Baby Bag

გაციების დროს რა უნდა გააკეთოთ და რა - არა

გაციების დროს რა უნდა გააკეთოთ და რა - არა

გაციების დროს რა უნდა გააკეთოთ და რა - არა! - თემაზე ექიმი რეზიდენტი გიორგი ღოღობერიძე საუბრობს. 

მისი თქმით, გაციება ამ ბოლო დროს პრობლემად იქცა, რადგან ზოგიერთს ჰგონია, რომ კორონა ვირუსი აქვს. ვიდეოში ექიმი რეზიდენტი საუბრობს კონკრეტულად გაციების დროს რა უნდა გააკეთოს ადამიანმა და რა არ უნდა გააკეთოს:

,,გაციება ეს არის დაავადება, რომლის დროსაც ხდება ცხვირის და ხახის ლორწოვანი გარსების ანთება, მას ვირუსული ნაზოფარინგიტი ჰქვია და მას იწვევს 200-ზე მეტი ვირუსი. თუმცა ყველაზე ხშირია რინოვირუსი. თუ ამ ვირუსით დაავადებულს შეხვდებით, ხელს ჩამოართმევთ, დაეკონტაქტებით, ორ დღეში დაიწყება სიმტომები. მისი სიმპტომებია - სურდო, ვერ სუნთქავთ ცხვირით და იცვლება ხმაც, ყელის ტკივილი, შეიძლება იყოს ხველა და ასევე ცემინება. ეს არის კლასიკური გაციება,'' - აღნიშნავს გიორგი ღოღობერიძე. 

ექიმი ასევე გასწავლით, თუ როგორ ებრძოლოთ გაციებას:

,,თუ ვინმეს შეხვდებით, ვინც გაციებულია, ეგრევე ხელები დაიბანეთ. ხელების დაბანით თავს დაიცავთ - ეს არის პირველი რჩევა. თუ მაინც დაინფიცირდით და შემაწუხებელი სიცხე გაქვთ, არსებობს ორი მედიკამენტი: იბუპროფენი და აცეტამინოფენი, იგივე პარაცეტამოლი. გაციების დროს ყველაზე კარგად იბუპროფენი მუშაობს. პარაცეტამოლის ეფექტი გაციების დროს არ ვიცით როგორია, ამიტომ სჯობს იბუპროფენი მიიღოთ. მეორე რჩევაა, არ გამოიყენოთ ხველის საწინააღმდეგო საშუალებები, ეს ფულის ტყუილად ხარჯვაა. ამას განსაკუთრებით ვეუბნები მშობლებს, მით უმეტეს 6 წლამდე ბავშვებს ნუ დაალევინებთ ხველის საწინააღმდეგო წამლებს, რადგან გაციების დროს მათი სარგებელი და რისკები არ არის ერთმანეთთან ბალანსში. ზოგიერთი იყენებს ასევე ცხვირის საშუალებებს, რაც სურდოს ხსნის, მაგრამ მათი ეფექტურობაც გაციების შემთხვევაში ძალიან დაბალია. ყველაზე ეფექტურია გაციების დროს თუთია. გაციების ნიშნების დაწყებიდან პირველ 24 საათში თუ მიიღებთ თუთიას, პირველი - შემცირდება დაავადების სიმძიმე, მეორე შემცირდება დაავადების ხანგრძლივობა, მესამე - შეიძლება აღარც დაგჭირდეთ სხვა მედიკამენტები, რადგან მდგომარეობიდან უფრო სწრაფად გამოხვალთ. არ დალიოთ კატეგორიულად ანტიბიოტიკები. თუთიის ეფექტურობა თუ გინდათ დაინახოთ, მაშინ დოზა სწორად უნდა შეარჩიოთ. გაციების დროს თუთია უნდა იყოს გამოყენებული 50-იდან 75 მილიგრამამდე,'' - დასძენს გიორგი ღოღობერიძე. 

რაც შეეხება C ვიტამინს, იგი გაციების ხანგრძლივობას ცოტათი ამცირებს, თუმცა სიმძიმეს არ ცვლის. ამიტომ C ვიტამინზე ეფექტური თუთიაა. D ვიტამინის როლი კი არ არის ცნობილი. 

ნახეთ ვიდეო ☝️

წყარო: Usmle 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

უახლესი კვლევის შედეგები: ბავშვების 50%-ს სპორტული უნარების მნიშვნელოვანი დეფიციტი აქვს

უახლესი კვლევის შედეგები: ბავშვების 50%-ს სპორტული უნარების მნიშვნელოვანი დეფიციტი აქვს
უახლესი კვლევების თანახმად, ყოველწლიურად მატულობს იმ სკოლის მოსწავლეების რიცხვი, რომლებსაც სპორტული უნარები ნაკლებად აქვთ განვითარებული. როგორც წესი, მოზარდებს სირბილი უძნელდებათ, მათ ბურთის ხელით ან ფეხით სროლაც უჭირთ და ნებისმიერი ფიზიკური აქტივობის შესრულებისას გარკვეულ სირთულეებს აწყდებიან.

ბავშვებში ჭარბწონიანობის წინააღმდეგ ბრძოლის ახალი სტრატეგიების შემუშავების პარალელურად, პატარების სპორტული უნარების შეფასება და კვლევა აქტიურად მიმდინარეობს. როგორც აღმოჩნდა, 5-დან 12 წლამდე ასაკის ყოველი ოთხი ბავშვიდან ერთს ნორმალურად სირბილი არ შეუძლია, ყოველი ორი ბავშვიდან ერთს კი ბურთის ფეხით სროლა უძნელდება, ხოლო ყოველი ხუთი ბავშვიდან ერთი ბურთის სროლას ხელითაც ვერ ახერხებს.

დუბლინის უნივერსიტეტის მკვლევარებმა აღმოაჩინეს, რომ მოძრაობის ბაზისური უნარების (სირბილი, ხტუნვა, დარტყმა) განვითარება 10 წლის ასაკიდან გარკვეულ შეფერხებებს განიცდის. 2000 ბავშვზე დაკვირვების შედეგად დადგინდა, რომ პატარებს მოძრაობის ფუნდამენტური უნარები ნაკლებად აქვთ განვითარებული. აღნიშნული უნარების სათანადოდ განვითარების გარეშე ფიზიკური აქტივობების სრულფასოვნად განხორციელება შეუძლებელია.

კვლევაში მონაწილე ბავშვებს სხვადასხვა სპორტულ აქტივობაში ჩართვა და საკუთარი შესაძლებლობების ჩვენება ევალებოდათ. მოტორული უნარების შესაფასებლად მკვლევარები ბავშვებს ხტუნვას, ცოცვას, ცეკვას, სირბილს და სხვა სახის მოძრაობების შესრულებას ავალებდნენ.

სხეულისა და მოძრაობის კონტროლის უნარის შესაფასებლად კი ბავშვებს ბურთის დაჭერა, დრიბლინგი და წრეზე სირბილი ევალებოდათ. კვლევაში მონაწილე მოსწავლეებს ვერტიკალურად ხტუნვასაც ავალებდნენ, რათა შეემოწმებინათ, რამდენად ჰქონდათ მათ ბალანსირებული მოძრაობის შესრულების უნარი.

მოძრაობის ბაზისური უნარები ბავშვებს 8 წლის ასაკში განვითარებული უნდა ჰქონდეთ, თუმცა, როგორც კვლევამ აჩვენა, აღნიშნული უნარების განვითარებას ბავშვები 10 წლის ასაკშიც კი ვერ ახერხებენ. მკვლევარები თვლიან, რომ კვლევის შედეგები საგანგაშოა და აღნიშნული პრობლემის გადასალახად გარკვეული ზომების მიღება აუცილებელია. თუ ბავშვები მოძრაობის ფუნდამენტურ უნარებს დროულად ვერ განივითარებენ, მათ სპორტულ აქტივობებში ჩართვის სურვილი აღარ გაუჩნდებათ.

კვლევამ ასევე აჩვენა, რომ მოტორული უნარების განვითარების მხრივ ბიჭები და გოგონები ერთმანეთისგან მნიშვნელოვნად განსხვავდებიან. ბურთის სროლისა და დაჭერის უნარები ბიჭებს უფრო განვითარებული აქვთ, ვიდრე გოგონებს, ამასთან გოგონები სხეულის კონტროლს და ბალანსის შენარჩუნებას უკეთ ახერხებენ, ვიდრე ბიჭები.

„ბავშვებს, რომლებსაც ბაზისური სპორტული უნარები არ აქვს განვითარებული, ვერ მოვთხოვთ სერიოზული სპორტული აქტივობებით დაკავებას. თუ მათ მოძრაობის ფუნდამენტური უნარების განვითარებაში არ დავეხმარებით, ისინი ფიზიკური აქტივობებით დაკავებას ნაკლებად მოისურვებენ. მათ თავდაჯერება არ ეყოფათ, რომ ახალი აღმოჩენები გააკეთონ და სპორტით სერიოზულად დაინტერესდნენ.“ - ნათქვამია კვლევის ორგანიზატორების ოფიციალურ განცხადებაში.

მკვლევარები თვლიან, რომ ბავშვებში ჭარბწონიანობის და ფიზიკური აქტივობებისადმი გულგრილობის პრობლემის აღმოფხვრა მათი მოძრაობის უნარების სრულფასოვნად განვითარების გარეშე შეუძლებელია. მათი თქმით, ბავშვებს სპორტის შესახებ მეტი ინფორმაცია უნდა მივაწოდოთ და ცნობიერების ამაღლებაში დავეხმაროთ. მკვლევარების აზრით, აუცილებელია, რომ ჩვენს შვილებს ჯანსაღი და აქტიური ცხოვრების წესისკენ მოვუწოდებდეთ, რაც მათ ჯანმრთელობაზე დადებითად აისახება. მათი თქმით, კვლევის შედეგები საყურადღებოა და ბავშვების სპორტული უნარების განვითარებაზე ზრუნვა დროულად უნდა დავიწყოთ. 

მომზადებულია irishexaminer.com-ის მიხედვით

თაგმნა ია ნაროუშვილმა 

წაიკითხეთ სრულად