როგორ განვასხვავოთ კოვიდ-19-ისა და გრიპის სიმპტომები? - ამ თემაზე ინფექციონისტმა მაია ბუწაშვილმა ისაუბრა.
„კოვიდ-19 ძალიან დაემსგავსა ზემო სასუნთქი გზებით მიმდინარე სხვა ინფექციებს, ვერც ერთ ექიმს ვერ ექნება იმაზე პრეტენზია, რომ სიმპტომებით შეუძლია გაარჩიოს. სურდო ფაქტობრივად არ იყო სიმპტომი და ახლა პირველ ადგილზე გადმოინაცვლა დელტა შტამის შემთხვევაში. ამიტომ მარტივი გამოსავალია მხოლოდ ტესტირება, თუმცა ისიც უნდა გავითვალისწინოთ რასაც არაერთხელ ვამბობთ: ტესტირება არ ნიშნავს 100%-ში დიაგნოზის დასმას, შეიძლება ტესტი იყოს უარყოფითი და მაინც გვქონდეს კორონავირუსი. ყველა შემთხვევაში, როცა სიმპტომები გვაქვს, უნდა მოვერიდოთ ადამიანებს. უარყოფითი პასუხის დროსაც სიმპტომების არსებობის შემთხვევაში, უნდა მოვერიდოთ ხალხს. პირველ რიგში, იმის გათვალისწინებით, რომ შეიძლება იყოს კოვიდი და ტესტი არ აჩვენებდეს და მე-2 - რა მნიშვნელობა აქვს კოვიდია თუ სხვა ინფექცია, ჩვენ მაინც უნდა მოვერიდოთ სხვა ადამიანებს და არ უნდა გადავდოთ.
ბევრჯერ მითქვამს და კიდევ ვიტყვი, არ არსებობს გაციება, ეს ჩვეულებრივი ვირუსული ინფექციებია, გადამდებია ადამიანი და ამიტომ როცა გვაქვს სიმპტოები, ჩვენ სხვებისთვის საფრთხეს წარმოვადგენთ,“ - აღნიშნა მაია ბუწაშვილმა საქართველოს პირველი არხის გადაცემაში „პირადი ექიმი - მარი მალაზონია“.
კორონავირუსისგან დაცვის ყველაზე უცნაურ ,,გამოგონებებს'' შორის ქართველის მეთოდიც მოხვდა
ჯანდაცვის ექსპერტები გვაფრთხილებენ, რომ კორონავირუსისგან თავის დასაცავად სხვადასხვა საშუალებას უნდა მივმართოთ: დავიბანოთ ხელები ხშირად, არ შევეხოთ ხელებით სახეს, გამოვიყენოთ პირბადე, ხელთათმანები, სახლში მივსვლითანავე გავიხადოთ საგარეო ტანსაცმელი და ფეხსაცმელი, დავიცვათ სოციალური დისტანცია და ყველაზე მნიშვნელოვანი - დავრჩეთ სახლში.
თუმცა ზოგიერთი ადამიანის კორონავირუსისგან თავდაცვა სასაცილოც კია. მსოფლიოს გარშემო არსებულ მსგავს შემთხვევებს შორის ქართველი მამაკაცი მოხვდა, რომელიც თავს ვირუსისგან გადაჭრილი პლასტმასის ბოთლით იცავდა.
