Baby Bag

„ვინც არიან აცრილები ამ გოგლი-მოგლი ვაქცინებით, ეს ადამიანები უნდა დავიცვათ,“ - გიორგი ფხაკაძე ვაქცინაციის შესახებ

„ვინც არიან აცრილები ამ გოგლი-მოგლი ვაქცინებით, ეს ადამიანები უნდა დავიცვათ,“ - გიორგი ფხაკაძე ვაქცინაციის შესახებ

პროფესორმა გიორგი ფხაკაძემ ვაქცინაციის თემაზე კიდევ ერთხელ ისაუბრა და აღნიშნა, რომ ქვეყანა ფაიზერით ვაქცინაციაზე უნდა გადავიდეს:

„უნდა გადავიდეთ ფაიზერზე. ამასთან დაკავშირებით ორი აზრი არ არსებობს. იმ ადამიანებს, ვინც არის აცრილი ნებისმიერი ვაქცინით, ყველას შევთავაზოთ მესამე დოზა. ფაიზერი არის უსაფრთხო, ​რაც უნდა ილაპარაკონ, ის უსაფრთხოა. ჩვენ ამით გავაკეთებთ მაღალ დაფარვას. ის ადამიანები, ვინც არიან აცრილები ამ გოგლი-მოგლი ვაქცინებით, უნდა დავიცვათ.“

გიორგი ფხაკაძის თქმით, ნოემბერში ეპიდაფეთქება იქნება და ის ჩინური ვაქცინებით აცრილ ხალხს შეეხება:

„ჩვენ ვიცით, რომ​ ნოემბერში იქნება აფეთქება ზუსტად ჩინური ვაქცინებით აცრილი ხალხის. ის ადამიანები, ვინც არიან ვაქცინირებულები სინოფარმი/სინოვაკით, მათ გასდით ვადა. ისინი პრაქტიკულად აღარ არიან ვაქცინირებულები, არ არიან დაცულები. ამ ადამიანებში იქნება აფეთქება.“

„ეს ადამიანები დადიან, ამბობენ: „მე აცრილი ვარ, კაცო, ვქეიფობ!“ ჟურნალისტებიც რომ მოდიოდნენ და ვკითხე რით იყვნენ აცრილი, სინოვაკითო მიპასუხეს. არ ხარ აცრილი, თავი დამანებე-მეთქი, ვუთხარი. ხალხს ჰგონია, რომ აცრილია, მაგრამ არ არის აცრილი. ამ ვაქცინებს ორ თვეში გასდის ვადა. ფაიზერი კარგავს 2,5 %-ს თვეში. ​ვისაც აქვს ავადმყოფობები, იმათთან უფრო მალე გასდის ეფექტიანობა. ქვეყანაში უნდა დაიწყოს მესამე დოზით მასობრივი ვაქცინაცია,“ - აღნიშნა გიორგი ფხაკაძემ.

​წყარო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„მე კოვიდი გადავიტანე და აცრა არ მჭირდება, ეს არის, როგორც ბებიას მალამო. არ გვინდა, ხალხო...
​პროფესორი გიორგი ფხაკაძე ვაქცინაციასთან დაკავშირებული აქტუალური საკითხების შესახებ საუბრობს და აცხადებს, რომ კოვიდგადატანილებს აცრა მაინც ესაჭიროებათ:„მე კოვიდი გადავიტანე და აცრა არ მჭირდება, ეს არი...
,,საქართველოში შემოტანილი ,,ფაიზერის” ვაქცინა არის...''
პროფესორი გიორგი ფხაკაძე ,,ფაიზერის'' ვაქცინის შესახებ სოციალურ ქსელში წერს: ,,ფაიზერის" კოვიდვაქცინის შენახვის ვადა დღესდღეობით არის 10 თვე.  საქართველოში შემოტანილი “ფაიზერის” ვაქცინა არის:...
„ის, რომ გაიკეთოთ ფაიზერის ორი დოზა და ყველაფერი კარგად იქნება, ეს ტყუილია,“- გიორგი ფხაკა...
​პროფესორმა გიორგი ფხაკაძემ იმ გამოწვევების შესახებ ისაუბრა, რომლის წინაშეც დელტა შტამმა დაგვაყენა. მისი თქმით, დელტა შტამის გამო კოვიდგადატანილთა ვაქცინაციის პროცესშიც გარკვეული ცვლილებები შეიტანეს:„...
,,ეს არის ერთ-ერთი უმთავრესი იარაღი ახალი დელტა ვარიანტის წინააღმდეგ''
პროფესორი გიორგი ფხაკაძე დელტა ვარიანტის წინააღმდეგ უმთავრეს იარაღს ასახელებს:,,​ოქსვორდის აკადემიურ ჟურნალში საკმაოდ საინტერესო სტატია დაიბეჭდა პირბადეებთან დაკავშირებით. სამედიცინო პირბადის გამ...

შეიძლება დაინტერესდეთ

„2021 წელი იყო საქართველოსთვის ჩერნობილის შემდგომ ყველაზე მაღალი რადიაციული შკალა,“- ენდოკრინოლოგი ლაშა უჩავა

„2021 წელი იყო საქართველოსთვის ჩერნობილის შემდგომ ყველაზე მაღალი რადიაციული შკალა,“- ენდოკრინოლოგი ლაშა უჩავა

ენდოკრინოლოგმა ლაშა უჩავამ ფარისებრი ჯირკვლის იმ პრობლემების შესახებ ისაუბრა, რომელიც საქართველოში ყველაზე მეტად არის გავრცელებული:

„შესაძლებელია იყოს ფარისებრი ჯირკვლის გარკვეული სტრუქტურული ცვლილებები. სისხლში მისი ჰორმონები იყოს აბსოლუტურად ნორმალური, ან იყოს პირიქით. შეიძლება ფარისებრი ჯირკვალი სტრუქტურულად იყოს უცვლელი, მაგრამ ჰორმონალურად გვქონდეს დარღვევა. არსებობს კვანძოვანი ჩიყვი. ნებისმიერი წარმონაქმნი, რომელიც არ არის ჩვენთვის ფიზიოლოგიური, სამედიცინო ტერმინით არის სიმსივნე. ის შეიძლება იყოს კეთილთვისებიანი ან ავთვისებიანი. რაც შეეხება ჰორმონალურ ცვლილებას, თუ არის დიფუზური ჩიყვი, ის შეიძლება გამოწვეული იყოს ორი პათოლოგიის გამო: ენდემური ან დიფუზურ-ტოქსიური ჩიყვით. ეს ხდება, როდესაც ფარისებრი ჯირკვალი გამოიმუშავებს იმაზე მეტ ჰორმონს, ვიდრე ეს ჩვენი ორგანიზმისთვის არის საჭირო.“

ლაშა უჩავას თქმით, პოპულაციაში ხშირია ჰიპოთირეოზის, ანუ ფარისებრი ჯირკვლის ფუნქციის დაქვეითების შემთხვევები:

„ჰიპოთირეოზი არის ფუნქციის დაქვეითება, რომელიც ხშირია პოპულაციაში. ამ დროს ცხიმოვანი ქსოვილი ბევრად მეტად წარმოიქმნება და შეიძლება ამან პროვოცირება გაუკეთოს წონაში მატებას. ჰიპოთირეოზის სიმპტომებია: ბრადიკარდია, ნერვული სისტემის აღგზნებადობა, ძილიანობა, სუნთქვითი უკმარისობა. ჰიპოთირეოზის დროს ნერვული სისტემა უფრო ლაბილურია. შესაძლოა, ძალიან სევდიან ამბავზეც არანაირი რეაქცია არ ჰქონდეს ადამიანს. ჰიპერთირეოზის დროს, როდესაც დიდი რაოდენობით ჰორმონები გამომუშავდება, ამ დროს ადამიანი უმიზეზოდ კარგავს წონას, ვითარდება ტრემორი, ხელების კანკალი, ბევრად უფრო აღგზნებულები არიან, ემოციების მართვა რთულია. ფრჩხილების მტვრევა, თმის ცვენა ორივე ფორმისთვის არის დამახასიათებელი.“

„ენდემური ჩიყვი არის იოდის დეფიციტი, რომელიც უპირატესად ვლინდება ბავშვთა ასაკში. ეს შესაძლებელია იყოს პირველადი, ორსულობის დროს დედასთან განვითარებული იოდდეფიციტით გამოწვეული. უპირატესად შეინიშნება ორი-სამი წლის ასაკიდან. ამ დროს ზრდა-განვითარება და გონებრივი განვითარება ცოტათი ჩამორჩება ფიზიოლოგიას. რადგან საქართველო ენდემური ზონაა, პედიატრები ყოველთვის ურჩევენ მშობლებს, რომ იოდი საკვები დანამატის სახით იყოს გამოყენებული 3 წლის ასაკიდან. ეს საპრევენციო ზომაა. მწვანე პროდუქტებში ბევრი იოდია. ბოლო პერიოდის განმავლობაში და განსაკუთრებით ჩერნობილის შემდგომ დასავლეთ საქართველოში ბევრად უფრო მაღალია კვანძოვანი ჩიყვის შემთხვევები. გარემოში უფრო მეტი რადიაცია იყო. გასულ წელს გერმანელი ექსპერტების დასკვნა დაიდო, რომ 2021 წელი იყო საქართველოსთვის ჩერნობილის შემდგომ ყველაზე მაღალი რადიაციული შკალა. მხოლოდ 2021 წლიდან დაიწყო მისი ნელ-ნელა დაქვეითება და კლება. ზღვისპირა ქვეყნებში უფრო მაღალია ფარისებრი ჯირკვლის პათოლოგიები. ესეც ჩერნობილის გამო. რადიაცია მზის სხივების ფონზე ბევრად უფრო აქტიურია. გარკვეული ფარისებრი ჯირკვლის პათოლოგიების დროს მზის სხივები კატეგორიულად აკრძალულია, ისევე როგორც სოლარიუმი,“- აღნიშნულ საკითხზე ლაშა უჩავამ ტელეკომპანია „რუსთავი 2“-ის გადაცემაში „ექიმები“ ისაუბრა.

წყარო:​ „ექიმები“

წაიკითხეთ სრულად