საქართველოს განათლების, მეცნიერების, კულტურისა და სპორტის სამინისტრომ სკოლებს დოკუმენტი გაუგზავნა, სადაც მომავალი სასწავლო წლისთვის გაკვეთილების ჩატარების სხვადასხვა ფორმატს სთავაზობს, სკოლები კი თავად გადაწყვეტენ, თუ რომელ ვარიანტს აირჩევენ.
როგორც დოკუმენტშია აღნიშნული, თითოეულმა სკოლამ უნდა შეიმუშაოს მის შესაძლებლობებსა და საჭიროებებზე მორგებული საგაკვეთილო ცხრილი.
შესაძლოა, ერთცვლიანი სკოლები გადავიდნენ 2 ცვლაზე და სხვადასხვა საფეხურის მოსწავლეებმა იარონ ცვლების მიხედვით.
დოკუმენტის მიხედვით, სასწავლო წლის პირველი კვირა უნდა დაეთმოს ჰიგიენისა და უსაფრთხოების წესების გაცნობას მოსწავლეებისა და მშობლებისთვის; წესები შეიძლება გააცნონ დამრიგებლებმა, მანდატურებმა და/ან უსაფრთხოებაზე პასუხისმგებელმა პირებმა.
ცვლილება იქნება მოსწავლეთა შეფასებაში, კერძოდ, უპირატესობა უნდა მიენიჭოს კომპლექსური დავალებების კეთებას, რაც იძლევა საშუალებას, გაკვეთილების ნაცვლად ზოგჯერ დაინიშნოს საკონსულტაციო საათები დისტანციურად;
ცვლილება უნდა შევიდეს ესგ-ს იმ ნაწილში, სადაც საუბარია შეფასების სავალდებულო კომპონენტებზე (საკლასო, საშინაო და შემაჯამებელი). სკოლას უნდა მიეცეს შესაძლებლობა, მოსწავლეები შეაფასოს მხოლოდ შემაჯამებელი შეფასებით, საკლასო და საშინაო დავალების კომპონენტები იყოს სკოლის სურვილის მიხედვით (რომელიმე კლასში ან კლასებში, ერთ საგანში ან საგნებში).
,,აღნიშნული დოკუმენტი პირველადი ვარიანტია, რომელსაც კიდევ დაემატება ალტერნატივები დასაბოლოოდ, სკოლებიდან მიღებული უკუკავშირის შემდეგ, შეირჩევა საუკეთესო ვარიანტები სკოლების შესაძლებლობებიდან და საჭიროებებიდან გამომდინარე,'' - აღნიშნავენ რესურსცენტრების წარმომადგენლები.
გააზიარეთ პოსტი
თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“
EMIS -ი დისტანციური სწავლებისთვის საგანმანათლებლო სფეროში ჩართულ მხარეებს პლატფორმა el.ge-ზე რესურსების განთავსებას სთავაზობს
სასწავლო პროცესის გადავადებასთან დაკავშირებით განათლების, მეცნიერების, კულტურისა და სპორტის სამინისტრო და განათლების მართვის საინფორმაციო სისტემა (EMIS), ინიციატივით მიმართავს საგანმანათლებლო სფეროში ჩართულ მხარეებს, დარგის ექსპერტებს და პლატფორმა el.ge-ზე, საკუთარი ელექტრონული რესურსების განთავსებას სთავაზობს.
პლატფორმაზე შესაძლებელია სასწავლო-შემეცნებითი ხასიათის ელექტრონული წიგნების, სტატიების, ფოტო-აუდიო და ვიდეო მასალების ატვირთვა. ასევე, მასზე გამოყოფილია სივრცე ბლოგისა და სხვადასხვა მიმართულების პროექტებისთვის.
საგანმანათლებლო ელექტრონული ბიბლიოთეკა el.ge ზოგადი განათლების რეფორმის ფარგლებში შეიქმნა. პროექტის მიზანია, ხელი შეუწყოს სწავლების პროცესის გამარტივებას, საკითხების ფუნდამენტურ შესწავლას, კრეატიული აზროვნების განვითარებასა და მოტივაციის ამაღლებას. ონლაინ სწავლებისა და ელექტრონული მასალების გამოყენება საქართველოს მასშტაბით ნებისმიერ მსურველს შეეძლება.
