Baby Bag

„არაცრა აზიანებს მხოლოდ მას, ვინც არ იცრის, სხვას - არაფრით. აცრილი ადამიანი ზუსტად ისეთივე ვირუსგადამტანია, როგორც არაცრილი, აცრილი უბრალოდ მსუბუქად გადაიტანს ვირუსს“ - იაგო ფრან­გიშ­ვი­ლი

„არაცრა აზიანებს მხოლოდ მას, ვინც არ იცრის, სხვას - არაფრით. აცრილი ადამიანი ზუსტად ისეთივე ვირუსგადამტანია, როგორც არაცრილი, აცრილი უბრალოდ მსუბუქად გადაიტანს ვირუსს“ - იაგო ფრან­გიშ­ვი­ლი

„არაცრა აზიანებს მხოლოდ მას, ვინც არ იცრის, სხვას - არაფრით. აცრილი ადამიანი ზუსტად ისეთივე ვირუსგადამტანია, როგორც არაცრილი, აცრილი უბრალოდ მსუბუქად გადაიტანს ვირუსს. ასე რომ, აცრით ვირუსის გადაცემა კი არ ფერხდება, არამედ მისი სიმძიმე იმ ადამიანებში, ვინც აცრილია“, - ამის შესახებ გერმა­ნი­ა­ში მო­მუ­შა­ვე ქარ­თვე­ლი ექი­მი იაგო ფრან­გიშ­ვი­ლი წერს. გთავაზობთ მის პოსტს:

„ყველა ექიმს მოგმართავთ,
ყველა იმ ადამიანსაც მოგმართავთ, ვისაც წერა-კითხვა და მოსმენა შეუძლია.

ექიმებმა გთხოვთ, აუხსენით იმ ადამიანებს, ვინც წაღმა-უკუღმა აირლიყებს აწებებს სხვას: არაცრა აზიანებს მხოლოდ მას, ვინც არ იცრის, სხვას - არაფრით. აცრილი ადამიანი ზუსტად ისეთივე ვირუსგადამტანია, როგორც არაცრილი, აცრილი უბრალოდ მსუბუქად გადაიტანს ვირუსს. ასე რომ, აცრით ვირუსის გადაცემა კი არ ფერხდება, არამედ მისი სიმძიმე იმ ადამიანებში, ვინც აცრილია.
ჯგუფური იმუნიტეტიც ასე მოქმედებს, რომ შეგეყრება და მსუბუქად გექნება.

არ არსებობს აცრა, რომელიც ვირუსით ინფიცირებას აჩერებდეს.

აი, ეს აუხსენით იმ ადამიანებს, რომლებმაც ის ხალხი ერის მტრებად გამოიყვანეს, ვისაც არ სურს ასტრაზენეკათი აცრა.


​და ნუ დაგავიწყდებათ, გაქვთ, ალბათ, 20.000 დოზა და საკმაოა აცრის მსურველი.


​ერთადერთი, რასაც სამედიცინო პერსონალის აცრა გააუმჯობესებს, ესაა ის, რომ პერსონალი არ გახდება თავად ავად, თუკი ვირუსი შეეყარა და ადრე დაუბრუნდება სამსახურს. სხვა ინტენცია და მიზანი ამ აცრებს არ გააჩნია.

​რაღაც დროში, ალბათ, თვეც არ იქნება საჭირო და ყველას ექნება ამ ვირუსთან კონტაქტი და მერე ავტომატურად იქნება „აცრილი“. მსოფლიოს წამყვანი ინსტიტუტები, მინიმუმ 6 თვეს ვარაუდობენ იმუნიტეტს.

​კორონათი მეორედ ინფიცირების 27 შემთხვევაა 120 მილიონიდან დაფიქსირებული. 
ჰოდა, აუცერით ასტრაზენეკა, ვისაც სურს. სხვები სხვას აიცრიან და იზრუნეთ, რომ ეს სხვაც შემოიტანოთ.

​ვიცი, ახლა გამოჩნდება ვინმე და იტყვის, აბა აცრით რომ ეს და ის ვირუსი გაქრაო?  ჯერ ერთი, არაფერიც არსად არ გაქრა, გარდა მძიმე დაავადებისა, იმ ვირუსებით გამოწვეული. მეორეც და 1 ან 2 წელიწადში არაფერი არ გამქრალა. ჩუტყვავილას ამ დონეზე დაყვანას ათეული წლები დასჭირდა ამ ვაქცინაციის. ასევეა გრიპიც, მინიმუმ 12 წელი დასჭირდა იმას, რომ მივმხვდარიყავით, ყველა ინფლუენცა არაა ერთნაირი და რეგიონალურად სხვადასხვა ვაქცინაა საჭირო, ამიტომაც გამოიგონეს ეს შერეული ვაქცინები.

​ყველაფერს უნდა დრო.

​თუკი ისეთი დრო დადგა, რომ ვაქცინაა „დაყრილი“ და გადასაყრელადაა, პანდემიაა და არავინ იცრის, აი, ამ შემთხვევაში ეს კომუნისტური ზეწოლა იქნება გამართლებულადაც გვეჩვენოს.


​ახლა, ამ სიტუაციაში კი ეს მხოლოდ ადამიანების შეურაცხყოფაა.


​კიდევ ერთხელ, დასავლეთმა სამედიცინო პერსონალი იმიტომ კი არ აცრა, რომ მერე სხვას არ გადაადებსო, არამედ იმიტომ, რომ თუ ავად გახდა, იქნება მოკლე კარანტინში და მალე დაუბრუნდება სამუშაო ადგილსო. აცრილი ექიმი არაა ერთი მისხალიტაც კი ნაკლებინფექციური.

​ამ ზღაპრებს ვინც ავრცელებს, უბრალოდ უნდა იცოდეს, რომ ფეიკნიუსს ავრცელებს.


​ვარ ახლა ანტივაქსერი, სულ თქვენი საქმეა, მე რას მიწოდებთ, ავიცერი ბაიონტექით, 5 დღის შემდეგ შემეყარა კორონა, დავაინფიცირე, ალბათ, 5 ადამიანი, მიუხედავად ჩემი აბსოლუტური ჰიგიენური გაფრთხილებისა, გადავიტანე მეც და სხვებმაც ეს ვირუსი ავად თუ კარგად და დავიწყებ მალე მუშაობას.

​14 თვე ვიყავი კორონიან პაციენტებთან, აუცრელი და არც მე შემყრია, არც ჩემს პაციენტებს გადასდებია ჩემგან. მოვიდა მომენტი და შემეყარა, მიუხედავად აცრისა. აი, ესაა ფაქტი და ასეა ცხოვრება. ჩემი უროლოგი კოლეგა, მთავარი ექიმი, რომელიც ანტივაქსერია, ზუსტად იმ გარემოში მუშაობს, სპეციალური ნიღბის ტარება აიძულა კლინიკამ და მას არ შეეყარა. სამ აცრილ კოლეგას შეგვეყარა. ახლა ის კი არ დაგვცინის, არამედ ადამიანურად იქცევა. შეგეყრება თუ არა, დამოკიდებულია მრავალ ფაქტორზე, კონტექსტზე და ასე შემდეგ.

​ალბათ, 4 ან 5 წელში, როცა აცრა რეგულარული გახდება, ინფიცირებაც მოიკლებს. დღეს კი, აცრას ინფიცირებაზე გავლენა არ გააჩნია, არამედ და მხოლოდ დაავადების სიმძიმეზე,“ - წერს ექიმი იაგო ფრანგიშვილი.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დ​ედების ჯგუფი“)

შეიძლება დაინტერესდეთ

დაავადების გაუარესების კლინიკური ნიშნები კოვიდ-19-ით ინფიცირებულ ადამიანებში - ექიმი ნანა გეგეჭკორი

დაავადების გაუარესების კლინიკური ნიშნები კოვიდ-19-ით ინფიცირებულ ადამიანებში - ექიმი ნანა გეგეჭკორი

ექიმი ნანა გეგეჭკორი სოციალურ ქსელში ვრცელ გზამკვლევს აქვეყნებს, რომელშიც ის ადამიანებს დეტალურად უხსნის ​კოვიდ-19-ის დამძიმების ნიშნებს და გამოკვეთს სხვადასხვა ხარისხის სუნთქვის უკმარისობისთვის დამახასიათებელ სიმპტომატიკას. ნანა გეგეჭკორის პოსტს უცვლელად გთავაზობთ:

​მსუბუქი ფორმით დაავადებულ პაციენტებს ექიმის სპეციალური მეთვალყურეობა არ სჭირდებათ, თუ ისინი არ განეკუთვნებიან რისკ-ჯგუფებს!

რისკ-ჯგუფში მყოფი ყველა პაციენტიც არ საჭიროებს ამგვარ ზედამხედველობას, თუ მათი თანდართული პრობლემები კარგად არის მართული. მაგალითად, ზედმიწევნით კარგად კონტროლირებადი შაქრიანი დიაბეტით დაავადებული პაციენტი მსუბუქი კოვიდ-ინფექციით, შეიძლება დარჩეს სახლში და თავად მართოს პროცესი, ისევე როგორც მოიქცეოდა სეზონური გრიპის შემთხვევაში.

თუმცა, მნიშვნელოვანია დავაკვირდეთ სიმპტომებს დინამიკაში და ექიმთან მიმართვის გადაწყვეტილებას ყოველდღიურ რეჟიმში გადავხედოთ. როგორც წესი, კლინიკურად, პაციენტის დამძიმება დაავადების დაწყებიდან ერთ კვირაში ხდება ხოლმე (თუ ასეთი ალბათობა აქვს პაციენტს) და რისკ-ჯგუფები ამ ეტაპზე განსაკუთრებულ დაკვირვებას ითხოვენ. ასეთ დროს ძალიან დაბალია სრული კლინიკური კვლევის აუცილებლობის ზღურბლი. ზოგიერთ მათგანს შეიძლება ჰოსპიტალიზაციაც დასჭირდეს. დღესდღეობით არ არსებობს არანაირი სპეციფიკური კრიტერიუმი, რის მიხედვითაც გართულებების ან დაავადების დამძიმების პროგნოზირების სრული შესაძლებლობა გვექნებოდა მსუბუქი ფორმებით ინფიცირებულებში. ჰოსპიტალიზირებულ პაციენტებში არსებობს სპეციალური რისკის შკალები, რაც კლინიკური გამოსავლის მეტნაკლებად პროგნოზირების საშულებას იძლევა, თუმცა მათი გამოყენება მკურნალობის სტანდარტს ჯერჯერობით არ წარმოადგენს.

დაავადების გაუარესების კლინიკური ნიშნები:

  • უკიდურესი დაღლილობის შეგრძნება არ გაძლევთ მოძრაობის საშუალებას.
  • გონების ნაწილობრივი ან სრული დაბინდვა, უჩვეულო აგზნება, გამოხატული მოუსვენრობა სხვა სიმპტომებთან ერთად.
  • მაღალი ტემპერატურა არ ემორჩილება მედიკამენტოზურ მკურნალობას.
  • გამოხატული სუნთქვის უკმარისობა.
  • ტკივილი, უჩვეულო სიმძიმის ან მოჭერის შეგრძნება გულმკერდის არეში (ტკივილის ხასიათი არ იცვლება მოძრაობისას სუნთქვის ფაზებთან მიმართებაში. ტკივილის გამოწვევა ან დაყუჩება ან ხასიათის ცვლილება შეუძლებელია შეხებით. ტკივილი გადაეცემა ქვედა ყბას, კისერს, ზემო კიდურებს, ბეჭის მიმდებარე ტერიტორიას ან მუცლის ზედა კვადრანტს).
  • უჩვეულო ტაქიკარდია (აჩქარებული გულისცემა), ნორმალური გულისცემის სიხშირე არ უნდა აღემატებოდეს 100-ს წუთში მცირედი დატვირთვისას.
  • საკმარისი რაოდენობით საკვების და სითხის მიღების შეუძლებლობა კუჭ-ნაწლავის ტრაქტის სიმპტომების გამო.
  • დიარეის და ღებინების ხშირი ეპიზოდები, რამაც შეიძლება სერიოზული დეჰიდრატაცია გამოიწვიოს.
  • ​ქვემო კიდურების ასიმეტრიული შეშუპება (ასეთ შემთხვევაში ქვედა კიდურების ღრმა ვენების თრომბოზი უნდა გამოირიცხოს).
  • სუნთქვის გამოხატული უკმარისობა.
  • სუნთქვის უკმარისობის კლინიკური ნიშნები:

  • ჩვეულებრივი აქტივობები ხდება უჩვეულოდ შეუძლებელი სუნთქვის გაძნელების გამო.
  • სუნთქავთ უფრო ჩქარა და მძიმედ, ვიდრე ჩვეულებრივ (სუნთქვის სიხშირე მოზრდილებში ნორმის მიხედვით არ აღემატება 18-20-ს წუთში).
  • ჩვეულებრივი აქტივობა იწვევს თავბრუსხვევას.
  • ვისაც პულსოქსიმეტრზე მიგიწვდებათ ხელი, ​სატურაცია ნორმალურ მდგომარეობაში უნდა აღემატებოდეს 95%. თუ სატურაცია <92%-ზე, ოთახის ჰაერზე ყოფნისას, პაციენტს ესაჭიროება სასწრაფო ჰოსპიტალიზაცია.
  • პროდუქტიული ხველა, იგულისხმება დიდი რაოდენობით ნახველი რომლის ევაკუაცია (ამოხველება) გართულებულია. ასეთ შემთხვევაში უნდა გამოირიცხოს თანდართული ბაქტერიული პნევმონია. კოვიდს უმეტესად მშრალი ხველა ახასიათებს.
  • ქოშინი მინიმალური დატვირთვისას.
  • სუნთქვის უკმარისობის (დისპნეა) ხარისხები:

    მსუბუქი დისპნეა – სუნთქვის უკმარისობა არ იწვევს ჩვეულებრივი, ყოველდღიური აქტივობების შეზღუდვას და ის გამოხატულია მხოლოდ უჩვეულო დატვირთვისას, მაგალითად, სწრაფი სიარულის, ან ერთი თუ ორი სართულით კიბეზე ასვლისას.

    საშუალო სიმძიმის დისპნეა – სუნთქვის უკმარისობა გიზღუდავთ ჩვეულებრივ აქტივობებს (გამოხატულია სამზარეულოში საკვების მომზადებისას, ვერ ადიხართ კიბეებზე შესვენების გარეშე, ვერ ალაგებთ სახლს).

    მძიმე დისპნეა – ​სუნთქვის უკმარისობა გამოხატულია დასვენების დროსაც; ვერ ახერხებთ მარტივ მოძრაობებს, მაგალითად, ტანსაცმლის ჩაცმას.

    დაავადების დინამიკის შეფასებას მნიშვნელობა აქვს იმისთვის, რომ გავიგოთ შეგვიძლია მკურნალობის სახლში გაგრძელება, თუ დროა მივმართოთ სამედიცინო დაწესებულებას.

    თუ დაავადების ჩვეულ მიმდინარეობას ახალი, რთულად ასატანი სიმპტომები დაერთო, ან მდგომარეობა გაუარესდა, აუცილებელია სრული დიაგნოსტიკური კვლევის ჩატარება. ზემოთ ჩამოთვლილ ტესტებთან ერთად სასურველია სეზონურ ვირუსულ ინფექციებზეც ჩატარდეს კვლევა და ასევე, თუ შესაძლებელია ჩატარდეს რადიოლოგიური დიაგნოსტიკა ზემოთ ნახსენები სქემით.

    საშუალო სიმძიმის დაავადების შემთხვევაში ზედმიწევნით ფრთხილად უნდა გამოიყოს პაციენტთა ჯგუფი, რომელიც დროულ ჰოსპიტალიზაციას საჭიროებს; რისკის ფაქტორების ან უარყოფითი დინამიკის ტემპის გათვალისწინებით. დანარჩენების მართვა კი ექიმის ყოველდღიური მეთვალყურეობის ქვეშ შესაძლებელია სახლში გაგრძელდეს.

    საშუალო სიმძიმის დაავადების კრიტერიუმებია:

    ჰიპოქსიის გარეშე მიმდინარე რადიოგრაფიულად დადასტურებული ქვედა სასუნთქი გზების დაავადება (პნევმონია), სატურაცია (სისხლში ჟანგბადის პროცენტული შემცველობა) >94% ოთახის ჰაერზე.

    განსაკუთრებით მნიშვნელოვანია არ გამოგვეპაროს მძიმედ მიმდინარე დაავადება და ყველა შესაძლებლობა გამოვიყენოთ ამგვარი პაციენტის დროული ჰოსპიტალიზაციისთვის.

    მძიმედ მიმდინარე დაავადების კრიტერიუმებია:

    - გამოხატული ტაქიპნოე (სუნთქვის სიხშირე >30 წუთში)

    - ჰიპოქსია (სატურაცია <93%, სისხლში ჟანგბადის პარციალური წნევის შეფარდება ჩასუნთქული ჟანგბადის ფრაქციასთან <300, ეგრეთ წოდებული PF ratio)

    - რადიოლოგიური კვლევით დადასტურებული ინფილტრატები ფილტვებში >50%

    ცხადია, მ​ძიმედ მიმდინარე დაავადება სასწრაფო ჰოსპიტალიზაციას მოითხოვს. ამგვარი მიდგომა დაგჭირდებათ ასევე იმ პაციენტების მიმართაც, ვისაც მნიშვნელოვანი ქრონიკული დაავადებების გამწვავება აღენიშნება და ეს ართულებს კოვიდის შედარებით მსუბუქი ფორმის სახლში მართვას. სწორად შერჩეული პაციენტის დროული ჰოსპიტალიზაცია კრიტიკულად აუცილებელია საიმედო კლინიკური გამოსავლისათვის.

    ჰოსპიტალიზირებულ პაციენტს პირველ ეტაპზე სჭირდება ის ტესტები, რაც ზემოთ არის მითითებული. დამატებით, აუცილებელია ელექტროკარდიოგრამა, რადგან ამგვარ პაციენტებს ხშირად აღენიშნებათ ელექტროლიტური ბალანსის დარღვევები და მკურნალობისას ელექტროკარდიოგრამაზე შესაბამისი ცვლილებების დროულ აღმოჩენას გადამწყვეტი მნიშვნელობა აქვს სიცოცხლისათვის საშიში არითმიების თავიდან ასარიდებლად.“

    შეგახსენებთ, რომ დღემდე საქართველოში კოვიდ-19-ის 123470 შემთხვევაა აღრიცხული. ბოლო 24 საათში კორონავირუსი 4780 ადამიანს დაუდასტურდა.

    ​წყარო

    წაიკითხეთ სრულად