Baby Bag

დღიურად დაახლოებით 3 ფინჯანი ყავა დადებით ზეგავლენას ახდენს მეტაბოლიზმზე - ექიმი გირჩევთ პროდუქტებს, რომლებიც მეტაბოლიზმს აჩქარებს

დღიურად დაახლოებით 3 ფინჯანი ყავა დადებით ზეგავლენას ახდენს მეტაბოლიზმზე - ექიმი გირჩევთ პროდუქტებს, რომლებიც მეტაბოლიზმს აჩქარებს

მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. „ტოპ“ პროდუქტები, რომლებიც მეტაბოლიზმზე ახდენენ დადებით გავლენას - ამჯერად ამ თემაზე მოგაწვდით კომპეტენტურ ინფორმაციას ენდოკრინოლოგ-ნუტრიციოლოგი თინათინ კაჭარავა.

​წინა რუბრიკის შემდეგ ბევრი წერილი მივიღეთ, რომ კონკრეტულად ჩამოგვეთვალა პროდუქტები, რომლებიც მეტაბოლიზმის აჩქარებაში დადებით როლს თამაშობენ.

თუმცა დასაწყისში განვიხილოთ, რა ახდენს გავლენას ჩვენი მეტაბოლიზმის სიჩქარეზე?
ესენია:

  • გენეტიკა - კალორიებს, რომელსაც დღეში წვავთ, ძირითადად განსაზღვრავს ჩვენი გენეტიკა.
  • ასაკი - მეტაბოლიზმის სიჩქარე მცირდება ყოველი ათი წლის განმავლობაში 2%-ით.
  • სქესი - მამაკაცებს უფრო სწრაფი მეტაბოლიზმი აქვთ, ვიდრე ქალებს.
  • სიმაღლე - მაღალ ადამიანებს უფრო სწრაფი მეტაბოლიზმი აქვთ, ვიდრე დაბალ ადამიანებს.
  • სხეულის აგებულება - თქვენი მეტაბოლური სიჩქარე უფრო მაღალი იქნება, თუ მეტი კუნთი და ნაკლები ცხიმი გაქვთ.
  • დიეტა - გრძელვადიანმა დაბალკალორიულმა დიეტებმა შეიძლება, მნიშვნელოვნად შეამციროს თქვენი მეტაბოლური სიჩქარე. ასე რომ, ექსტრემალურმა დიეტამ შეიძლება რეალურად თქვენ წინააღმდეგ იმუშაოს.

​მუდამ გვახსოვდეს, რომ როდესაც ე.წ. ზოგად მაჩვენებლებს ვთვლით, აქ ყოველთვის იგულისხმება პრაქტიკულად ჯანმრთელი ადამიანი.

​ახლა კი ჩამოვთვალოთ რამდენიმე „ტოპ“ პროდუქტი, რომლებიც მეტაბოლიზმზე დადებით გავლენას ახდენს:

  • წყალი - უმთავრესია  მეტაბოლიზმის სწორად ფუნქციონირებისთვის!
  • კოფეინი - ზრდის მეტაბოლიზმის სიჩქარეს. დღიურად დაახლოებით 3 ფინჯანი ყავა დადებით ზეგავლენას ახდენს მეტაბოლიზმზე.
  • მწვანე ჩაი - სხვადასხვა კვლევით დადასტურებულია, რომ ის ზრდის მეტაბოლიზმის სიჩქარეს.
  • ციტრუსები (კივი, ფორთოხალი, ლიმონი, გრეიფუტი) და კეკნროვანი ხილი (ჟოლო, მოცვი, მარწყვი) - ისინი არამარტო ვიტამინებით მდიდარი პროდუქტებია, არამედ არიან ანტიოქსიდანტები და მეტაბოლიზმის აჩქარებაშიც მონაწილეობენ.
  • ჯანჯაფილი (კოჭა) - მას აქვს დადებითი გავლენა მეტაბოლიზმზე. შეგიძლიათ დაუმატოთ საკვებს ან ჩაის. მას დაახლოებით 20%-ით შეუძლია გაზარდოს მეტაბოლიზმის სიჩქარე.

​გისურვებთ ჯანმრთელობას! 

-qs-არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფ​ი“)-qe

ვიტამინები და მინერალები, რომლებიც მეტაბოლიზმს აჩქარებენ - რა პროდუქტები მივიღოთ?
დღეს სამშაბათია და მედიაპორტალი ​MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. ვიტამინები და მინერალები, რომლებიც მეტაბოლიზმს აჩქარებენ - ამჯერად ამ თ...

შეიძლება დაინტერესდეთ

პროდუქტების სია, რომელიც დაბერებას უშლის ხელს - როგორ ვიკვებოთ 40 წლიდან?

პროდუქტების სია, რომელიც დაბერებას უშლის ხელს - როგორ ვიკვებოთ 40 წლიდან?

როგორ ვიკვებოთ 40 წლიდან? - ამ თემაზე „დილა მშვიდობისა საქართველოს“ პირდაპირ ეთერში დიეტოლოგმა ნატალია გოგავამ ისაუბრა.

„ჯანმრთელობისთვის ჩვენს ორგანიზმს ესაჭიროება მთელი რიგი ნუტრიენტები, საჭირო რაოდენობით. თუ კვება იქნება სწორი, დაბალანსებული და მრავალფეროვანი ჩვენ ამ ამოცანას შევასრულებთ. როდესაც ეს პროცესი მწყობრშია, შესაბამისად, დაბერების პროცესიც ნელდება. სხვადასხვა დაავადებისგან და დროული ან ნაადრევი სიბერისგან თავდაცვის მიზნით ჩვენ გვჭირდება ნივთიერებები, რომლებსაც ორ ან მაქსიმუმ სამ ჯგუფად დავყოფ:

  1. ანტიოქსიდანტები - ნივთიერებები, როგორიცაა A,E,C ვიტამინები, ბეტა - კაროტინი, თუთია, ლიკოპინი. მათი მთავარი ამოცანაა ორგანიზმის თითოეული უჯრედი დაიცვან მავნე რადიკალების ზემოქმედებისგან;
  2. არანაჯერი ცხიმ-მჟავები - განსაკუთრებით ომეგა 3.
  3. ნივთიერებები, რომლებიც აფერხებენ კოლაგენის გლიკაციის პროცესს. მოგეხსენებათ, რომ კოლაგენი არის ჩვენი კანის მთავარი სტრუქტურა, რომელიც უნარჩუნებს ფორმას, სიმკვრივეს, ელასტიკურობას, ფერს. ამ პროცესის შეფერხების შემდეგ კოლაგენი კარგავს ამ თვისებებს, შესაბამისად, ჩვენი კანი ნაკლებად მკვრივი ხდება.

პროდუქტების არჩევანი საკმაოდ დიდი გვაქვს, თუმცა, მთავარია როგორ არის მოყვანილი, რამდენად ვარგისიანია და ბევრი სხვა დეტალი. არ შემიძლია არ აღვნიშნო პომიდორი, რომელიც შეიცავს ლიკოპინს. ლიკოპინი არის ნივთიერება, რომელიც ებრძვის ულტრაიისფერ გამოსხივებას, რაც ხელს უწყობს ჩვენი კანის სიჯანსაღეს და ახალგაზრდობას. ლიკოპინი არ იშლება თერმული დაზიანების დროს და პირიქით, უკეთესადაც კი ხდება მისი ათვისება. თუ ადამიანს პრობლემა არ აქვს ნაღვლის ბუშტზე, პომიდორის მიღება შეუძლია კანით, როგორც ცოცხლად, ასევე, გამომცხვარი. ლიკოპინს გააჩნია კიდევ ერთი ძალიან კარგი თვისება, ის ამცირებს თრომბების წარმოქმნის რისკს, ამკვრივებს ჩვენი სისხლძარღვების კედლებს, ქოლესტერინის დონეს დაბლა წევს. რადგან ლიკოპინზე ვსაუბრობთ, აუცილებელია ვახსენოთ წითელი ბულგარული წიწაკა. წითელი ბულგარული წიწაკაც შეიცავს დიდი რაოდენობით ლიკოპინს და ასევე, ბეტა-კარატინოიდებს, რომელიც ებრძვის დაბერებას;

კომბოსტო - მას აქვს ბევრი დადებითი თვისება, C ვიტამინის და კალცის მაღალი დონე. განსაკუთრებით სასარგებლოა ბროკოლი, რომელიც ყველა სხვა კომბოსტოსგან განსხვავებით E ვიტამინსაც შეიცავს ( უმიც დასაშვებია და ოდნავ თერმულად დამუშავებულიც - არ უნდა იყოს ძალიან გადახარშული, დადებითი თვისებების შესანარჩუნებლად). ისპანახი, ოხრახუში (აკავებს კალცს, ებრძვის შეშუპებას, შეიცავს დიდი რაოდენობით ანტიოქსიდანტებს, შეიცავს უჯრედისს, რაც მნიშვნელოვანია ჩვენი ნაწლავების მიკროფლორისთვის);

კაკაო და შავი შოკოლადი - განსაკუთრებულ ნივთიერებებს შეიცავს, ებრძვის ანთებით პროცესებს, აფერხებს ზოგიერთი სახეობის სიმსივნის განვითარებას. თუმცა, ზომიერება არ უნდა დაგვავიწყდეს. შოკოლადის მიღების დროს, ორგანიზმში გამოიყოფა ენდორფინები, ამიტომ ხშირად სტრესის დროს ვიღებთ ხოლმე.

თხილეული და სხვადასხვა სახის თესლი - ჯანსაღი ცხიმის შემცველი პროდუქტები. ომეგა 3-ის შემცველობით პირველ ადგილზეა სელის თესლი, რომელიც შეიცავს კალიუმს, მაგნიუმს, B ჯგუფის ვიტამინებს, უჯრედისს, ამცირებს ქოლესტერინის დონეს სისხლში, სასარგებლოა საჭმლის მონელებისთვის. გოგრის თესლი - მის შემადგენლობაშია ისეთი ნივთიერებები, რომლებიც ებრძვის სიმსივნეს. ნუში - ჯანსაღი ცხიმების შემცველობასთან ერთად, ცილის წყაროა და ამასთან, შეიცავს დიდი რაოდენობით მაგნიუმს.

ჯანსაღი ცხიმის შემცველ პროდუქტებს დავამატოთ - ზეითუნის ზეთი, ცხიმიანი თევზი (ქაშაყი, სარდინები, სკუმბრია, ორაგული).

ანტიოქსიდანტები - კენკრა (ჟოლო, მოცვი, მარწყვი, შტოში); სხვადასხვა მწვანილი(სალათის ფურცელი, რუკოლა, აისბერგი).

მთავარია, ჩვენი კვება იყოს დაბალანსებული და მრავალფეროვანი, სხვადასხვა ელემენტით და ნივთიერებით'' - აღნიშნა დიეტოლოგმა ნატალია გოგავამ. 

წყარო: ​,,დილა მშვიდობისა საქართველო''

წაიკითხეთ სრულად