Baby Bag

„თუ ეს საშუალება იყო გამოყენებული თქვენი მკურნალობისთვის, 90 დღის განმავლობაში არ არის მიზანშეწონილი ვაქცინაცია,“ - მარი მალაზონია

„თუ ეს საშუალება იყო გამოყენებული თქვენი მკურნალობისთვის, 90 დღის განმავლობაში არ არის მიზანშეწონილი ვაქცინაცია,“ - მარი მალაზონია

ნუტრიციოლოგმა მარი მალაზონიამ საზოგადოებას ამერიკის დაავადებათა კონტროლის ცენტრის რეკომენდაციები გააცნო. აღნიშნული რეკომენდაციების თანახმად, განსაზღვრულია სპეციალური ჯგუფები, რომელთაც კონკრეტული დროის შუალედში ვაქცინაციის ჩატარებისგან თავი უნდა შეიკავონ:

„საგანგებოდ არის გამოყოფილი შემდეგი რეკომენდაცია, თუ როდის არ უნდა აიცრან პირები. მითითებულია, რომ თუ პირველი აცრის მერე იყო ანაფილაქსიური რეაქციის შემთხვევა, ეს ადამიანი თავისი ნებით არ მიდის მეორედ ასაცრელად. აუცილებლად მხოლოდ ექიმთან შეთანხმებით და ექიმის გადაწყვეტილებით, ​ყველა პარამეტრის შეფასების შემდეგ ხდება აცრა.“

ამერიკის დაავადებათა კონტროლის ცენტრის რეკომენდაციით, კარანტინში მყოფი პირებისთვის აცრა არ შეიძლება:

„ეს ინფორმაცია, რომელსაც ახლა მე თქვენ გეტყვით, ეხება ყველას. თუ პირი იმყოფება კარანტინში, ამ პირის აცრა არ შეიძლება. კარანტინში იმყოფებით, არ დაგიდასტურდათ ვირუსი და შეიძლება თუ არა აიცრათ? ვიდრე არ დადასტურდება ნამდვილად, რომ არ გაქვთ ვირუსი, ვიდრე არ გაივლით კარანტინის ვადას, ნუ დარეგისტრირდებით. აუცილებლად დაელოდეთ ამ მომენტს. ის პირები, რომლებსაც ჰქონდათ საეჭვო კონტაქტი და ჯერ არ აქვთ დადასტურებული დაავადება, ამ პირების აცრაც არ არის მიზანშეწონილი.“

„რაც ყველაზე საინტერესო და ახალია, არის ის, რომ თუ პირი მკურნალობდა სტაციონარში კოვიდ-19-ის გამო, იტარებდა მკურნალობას და გამოყენებული იყო მკურნალობის პერიოდში ტოცილიზუმაბი, ამ პირებისთვის 90 დღის განმავლობაში არ არის მიზანშეწონილი ვაქცინაცია. ​ეს საკითხი აუცილებლად უნდა იყოს ექიმთან ერთად განხილული. თუ თქვენ იცით, რომ გამოჯანმრთელებული ადამიანის პლაზმა გადაგისხეს, თუ ეს საშუალება იყო გამოყენებული თქვენი მკურნალობისთვის, აქაც 90 დღიანი ვადაა განსაზღვრული,“ - აღნიშნულ საკითხზე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„ვაქცინა სულ რამდენიმე დღე რჩება ადამიანის ორგანიზმში, არავითარი გავლენა გრძელვადიანი ზემო...
​ალერგოლოგ-იმუნოლოგმა ბიძინა კულმბეგოვმა საზოგადოებაში გავრცელებული ვაქცინასთან დაკავშირებული ის მოსაზრებები განიხილა, რომლებიც ვაქცინაციის პროცესს აფერხებს. მან მოსახლეობას განუმარტა, რომ ვაქცინას ორ...

შეიძლება დაინტერესდეთ

როდის ჩადგება ძლიერი ქარი - გარემოს ეროვნული სააგენტოს პროგნოზი

როდის ჩადგება ძლიერი ქარი - გარემოს ეროვნული სააგენტოს პროგნოზი

გარემოს ეროვნული სააგენტოს ინფორმაციით, ხვალიდან საქართველოში ტემპერატურა მოიმატებს, ქარი ჩადგება და ჰაერი +28, +33 გრადუსამდე დათბება.

სინოპტიკოსების პროგნოზით, 5 ივლისამდე უნალექო ამინდი იქნება თბილისში. მათივე ცნობით, დღეს დროგამოშვებით იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა 1 ივლისს +25 გრადუსი დაფიქსირდება.  

„1-ლ ივლისს საქართველოს ზოგიერთ რაიონში შენარჩუნებული იქნება ხანმოკლე წვიმა და ელჭექი. იქროლებს დასავლეთის მიმართულების ძლიერი ქარი.  ჰაერის ტემპერატურა დასავლეთ საქართველოს დაბლობსა და ბარში +21,+26 გრადუსია მოსალოდნელი,“ - აღნიშნულია გარემოს ეროვნული სააგენტოს მიერ გავრცელებულ ინფორმაციაში.

წაიკითხეთ სრულად