშუალება გვექნება, საერთოდ ამოვიღოთ რაციონიდან. ხოლო თუ მივცემთ, ჩავანაცვლოთ ჯანსაღი ტკბილეულით, შავი შოკოლადის, ჩირების და მსგავსი პროდუქტების სახით. რასაკვირველია, მცირე რაოდენობით ყველაფერი მისაღებია, თუმცა ზომიერება უნდა დავიცვათ. ჭარბი წონის შემთხვევაში, რაოდენობრივად ვზღუდავთ ნახშირწყლებს. სწრაფი კვების ობიექტებში დამზადებულ საკვებს, გაზიან სასმელს საერთოდ ვიღებთ რაციონიდან, ვზრდით ფიზიკურ აქტივობას, მაქსიმალურად ვცდილობთ მივიღოთ ცილოვანი პროდუქტები, ბოსტნეული, ხილი სუფთა სახით და საღამოს შვიდი საათის შემდეგ არ არის რეკომენდირებული კვება. თუ ბავშვს ეწყება გაძლიერებული წყურვილი, შარდვა, იმატებს წონაში ან პირიქით, ძალიან სწრაფად იკლებს, ასევე თუ გაძლიერებული მოთხოვნილება აქვს ტკბილეულზე, ამ შემთხვევებში აუცილებელია ენდოკრინოლოგთან კონსულტაცია.

​ესაუბრა მარიამ ჩოქური

რას უნდა მიაქციოს ყურადღება მშობელმა, რომ არ გამოეპაროს დიაბეტის კლინიკური ნიშნები? - ინტე...
​ბოლო დროს იმატა დიაბეტით დაავადებული ბავშვების რიცხვმა. ნიშნები, რომლებიც გვაფიქრებინებს, რომ ბავშვს შაქრიანი დიაბეტი აქვს, როგორ უნდა ავარიდოთ ეს დაავადება პატარას? - ამ საკითხებზე ​MomsEdu.ge-...

შეიძლება დაინტერესდეთ

„კოვიდის გადატანიდან ექვსი თვის განმავლობაში შეიძლება ბავშვს ჰქონდეს სუბფებრილური ტემპერატურა,“ - პედიატრი ინგა მამუჩიშვილი

„კოვიდის გადატანიდან ექვსი თვის განმავლობაში შეიძლება ბავშვს ჰქონდეს სუბფებრილური ტემპერატურა,“ - პედიატრი ინგა მამუჩიშვილი

პედიატრმა ინგა მამუჩიშვილმა ომიკრონით ინფიცირებულ ბავშვებში ღებინებისა და კუჭ-ნაწლავის გახშირებული მოქმედების სიმპტომის ხშირი გამოვლენის შესახებ ისაუბრა:

„ეს სიმპტომი ძალიან ხშირია და ხშირად ვირუსული ინფექცია ამ სიმპტომით იწყება. ბავშვს ეწყება ღებინება, გახშირებული ნაწლავთა მოქმედება, თავბრუსხვევა. ჯერ ტემპერატურა არ არის. ამიტომ მშობლები მიზეზად თვლიან წინა ან იმავე დღეს მიღებულ საკვებს. გვეუბნებიან, რომ არის კვებითი ინტოქსიკაცია. თუმცა, მეორე დღეს ან რამოდენიმე საათში, შესაძლოა, დაემთხვეს ტემპერატურაც. ეს არის ამ ვირუსული ინფექციის ერთ-ერთი სიმპტომი. ეს სიმპტომი რით არის მნიშვნელოვანი? თუ ბავშვს შეუპოვარი ღებინება აქვს, თუ ბავშვი სითხეს არ იღებს, ის აუცილებლად გადაყვანილი უნდა იყოს კლინიკაში. მთავარია, ბავშვმა არ დაკარგოს ის ძირითადი მიკროელემენტები, რომელიც აუცილებელია მისი ნორმალური ფუნქციონირებისთვის. თუ ბავშვს აქვს ღებინება, მაგრამ სითხეებს იღებს, მცირე ულუფებით საკვებს იღებს, ეს ისეთივე სიმპტომია და ისევე გაივლის, როგორც ტემპერატურული რეაქცია, ხველა და ა.შ.“

„მინდა კიდევ ერთხელ გავუსვა ხაზი, რომ ომიკრონი არ არის გრიპი და გრიპიც არ არის ომიკრონი. ხშირ შემთხვევაში ომიკრონი მიმდინარეობს გრიპის კლინიკური ნიშნების მსგავსად. ძალიან რთულია განასხვავო, ეს არის ომიკრონი თუ გრიპის ვირუსი, თუ არ არის ტესტირება ჩატარებული. ბავშვთა ასაკში გრიპის მიმდინარეობა არც ისე მარტივია. ომიკრონის შემთხვევაში ჩვენ არ ვიცით რა განვითარდება, იქნება თუ არა პოსტკოვიდური სინდრომი. კოვიდის დასრულების შემდეგ გარკვეული სიმპტომები ნარჩუნდება. სუბფებრილური ტემპერატურა შეიძლება ძალიან ხანგრძლივად შენარჩუნდეს და კოვიდის გადატანიდან ექვსი თვის განმავლობაშიც შეიძლება ჰქონდეს ბავშვს. შეიძლება იყოს წამოხველება, თავბრუსხვევა,“- აღნიშნულ საკითხზე ინგა მამუჩიშვილმა რადიო „ფორტუნას“ ეთერში ისაუბრა.

წყარო: ​რადიო „ფორტუნა“

წაიკითხეთ სრულად