Baby Bag

„ვაქცინა ისევე უსაფრთხოა ბავშვებისთვის, როგორც ის უსაფრთხოა მოზრდილებისთვის,“ - ინფექციონისტი ალექსანდრე გოგინავა

„ვაქცინა ისევე უსაფრთხოა ბავშვებისთვის, როგორც ის უსაფრთხოა მოზრდილებისთვის,“ - ინფექციონისტი ალექსანდრე გოგინავა

ინფექციონისტმა ალექსანდრე გოგინავამ მოზარდების ვაქცინაციის მნიშვნელობაზე ისაუბრა და აღნიშნა, რომ ბავშვებისთვის ვაქცინა უსაფრთხოა:

„პირველ რიგში, მინდა ავღნიშნო, რომ ვაქცინა არის სრულად უსაფრთხო იმ პოპულაციისთვის, რომელშიც ის დაშვებულია, მათ შორის მოზარდებისთვისაც. ეს დაამტკიცა ბევრმა კვლევამ. ამის მინდა ხაზი გავუსვა, რომ ყველამ გაიგოს, ვაქცინა ისევე უსაფრთხოა ბავშვებისთვის, როგორც ის უსაფრთხოა მოზრდილებისთვის.“

ალექსანდრე გოგინავას თქმით, საქართველოში, სავარაუდოდ, ბავშვების ვაქცინაციის დაბალი მაჩვენებელი იქნება:

„რა თქმა უნდა, როგორც მოზრდილ მოსახლეობაში გვაქვს ცუდი მაჩვენებელი, სამწუხაროდ​, ვფიქრობ, რომ ბავშვების ვაქცინაციის ტემპიც არ იქნება მაღალი და იქნება დაბალი. ამიტომ, მნიშვნელოვანია მშობლებთან მუშაობა. მათ უნდა ავუხსნათ, რომ შვილებისა და ჩვენი თავის დასაცავად, უნდა ჩავიტაროთ აქტიურად ვაქცინაცია.“

​რატომ არის აუცილებელი მოზარდების ვაქცინაცია? სასწავლო წლის ჩვეულ რეჟიმში განახლებამ გამოიწვია სწრაფადვე ეპიდსიტუაციის გაუარესება. სკოლებში, სხვადასხვა სასწავლებლებში მობილობის გაზრდა პანდემიურ ვითარებაში იწვევს ეპიდსიტუაციის გაუარესებას. თუ ჩვენ ამ სეგმენტშიც კარგად ჩავატარებთ ვაქცინაციას, ეს ხელს შეუწყობს პანდემიის დროულად დასრულებას. ბავშვებში საკმაოდ სწრაფად ვრცელდება ვირუსი მათი ცხოვრების წესიდან გამომდინარე. ეს უკვე დადგენილია, რომ პანდემიის დასამარცხებლად მნიშვნელოვანია ყველა ასაკობრივ ჯგუფში აქტიურად ჩავატაროთ ვაქცინაცია,“ - აღნიშნულ საკითხზე ალექსანდრე გოგინავამ Euronews Georgia-ს ეთერში ისაუბრა.

წყარო: ​Euronews Georgia 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

დროა დაფიქრდეთ იმ თესლებზე, რომელთა დათესვაც გსურთ გარშემომყოფთა გონებაში

დროა დაფიქრდეთ იმ თესლებზე, რომელთა დათესვაც გსურთ გარშემომყოფთა გონებაში

დროა დაფიქრდეთ იმ თესლებზე, რომელთა დათესვაც გსურთ გარშემომყოფთა გონებაში.

თუ მე მეუბნებიან: „შენ არ აკეთებ საკმარისს,“ „შენ არ ხარ საკმარისად კარგი,“ ჩემი შინაგანი ხმა იმეორებს: „მე არ ვაკეთებ საკმარისს,“ „მე არ ვარ საკმარისად კარგი.“ ეს ყველას გამოგვიცდია. მნიშვნელოვანია, მოაზროვნე ზრდასრულებმა, ყურადღებიანმა მშობლებმა, მასწავლებლებმა გავაცნობიეროთ ჩვენი სიტყვების წონა.

როგორ გინდათ, რომ თქვენი ბავშვები საკუთარ თავს ესაუბრებოდნენ? პირადად მე ვისურვებდი, იფიქრონ, რომ ისინი უყვართ, რომ ისინი გონიერები, კეთილები და უნიკალურები არიან, ამ სიტყვის საუკეთესო გაგებით.

ჩვენ გვსურს, ბავშვებმა გააცნობიერონ, რომ მათი ემოციები სწორი და ნორმალურია, რომ სევდა მისაღები განცდაა. როგორ გაიგებენ ბავშვები ამ ყოველივეს, თუ ამას მშობლებისგან არ ისწავლიან?!

​წყარო

წაიკითხეთ სრულად