Baby Bag

„რაც არ უნდა ვაქცინირებულები ვიყოთ, თუ გვეყოლა ბევრი ინფიცირებული, ჩვენდა სამწუხაროდ, გვეყოლება ბევრი დაავადებული და გარდაცვლილიც,“ - ლევან რატიანი

„რაც არ უნდა ვაქცინირებულები ვიყოთ, თუ გვეყოლა ბევრი ინფიცირებული, ჩვენდა სამწუხაროდ, გვეყოლება ბევრი დაავადებული და გარდაცვლილიც,“ - ლევან რატიანი

პირველი საუნივერსიტეტო კლინიკის დირექტორმა ლევან რატიანმა საქართველოში კორონავირუსის შემთხვევების ზრდის შესახებ ისაუბრა და აღნიშნა, რომ გადარჩენისთვის გონივრული გადაწყვეტილებების მიღება გვჭირდება:

„თავშეყრის ადგილებში ვირუსი ძალიან ვრცელდება. რაც არ უნდა ვაქცინირებულები ვიყოთ, რაც არ უნდა სამკურნალო-საწამლო საშუალებები გვქონდეს, თუ გვეყოლა ბევრი ინფიცირებული, ჩვენდა სამწუხაროდ, გვეყოლება ბევრი დაავადებული და გარდაცვლილიც. მართალია, სულ ამას ვიძახდით, რომ გადავრჩებით და დღესაც ამ განწყობაზე ვარ, რომ აუცილებლად გადავრჩებით, ამისთვის ​გონივრული გადაწყვეტილებები უნდა მივიღოთ.“

​ლევან რატიანის თქმით, ყველანი ერთმანეთს უნდა გავუფრთხილდეთ:

„პირველი რაც არის, ერთმანეთს უნდა გავუფრთხილდეთ. ჩვენ ყველას, საბედნიეროდ, გვიყვარს ერთმანეთი, მაგრამ სამწუხაროდ, ვარღვევთ ამ სიყვარულის კანონს. ერთმანეთის გაფრთხილება რას გულისხმობს?! მიმღებ განყოფილებაში უამრავი პაციენტია, რომელიც სკამზე ზის, იმიტომ, რომ ბოლო რამოდენიმე კვირაა საერთოდ ადგილი არ გვაქვს კლინიკაში. ხანდახან გული მისკდება ხოლმე, როდესაც სკამზე ჩამომსხდარ პაციენტებს ვხედავ, რომლებიც ცუდ მდგომარეობაში არიან, უჭირთ სუნთქვა.“

„ეს გამოიწვია ჩვენმა ქმედებამ, დაუდევრობამ, ერთმანეთის გაუფრთხილებლობამ. წარმოგიდგენიათ, რომ დღეში 500 ზარი შემოდის და ამ 500-დან 90%-ს ეუბნები, რომ ადგილი არ გაქვს. ადამიანს, რომელსაც საშველის პოვნა უნდა შენთან, ვერ ეხმარები. სულ ამის მეშინოდა. იმედია, ახლა მაინც მოვეგებით გონს. 74 გარდაცვლილი გვყავს დღეს. ეს არ არის პატარა ციფრი. ეს ყველაფერი გამოიწვია ჩვენმა უკონტროლო, ქაოტურმა მოძრაობამ ქვეყანაში,“ - აღნიშნულ საკითხზე ლევან რატიანმა ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„კოვიდს როდესაც მოვიხდით, ეს ნივთი აუცილებლად უნდა გადავაგდოთ,“ - ლევან რატიანი
​​პირველი საუნივერსიტეტო კლინიკის დირექტორმა ლევან რატიანმა ტელეკომპანია „რუსთავი 2“-ის გადაცემაში „ექიმები“ ის ხუთი მოძველებული ნივთი გაგვაცნო, რომელიც სახლში არ უნდა შევინახოთ:„არის ხუთი მოძველ...

შეიძლება დაინტერესდეთ

„ბავშვისთვის კითხვის სწავლება არის სკოლის საქმე, მშობლებმა ბავშვს ინფორმაცია და უნარები ძალით არ უნდა ჩატენონ,“ - ფსიქოლოგი ცირა ბარქაია

ფსიქოლოგი ცირა ბარქაია გადაცემაში „იმედის დღე“ ბავშვის სასკოლო მზაობის შესახებ საუბრობს და აღნიშნავს, რომ ყველაზე მთავარი მოსწავლის ინფორმირებულობის ხარისხია:

„რას ვეძახით ზოგადად მზაობას? პირველ რიგში, იმას, რომ ბავშვი თავს კარგად გრძნობს სკოლაში, მას აქვს გარკვეული ინფორმაცია ამ დაწესებულების შესახებ, რაც ნიშნავს იმას, რომ თავის დროზე მას მშობლებმა ინფორმაციით შეუწყვეს ხელი, გააგებინეს, რა დახვდება სკოლაში.“

ცირა ბარქაიას თქმით, სასწავლო მზაობა წერა-კითხვის ცოდნას არ გულისხმობს:

„ხშირად, როდესაც სასკოლო უნარებზეა საუბარი, აღვიქვამთ, რომ კითხვა უნდა იცოდეს ბავშვმა, წერა უნდა იცოდეს, ასოების ცნობა უნდა შეეძლოს. რა თქმა უნდა, ეს ასე არ არის. ბავშვისთვის კითხვის სწავლება არის სკოლის საქმე. როდესაც ასაკის შესაბამის განვითარებაზე ვსაუბრობთ, ვგულისხმობთ, რომ ბავშვი როდესაც სკოლაში შევა, მაშინ უნდა ისწავლოს კითხვა. მაშინ არის ის მზად, რომ დაეუფლოს წერა-კითხვას.“

ცირა ბარქაია აღნიშნავს, რომ მშობელმა ბავშვს კითხვა მხოლოდ იმ შემთხვევაში უნდა ასწავლოს, თუ ამას ბავშვი თავად ითხოვს:

„თუ ბავშვი გამოხატავს მზაობას და ინტერესს სწავლის მიმართ, ეს იმას ნიშნავს, რომ ის მზად არის კონკრეტული ინფორმაციის ასათვისებლად. თუ ბავშვი ამბობს, რომ კითხვა, ხატვა ან ხაზვა უნდა, ეს იმას ნიშნავს, რომ მას ამის გაკეთება შეუძლია. ეს იმას არ ნიშნავს, რომ მშობლებმა ბავშვს ძალით ჩატენონ ინფორმაცია და უნარები. „უნდა ისწავლო კითხვა, უნდა ისწავლო წერა,“ მსგავსი ფრაზები საჭირო არ არის.“

ცირა ბარქაია აღნიშნავს, რომ მოსწავლეებს შორის ჯანსაღი ურთიერთობების ჩამოყალიბებაზე მასწავლებელმა უნდა იზრუნოს:

„სკოლაში მოსწავლეები ბევრი რამით განსხვავდებიან, მაგ. ვის როგორი მობილური უჭირავს, ვის რა რესურსები აქვს, ვის წიგნი აქვს, ვის რვეული. ბავშვებს კომპლექსები რომ არ გაუჩნდეთ, ეს პროცესი აუცილებლად მასწავლებელმა უნდა დაარეგულიროს. ინკლუზიურობა მხოლოდ სპეციალური საგანმანათლებლო საჭიროების, შეზღუდული შესაძლებლობების მქონე ბავშვების ჩართულობას ხომ არ გულისხმობს, ინკლუზიურობა ნიშნავს, რომ ყველა ბავშვს ინდივიდუალური შესაძლებლობები აქვს და მასწავლებელმა ეს ყველაფერი უნდა დაარეგულიროს. როდესაც ვიღაცამ იცის კითხვა, ვიღაცამ არ იცის, თანატოლებმა ერთმანეთს არ უნდა დასცინონ. რა თქმა უნდა, პროცესში მშობლის ჩართულობა ძალიან მნიშვნელოვანია. ბავშვს სჭირდება მშობლის დახმარება რუტინის აწყობაში, როგორ იმეცადინოს, როგორი რუტინა უნდა ჰქონდეს, როგორ განეწყოს სამეცადინოდ. თავიდან, ცხადია, მას მშობელი უნდა დაეხმაროს. ეს არ უნდა მოხდეს იმის მერე, რაც ბავშვი სკოლაში სიარულს დაიწყებს. რუტინის აწყობა იწყება მანამდე. სკოლამდელი აღზრდის დაწესებულებაც ამ მხრივ ძალიან დიდ როლს ასრულებს. საჭიროა, რომ ბავშვი გარკვეულ დღის წესრიგს გადიოდეს.“

„პანდემიის მოცემულობაში ვითარება სწრაფად იცვლება. ამ სპონტანურ გარემოს ზრდასრულები ვერ ვეწევით. ძალიან რთულია, რომ ბავშვი გამოყვეს ჩვენს დაბნეულობას. ამ ეტაპზე სიტუაციურად მშობელი უფრო მეტად უნდა იყოს ჩართული ბავშვთან მუშაობაში. მნიშვნელოვანია, რა მხარდაჭერას სთავაზობს სახელმწიფო სასწავლო დაწესებულებებს და შემდგომ დაწესებულებები რა მხარდაჭერას სთავაზობენ მშობლებს. დამატებითი მხარდაჭერის სერვისები, ცხადია, ამ შემთხვევაში მნიშვნელოვანია,“ - აცხადებს ცირა ბარქაია.

წაიკითხეთ სრულად