როგორ მოვუაროთ თავს ორსულობის დროს

პაპილომა ვირუსით ინფიცირება ხდება ორალური, ანალური და ვაგინალური სქესობრივი აქტის დროს. არსებობს 150 მდე HPV-ვირუსის ტიპი. უმეტესობა მათგანი უსიმპტომოდ მიმდინარეობს და არ იწვევს არანაირ ჩივილებს. 40-მდე შტამს შეუძლია დააზიანოს სასქესო ორგანოები და გამოიწვიოს შემდეგი ორგანოების წვეტიანი კონდილოები ან კიბო:

საშვილოსნოს ყელის კიბოს პრევენციის მიზნით შექმნილია ვაქცინა HPV-ვირუსის საწინააღმდეგოდ, რომელიც გამიზნულია საშვილოსნოს ყელის კიბოს გამომწვევ პაპილომა ვირუსის კონკრეტულ შტამებზე. თუმცა ზემოთ აღნიშნული ვაქცინაცია არ არის რეკომენდირებული უშუალოდ ორსულობის დროს, ვინაიდან პაპილომა ვირუსი ორსულობის დროს არ იწვევს გართულებებს, თუმცა არსებობს იშვიათ შემთხვევები, რომლებზეც ქვემოთ ვისაუბრებთ.
​

შესაძლებელია არანაირი სიმპტომი არ გაწუხებდეთ. ყველაზე ხშირი სიმპტომია მეჭეჭებისა და წვეტიანი კონდილომების გაჩენა. წვეტიანი კონდილომები ქალებში ჩნდება ვულვაზე, საშოში, საშვილოსნოს ყელზე, ანუსზე. რაც შეეხება მეჭეჭებს, ძირითადად ვითარდება ხელის მტევნებსა და იდაყვებზე.

მეან-გინეკოლოგების უმეტესობა არ ატარებს პაპილომა ვირუსის ტესტირებას ორსულობისას, თუ ორსულს არ აღენიშნება წვეტიანი კონდილომები და მეჭეჭები, ან პაპ ტესტის პასუხში არ ფიქსირდება HPV-ვირუსი.

ამ ეტაპზე პაპილომა ვირუსის სამკურნალო მედიკამენტი არ არსებობს. მკურნალობა მიმართულია მხოლოდ სიმპტომების ალაგებაზე. შესაძლებელია მეჭეჭებისა და კონდილომების მოყინვა თხევადი აზოტით - კრიოდესტრუქცია, ან მოწვა - ელექტროკაუტერიზაცია.

წვეტიანი კონდილომები ძირითადად შემთხვევაში არ ავლენენ გავლენას ფიზიოლოგიურ მშობიარობაზე, თუმცა თუ კონდილომები ორსულობის განმავლობაში იზრდება დიდ ზომებამდე და არის სისხლმდენი, ამ შემთხვევაში შესაძლოა, გადაწყდეს მშობიარობის დასრულება საკეისრო კვეთის გზით.

იშვიათ შემთხვევაში შესაძლებელია ნაყოფი დაინფიცირდეს მშობიარობის დროს, უმეტეს შემთხვევაში არანაირი მკურნალობა ახალშობილს არ უტარდება.

რთულ შემთხვევებში წვეტიანი კონდილომები შეიძლება ახალშობილს გაუჩნდეს ხორხზე და სახმო იოგებზე. მკურნალობა მიმართულია წარმონაქმნის ქირურგიულ ამოკვეთაზე.