ახალშობილის მუცელზე დროებით გადმობრუნების 3 სარგებელი (Tummy Time) და როგორ უნდა მოხდეს ეს უსაფრთხოდ? - ამის შესახებ სოციალურ ქსელში ექიმი ზაზა თელია წერს. გთავაზობთ მის პოსტს:
ჩვილები დიდ დროს ატარებენ ზურგზე მწოლიარე მდგომარეობაში, თუმცა ზოგჯერ ცოტა ხნით მათი მუცელზე გადმობრუნება თამაშობს მნიშვნელოვან როლს მათი განვითარებისთვის.
შეხედეთ ამ საკითხს როგორც - ეს არის ბავშვის პირველი ვარჯიში.
მას აქვს სამი სარგებელი:
1. ხელს უწყობს მოტორული უნარ-ჩვევების განვითარებას
როდესაც ჩვილები მუცელზე მწოლიარე მდგომარეობაში გარკვეულ პერიოდს ატარებენ, ხდება კუნთების განვითარება, რაც მათ აძლევს თავის აწევის, გვერდზე გადაბრუნების, ცოცვის საშუალებას.
ამ დროს ხდება ტორსის კუნთების ძალის განვითარება, ასევე ზურგის, კისრის და მხრის კუნთების ძალის განვითარება.
კვლევებით დადგინდა, რომ ჩვილები, რომლებიც არ ატარებენ გარკვეულ დროს მუცელზე მწოლიარე პოზიციაში, აქვთ დაგვიანებული მოტორული განვითარების მომატებული რისკი.
2. მცირდება თავის ქალას დეფორმაციის რისკი
ჩვილები, რომლებიც ატარებენ დიდ დროს ზურგზე მწოლიარე პოზიციაში, შეიძლება განუვითარდეთ ბრტყელი თავის სინდრომი ან პოზიციური პლაგიოცეფალია (არ არის საშიში და პერმანენტული).
თუმცა სხვა სახის პლაგიოცეფალიები საჭიროებს აუცილებელ ყურადღებას, ამიტომ თუ ჩვილის თავზე შეამჩნევთ ბრტყელ ადგილს აუცილებლად მიმართეთ პედიატრს.
3. ხელს უწყობს სენსორულ განვითარებას
მუცელზე მწოლიარე მდგომარეობაში ყოფნა ბავშვს აძლევს საშუალებას, გამოსცადოს სხეულის სხვადასხვა პოზიცია და მოძრაობა, სხვადასხვა თვალთახედვა და სამყაროს შეგრძნობა. ასევე ეხმარება ვესტიბულური სისტემის განვითარებას იმის ხარჯზე, თუ როგორ ხდება ამ პოზიციაში ხელების და ფეხების მოძრაობა.
როდის შეიძლება დაწყებულ იქნას მუცელზე დროებით გადმობრუნება ( Tummy Time)?
ამერიკის პედიატრთა ასოციაციის რეკომენდაციით, ის შეიძლება დაწყებულ იქნას პირველივე დღეს ჩვილის სამშობიაროდან სახლში მიყვანისას.
დაიწყეთ მოკლე პერიოდებით, მყარ ზედაპირზე რამდენიმე წუთით, დღეში რამდენჯერმე.
თავიდან ეს ბავშვს შეიძლება არ მოეწონოს. გადმოაბრუნეთ, როგორც კი „ფაციფუცს“ დაიწყებს, მაგრამ დროთა განმავლობაში ბავშვი მოძლიერდება, უფრო დიდხანს შეძლებს მუცელზე ყოფნას და მოეწონება.
ამის შემდეგ თქვენ უკვე შეგიძლიათ მთლიანი საათის განმავლობაში ამყოფოთ ჩვილი ამ პოზიციაში ყოველდღიურად.
რა უნდა გავაკეთოთ თუ ბავშვი ამ შემთხვევაში ტირის?
თუ ბავშვს არ მოსწონს და იწყებს ტირილს, ეცადეთ მუცელზე გადმობრუნებისთვის აირჩიოთ დრო - დილით ადრე გაღვიძებისას ან საფენის გამოცვლის შემდგომ. ეს არ უნდა იყოს უარყოფითი გამოცდილება მათთვის. ასევე შეგიძლიათ დახვეული პირსახოცი ამოუდოთ ტორსის ქვეშ, რაც ზოგჯერ ეხმარება მათ.
აუცილებელია არ მოვადუნოთ ყურადღება
დაიმახსოვრეთ!
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
რა არის ჩვილთა უეცარი სიკვდილის სინდრომი?
რა არის ჩვილთა უეცარი სიკვდილის სინდრომი, - ამის შესახებ პედიატრი თამარ ობგაიძე წერს. გთავაზობთ მის ნათქვამს სიიტყვა-სიტყვით:ყოველწლიურად აშშ-ში დაახლოებით 3 500 ბავშვი კვდება უეცრად, ყოვე...
